ସର୍ଟ ରେଞ୍ଜ ଡ଼ିଫେନ୍ସ ସିଷ୍ଟମ VSHORADS କ୍ଷେପଣାସ୍ତ୍ରର ସଫଳ ପରୀକ୍ଷଣ

News 18 Odia Digital

ନୂଆଦିଲ୍ଲୀ: ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ମଙ୍ଗଳବାର ଦିନ  ସର୍ଟ ରେଞ୍ଜ ଏୟାର ଡିଫେନ୍ସ ସିଷ୍ଟମ (VSHORADS) କ୍ଷେପଣାସ୍ତ୍ରର ଦୁଇଟି ସଫଳ ପରୀକ୍ଷଣ ଉଡ଼ାଣ କରିଛି। ଏହି କ୍ଷେପଣାସ୍ତ୍ରଗୁଡିକ ଓଡ଼ିଶା ଉପକୂଳବର୍ତ୍ତୀ  ଚାନ୍ଦିପୁରରେ ଥିବା ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜରୁ ଗ୍ରାଉଣ୍ଡ-ଆଧାରିତ ପୋର୍ଟେବଲ୍ ଲଞ୍ଚରରୁ ପରୀକ୍ଷଣ କରାଯାଇଥିଲା।

DRDO ଅନୁଯାୟୀ, VSHORADS ହେଉଛି ମ୍ୟାନ୍ ପୋର୍ଟେବଲ୍ ଏୟାର ଡିଫେନ୍ସ ସିଷ୍ଟମ୍ (MANPAD)। ଯାହାକି DRDO ର ଅନୁସନ୍ଧାନ କେନ୍ଦ୍ର (RCI), ହାଇଦ୍ରାବାଦ ଦ୍ଵାରା ଅନ୍ୟାନ୍ୟ DRDO ଲାବୋରେଟୋରୀ ଏବଂ ଭାରତୀୟ ଶିଳ୍ପ ସହଭାଗୀମାନଙ୍କ ସହଯୋଗରେ ସ୍ୱଦେଶୀ ଭାବରେ ପରିକଳ୍ପିତ ଏବଂ ବିକଶିତ ହୋଇଛି।

ସୂଚନା ଅନୁଯାୟୀ, ଉଭୟ ଉଡ଼ାଣ ପରୀକ୍ଷଣ ମିଶନର ଉଦ୍ଦେଶ୍ୟ ପୂରଣ କରିଛି। ଏହାପୂର୍ବରୁ ସେପ୍ଟେମ୍ବର ୮ ରେ ଭାରତ ସେନା ଦ୍ୱାରା ମୂଲ୍ୟାଙ୍କନ ପରୀକ୍ଷଣର ଏକ ଅଂଶ ଭାବରେ ଓଡ଼ିଶା ଉପକୂଳରେ ଦ୍ରୁତ ପ୍ରତିକ୍ରିୟା ସର୍ଫେସ୍-ଟୁ-ଏୟାର ମିସାଇଲ୍ (QRSAM) ସିଷ୍ଟମର ୬ଟି ଫ୍ଲାଇଟ୍ ପରୀକ୍ଷା ସଫଳତାର ସହ ସମାପ୍ତ କରିଥିଲା।