ମେକ୍ସିକୋ ସିଟିରେ ଏକ ବଡ଼ ଧରଣର ଭୂକମ୍ପ; କ୍ଷୟକ୍ଷତିର ମିଳିନି କୌଣସି ସୂଚନା

News18 Odia Digital

ମେକ୍ସିକୋ: ସୋମବାର ପଶ୍ଚିମ ମେକ୍ସିକୋ ସିଟିରେ ଏକ ବଡ଼ ଧରଣର ଭୂକମ୍ପ ଅନୁଭୂତ ହୋଇଛି। ସୂଚନା ଅନୁଯାୟୀ ଏହାର ତିବ୍ରତା ୭.୬ ରେକର୍ଡ କରାଯାଇଛି। ବର୍ତ୍ତମାନ ସୁଦ୍ଧା, ଜୀବନ ଓ ସମ୍ପତ୍ତି ନଷ୍ଟ ହେବାକୁ ନେଇ କୌଣସି ସୂଚନା ସାମ୍ନାକୁ ଆସିନାହିଁ।

ସୁରକ୍ଷା ଏଜେନ୍ସିମାନେ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ସ୍ଥାନୀୟ ପ୍ରଶାସନ ଅନୁଯାୟୀ, ଭୂକମ୍ପରେ ହୋଇଥିବା କ୍ଷୟକ୍ଷତି ଓ ଏହାର ତୀବ୍ରତା ଜଣାପଡ଼ିଛି। AFP ନ୍ୟୁଜ୍ ଏଜେନ୍ସି ଅନୁଯାୟୀ, ଭୂକମ୍ପ ଯୋଗୁଁ ପ୍ରବଳ କ୍ଷୟକ୍ଷତି ହେବାର ଆଶଙ୍କା ରହିଛି।

ପ୍ରକାଶ ଥାଉକି ଏହି ଭୂକମ୍ପ ଏମିତି ସମୟରେ ହୋଇଛି ଯେତେବେଳେ ଲୋକ ୧୯୮୫ ଓ ୨୦୧୭ରେ ଦୁଇଟି ବଡ଼ ଭୂକମ୍ପର ବାର୍ଷିକୀ ପାଳନ କରୁଥିଲେ। ମେକ୍ସିକୋରେ ୨୦୧୭ ଭୂକମ୍ପରେ ଶହ ଶହ ଲୋକ ପ୍ରାଣ ହରାଇଥିଲେ।