କିଏ ପ୍ରଧାନମନ୍ତ୍ରୀ ମୋଦିଙ୍କ ସବୁଠୁ ପ୍ରିୟ ମୁଖ୍ୟମନ୍ତ୍ରୀ? ତାଲିକାରେ ଅଛନ୍ତି ଶିବରାଜ ଚୌହାନ

News18 Odia Digital

ନୂଆ ଦିଲ୍ଲୀ: ଭାରତର ୧୭ଟି ରାଜ୍ୟରେ ଭାରତୀୟ ଜନତା ଦଳର ମେଣ୍ଟ ସରକାର ଅଛି। ଏଥିମଧ୍ୟରୁ ୧୨ଟି ରାଜ୍ୟ ବିଜେପି ମୁଖ୍ୟମନ୍ତ୍ରୀଙ୍କ ଦ୍ୱାରା ଶାସିତ ହେଉଛି। ଏସବୁ ମଧ୍ୟରେ ପ୍ରଶ୍ନ ଉଠୁଛି ଯେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ସବୁଠାରୁ ପ୍ରିୟ ମୁଖ୍ୟମନ୍ତ୍ରୀ କିଏ?

ଇଣ୍ଡିଆନ୍ ଏକ୍ସପ୍ରେସ ଅନୁଯାୟୀ, ବିଜେପି ନେତାମାନେ ବିଶ୍ୱାସ କରନ୍ତି ଯେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ହେଉଛନ୍ତି ପ୍ରଧାନମନ୍ତ୍ରୀ ମୋଦିଙ୍କର ପ୍ରିୟ ସିଏମ୍। ସେମାନେ ଏହାର କାରଣ ମଧ୍ୟ ବର୍ଣ୍ଣନା କରିଛନ୍ତି। ୨୦୨୨ ମସିହାରେ, ସିଏମ ଆଦିତ୍ୟନାଥଙ୍କ ନେତୃତ୍ୱରେ ବିଜେପି କ୍ରମାଗତ ଦ୍ୱିତୀୟ ଥର ପାଇଁ ଉତ୍ତରପ୍ରଦେଶରେ ଜିତିଛି।

ରିପୋର୍ଟ ଅନୁଯାୟୀ, ଯୋଗୀ ଆଦିତ୍ୟନାଥଙ୍କ ବ୍ୟତୀତ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସର୍ମା ଓ ମଧ୍ୟପ୍ରଦେଶର ସିଏମ୍ ଶିବରାଜ ସିଂ ଚୌହାନଙ୍କ କାର୍ଯ୍ୟଶୈଳୀ ପ୍ରଧାନମନ୍ତ୍ରୀ ପସନ୍ଦ କରନ୍ତି ବୋଲି ରାଜନୈତିକ ସର୍କଲରେ ଆଲୋଚନା ହୋଇଛି। ଏହା ସହିତ ଏହି ତିନି ମୁଖ୍ୟମନ୍ତ୍ରୀ ମଧ୍ୟ ସେମାନଙ୍କର କାର୍ଯ୍ୟ ପ୍ରଣାଳୀ ଯୋଗୁଁ ପ୍ରଧାନମନ୍ତ୍ରୀଙ୍କ ଦ୍ୱାରା ପ୍ରଶଂସିତ ମଧ୍ୟ।

ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ପ୍ରଧାନମନ୍ତ୍ରୀଙ୍କ ସହ ସାକ୍ଷାତ ସମୟରେ ଏହି ୩ ମୁଖ୍ୟମନ୍ତ୍ରୀ ନିଜ ସାଙ୍ଗରେ ନୋଟପେପର ଓ ପେନ ରଖନ୍ତି। ବୈଠକ ସମୟରେ ସେ ପ୍ରଧାନମନ୍ତ୍ରୀଙ୍କଠାରୁ ମିଳୁଥିବା ନିର୍ଦ୍ଦେଶନାମା ଲେଖି ତୁରନ୍ତ ବିଭାଗକୁ ଜଣାଇଦିଅନ୍ତି। କେବଳ ଏତିକି ନୁହେଁ, ସେମାନେ ୧୫ ଦିନ ମଧ୍ୟରେ ଏହି ନିର୍ଦ୍ଦେଶାବଳୀ ସମ୍ବନ୍ଧରେ ଏକ ରିପୋର୍ଟ ମଧ୍ୟ ପ୍ରସ୍ତୁତ କରନ୍ତି। କୁହାଯାଏ ଏପରି କାମ ଯୋଗୁଁ ସେମାନଙ୍କ ପାଇଁ ପ୍ରଧାନମନ୍ତ୍ରୀଙ୍କ ଏକ ଭଲ ଦୃଷ୍ଟିକୋଣ ରହିଛି।