ଆବେଙ୍କ ଉପରେ ଅସନ୍ତୁଷ୍ଟ ଥିଲେ ଆକ୍ରମଣକାରୀ; ହତ୍ୟା ଉଦ୍ଦେଶ୍ୟରେ କରିଥିଲେ ଗୁଳି ଚାଳନା

News18 Odia Digital

ଏନଏଚକେ ରିପୋର୍ଟ ଅନୁଯାୟୀ, ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କ ଉପରେ ଅସନ୍ତୁଷ୍ଟ ଥିଲେ ଆକ୍ରମଣକାରୀ । ତେଣୁ ତାଙ୍କୁ ହତ୍ୟା କରିବା ଉଦ୍ଦେଶ୍ୟରେ ଆବେଙ୍କୁ ଟାର୍ଗେଟ କରିଥିଲେ।

ଉଲ୍ଲେଖଯୋଗ୍ୟ, ଆବେଙ୍କୁ ଗୁଳି ଚାଳନା ପରେ ୪୦ ବର୍ଷ ଥିବା ଟେଟସୁୟା ୟାମାଗାମୀଙ୍କୁ ପୋଲିସ ଗିରଫ କରିଥିଲା। କୌତୁହଳର ବିଷୟ, ଆକ୍ରମଣକାରୀ ଘଟଣାସ୍ଥଳରୁ ଖସି ଯାଇ ନଥିଲେ ଓ ହାତରେ ଏକ ଅସ୍ତ୍ର ଧରିଥିଲେ।

Utterly appalled and saddened to hear about the despicable attack on Shinzo Abe.

My thoughts are with his family and loved ones.

— Boris Johnson (@BorisJohnson) July 8, 2022

ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଦା କହିଛନ୍ତି ଯେ ଆବେଙ୍କ ଆରୋଗ୍ୟ ପାଇଁ ପ୍ରାର୍ଥନା କରିବା ଉପରେ ଉଚିତ। କିଶିଦା ଖୁବଶୀଘ୍ର ମିଡ଼ିଆକୁ ସମ୍ବୋଧିତ କରିବା ନେଇ ସୂଚନା ମିଳୁଛି।

ସୂଚନାଯୋଗ୍ୟ, ଜାପାନର ଫୁଜି ଟିଭି ଅନୁଯାୟୀ, ସନ୍ଦିଗ୍ଧ ଜଣେ ପୂର୍ବତନ ସାମୁଦ୍ରିକ ସେଲ୍ଫ ଡିଫେନ୍ସ ଫୋର୍ସ ସଦସ୍ୟ ଯିଏକି ଜାପାନର ପୂର୍ବତନ ପ୍ରଧାନମନ୍ତ୍ରୀଙ୍କୁ ଆକ୍ରମଣ କରିବା ପାଇଁ ଏକ ଘରୋଇ ଅସ୍ତ୍ର ବ୍ୟବହାର କରିଥିଲେ।

ସେ ‘କାର୍ଡିଓପଲ୍‌ମୋନାରି ଆରେଷ୍ଟ୍‌’ ଅବସ୍ଥାରେ ଅଛନ୍ତି (ଅର୍ଥାତ୍‌ ତାଙ୍କର ହୃତ୍‌ପିଣ୍ଡ ଠିକ୍‌ରୂପେ କାମ କରୁନାହିଁ) ବୋଲି ଟୋକିଓର ପୂର୍ବତନ ଗଭର୍ଣ୍ଣର୍‌ ୟୋଇଚି ମାସୁଜୋ ଟୁଇଟ୍‌ କରି ଲେଖିଛନ୍ତି। ଔପଚାରିକ ଭାବେ କାହାର ମୃତ୍ୟୁ ଘୋଷଣା ପୂର୍ବରୁ ଜାପାନରେ ଏଭଳି କୁହାଯାଇଥାଏ।