ଶନିବାର NASA ଲଞ୍ଚ କରିବ Artemis-1; ପୂର୍ବରୁ ରହିଯାଇଥିଲା ତ୍ରୁଟି

ପୌରାଣିକ ବିଶ୍ବାସ ଅନୁଯାୟୀ ଆମେରିକାର ଉଚ୍ଚାଭିଳାଷୀ ମିଶନ୍ ଚନ୍ଦ୍ର ରକେଟ୍ ଆପୋଲୋର ଯାଆଁଳା ଭଉଣୀ ଆର୍ଟେମିସଙ୍କ ନାମରେ ନାମିତ ହୋଇଛି। ଯାନ୍ତ୍ରିକ ତ୍ରୁଟି ହେତୁ ଏହାର ପ୍ରଥମ ପ୍ରୟାସ ବିଫଳ ହୋଇଥିଲା।

ଶନିବାର NASA ଲଞ୍ଚ କରିବ Artemis-1

ଶନିବାର NASA ଲଞ୍ଚ କରିବ Artemis-1

  • News18 Odia
  • Last Updated :
  • Share this:
News18 Odia Digital

America: ଆମେରିକାର ମହାକାଶ ଏଜେନ୍ସି ନାସା ଏହାର ଉଚ୍ଚାଭିଳାଷୀ ମିଶନ ନୂଆ ଚନ୍ଦ୍ର ରକେଟ୍ ଆର୍ଟେମିସ୍ -୧ର ଶୁଭାରମ୍ଭ ପାଇଁ ସପ୍ତାହରେ ଦ୍ୱିତୀୟ ଥର ପାଇଁ ପୁନର୍ବାର ଚେଷ୍ଟା କରିଛି। ଏହାପୂର୍ବରୁ ସୋମବାର ଦିନ ନିର୍ଦ୍ଧାରିତ ଲଞ୍ଚକୁ ୫ ଦିନ ପୂର୍ବରୁ ଇନ୍ଧନ ଲିକ୍ ଓ ପରେ ଚନ୍ଦ୍ର ରକେଟ୍ ଉତକ୍ଷେପଣ ପାଇଁ ଅନ୍ତିମ ପ୍ରସ୍ତୁତି ସମୟରେ ଇଞ୍ଜିନ ବିଫଳତା କାରଣରୁ ସ୍ଥଗିତ ରଖିବାକୁ ପଡ଼ିଥିଲା।

ଫ୍ଲୋରିଡାର କେନେଡି ସ୍ପେସ୍ ସେଣ୍ଟରରେ ଥିବା ନାସା ଦଳ ନୂଆ ଚନ୍ଦ୍ର ରକେଟର ସଫଳ ଉତକ୍ଷେପଣରେ ଦ୍ୱିତୀୟ ପ୍ରୟାସ କରିବାକୁ ଯାଉଛି। ୩୨ ମହଲା ବିଶିଷ୍ଟ ସ୍ପେସ୍ ଲଞ୍ଚ ସିଷ୍ଟମ୍ (SLS) ରକେଟ୍ ଓ ଏହାର ଓରିଅନ୍ କ୍ୟାପସୁଲ୍ ସ୍ଥାନୀୟ ସମୟ (1817 GMT) ଅପରାହ୍ନ ୨ଟା ସମୟରେ ଫ୍ଲୋରିଡାର କେପ୍ କାନଭେରାଲରୁ ଉଡ଼ାଣ ଭରିବ। ଭାରତୀୟ ସମୟ ଅନୁଯାୟୀ, ଏହି ଲଞ୍ଚ ରାତି ପ୍ରାୟ ୧୧.୪୭ ସମୟରେ ହେବ।

ରକେଟରେ କୌଣସି ମହାକାଶଚାରୀ ନାହାଁନ୍ତି

ଯୁକ୍ତରାଷ୍ଟ୍ରରୁ, ଆପୋଲୋ ଚନ୍ଦ୍ର ମିଶନର ୫୦ ବର୍ଷ ପରେ ପୁନର୍ବାର ଏହି ଚନ୍ଦ୍ର ରକେଟ୍ ଆର୍ଟେମିସ୍ ଉତକ୍ଷେପଣ କରାଯାଇଛି। ବୈଷୟିକ ସମସ୍ୟା ହେତୁ ନାସାର ପୂର୍ବ ଲଞ୍ଚ ଉଦ୍ୟମକୁ ସୋମବାର ସ୍ଥଗିତ ରଖିବାକୁ ପଡ଼ିଥିଲା।

ଉଚ୍ଚାଭିଳାଷୀ ମିଶନ ମ୍ୟାନେଜର ମାଇକେଲ ସରଫିନ୍ ଉତକ୍ଷେପଣ ବିଷୟରେ କହିଛନ୍ତି, "କୌଣସି ଗ୍ୟାରେଣ୍ଟି ନାହିଁ ଯେ ଆମେ ଏହାକୁ ଶନିବାର ଦିନ ଆରମ୍ଭ କରିବୁ, ଯଦିଓ ଆମେ ଚେଷ୍ଟା ଜାରି ରଖିବୁ। ଫ୍ଲୋରିଡାର ପାଗ ଏପରି ଯେ ରକେଟ୍ ଉତକ୍ଷେପଣ ହେବାର ସମ୍ଭାବନା ରହିଛି। ଏହା କରିବା ପାଇଁ ପ୍ରାୟ ୬୦ ପ୍ରତିଶତ ସମ୍ଭାବନା ଅଛି।

ବିଶେଷ କଥା ହେଉଛି ଏହି ରକେଟର ଏହା ହେଉଛି ପ୍ରଥମ ମିଶନ୍ ଯେଉଁଥିରେ କୌଣସି ମହାକାଶଚାରୀ ଜାହାଜରେ ରହିବେ ନାହିଁ। ଯଦି ଏହି ମିଶନ୍ ସଫଳ ହୁଏ, ତେବେ ଭବିଷ୍ୟତରେ ମହାକାଶଚାରୀମାନେ ମଧ୍ୟ ଏଥିରେ ପଠାଯିବେ।

ଦୁଇଟି ଯାନ୍ତ୍ରିକ ଗ୍ଲିଚ୍ ହେତୁ ଲଞ୍ଚ୍ ବନ୍ଦ ହୋଇଥିଲା

ଏହାପୂର୍ବରୁ ସୋମବାର ଦିନ ନାସାର ନୂଆ ଚନ୍ଦ୍ର ରକେଟ୍ ଉତକ୍ଷେପଣ ପାଇଁ ଚୂଡ଼ାନ୍ତ ପ୍ରସ୍ତୁତି ସମୟରେ ଇନ୍ଧନ ଲିକ୍ ହେତୁ ଇଞ୍ଚ ଇଞ୍ଜିନ ବିଫଳ ହେତୁ ଲଞ୍ଚକୁ ସ୍ଥଗିତ ରଖିବାକୁ ପଡ଼ିଥିଲା।

ସମାନ ସ୍ଥାନରେ ଅତ୍ୟଧିକ ବିସ୍ଫୋରକ ହାଇଡ୍ରୋଜେନ୍ ଲିକ୍ ହେତୁ ନାସା ବାରମ୍ବାର ଅଟକି ଯାଇ ସ୍ପେସ୍ ଲଞ୍ଚ ସିଷ୍ଟମ୍ ରକେଟରେ ପ୍ରାୟ ଏକ ମିଲିୟନ୍ ଗ୍ୟାଲନ୍ ହାଇଡ୍ରୋଜେନ୍ ଓ ଅମ୍ଳଜାନ ଭରିବା ପ୍ରକ୍ରିୟା ଆରମ୍ଭ କରିଥିଲା। ସେହି ସ୍ଥାନରେ ଲିକ୍ ଦୃଶ୍ୟମାନ ହେଉଥିଲା ଯେଉଁଠାରେ ଡ୍ରେସ୍ ରିହର୍ସାଲ୍ ସମୟରେ ସିପେଜ୍ ମଧ୍ୟ ଦେଖାଯାଇଥିଲା।

ନାସା ଅଧିକାରୀ କହିଛନ୍ତି ଯେ ଯେତେବେଳେ ଏହାର ଚାରୋଟି ପ୍ରମୁଖ ଇଞ୍ଜିନ୍ ମଧ୍ୟରୁ ଗୋଟିଏକୁ ସଠିକ୍ ଥଣ୍ଡା କରିବାରେ ବିଫଳ ହେଲା ସେତେବେଳେ ଏଜେନ୍ସି ଏକ ନୂଆ ସମସ୍ୟାର ସମ୍ମୁଖୀନ ହୋଇଥିଲା।

୫୦ ବର୍ଷ ପୂର୍ବେ ଆପୋଲୋ କାର୍ଯ୍ୟକ୍ରମ ଶେଷ ହେବା ପରଠାରୁ ପ୍ରଥମ ଥର ପାଇଁ ଚନ୍ଦ୍ର ପୃଷ୍ଠରେ ମହାକାଶଚାରୀମାନଙ୍କୁ ଅବତରଣ କରିବାକୁ ଆମେରିକାର ପ୍ରୟାସରେ ଏହି ଉତକ୍ଷେପଣ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ଏହି ମହାକାଶଯାନଟି ୩୨୨ ଫୁଟ ହୋଇଥିବା ବେଳେ ୯୮ ମିଟର ଲମ୍ବ ରହିଛି, ଯାହା ନାସା ଦ୍ୱାରା ନିର୍ମିତ ସବୁଠାରୁ ଶକ୍ତିଶାଳୀ ରକେଟ୍। ସଟର୍ନ-୫ ଠାରୁ ଅଧିକ ଶକ୍ତିଶାଳୀ, ଯାହା ଆପୋଲୋ କାର୍ଯ୍ୟକ୍ରମର ମହାକାଶଚାରୀମାନଙ୍କୁ ଚନ୍ଦ୍ରକୁ ନେଇଥିଲା।

ଆମେରିକୀୟ ପୁରାଣ ଅନୁଯାୟୀ, ଏହି ଚନ୍ଦ୍ର ରକେଟର ନାମ ଆପୋଲୋର ଯାଆଁଳା ଭଉଣୀ ଆର୍ଟେମିସଙ୍କ ନାମରେ ନାମିତ ହୋଇଛି।
Published by:Lipina Das
First published: