Shinzo Abe Death: ଆବେଙ୍କ ହତ୍ୟା ପରେ ଜାପାନରେ ଆଜି ଉପର ଗୃହରେ ନିର୍ବାଚନ

ଆଜି କାର୍ଯ୍ୟସୂଚୀ ଅନୁଯାୟୀ ଜାପାନ ସଂସଦର ଉପର ଗୃହରେ ଆସନ ପାଇଁ ନିର୍ବାଚନ ଚାଲିଛି। ଶିଞ୍ଜୋ ଆବେଙ୍କ ଲିବରାଲ୍ ଡେମୋକ୍ରାଟିକ୍ ପାର୍ଟି (LDP) ଶାସକ ମିଳିତ ମଞ୍ଚ ଜିତିବ ବୋଲି ଆଶା କରାଯାଉଛି।

ଶିଞ୍ଜୋ ଆବେ (ପ୍ରତୀକାତ୍ମକ ଛବି)

ଶିଞ୍ଜୋ ଆବେ (ପ୍ରତୀକାତ୍ମକ ଛବି)

  • Share this:
News18 Odia Digital

ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଞ୍ଜୋ ଆବେ ଶୁକ୍ରବାର ଦିନ ଲିବରାଲ୍ ଡେମୋକ୍ରାଟିକ୍ ପାର୍ଟି ପାଇଁ ଏକ ସାଧାରଣ ସଭାରେ ସମ୍ବୋଧିତ କରିଥିଲେ। ଏହି ସମୟରେ ଜଣେ ବ୍ୟକ୍ତି ତାଙ୍କୁ ଗୁଳି କରି ହତ୍ୟା କରିଥିଲେ। ଏଥି ସହିତ ନିର୍ଦ୍ଧାରିତ ସମୟ ଅନୁଯାୟୀ ଉପର ଗୃହ ପାଇଁ ଭୋଟ୍ ଗ୍ରହଣ କରାଯିବ।

ବର୍ତ୍ତମାନ ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ମୃତ୍ୟୁ ହେତୁ ଜାପାନରେ ଶୋକର ଲହରୀ ଖେଳିଯାଇଛି।  ସେପଟେ ଆଜି କାର୍ଯ୍ୟସୂଚୀ ଅନୁଯାୟୀ ଜାପାନ ସଂସଦର ଉପର ଗୃହରେ ଆସନ ପାଇଁ ନିର୍ବାଚନ ଚାଲିଛି।

ଗୁଳି ବିନିମୟରେ ଶିଞ୍ଜୋ ଆବେଙ୍କ ମୃତ୍ୟୁ ଖବର ଦେଶକୁ ଥରାଇ ଦେଇଥିଲା।  ଶିଞ୍ଜୋ ଆବେଙ୍କ ଦୁଃଖଦ ମୃତ୍ୟୁ ଖବର ଶୁଣି ଜାପାନର ବର୍ତ୍ତମାନର ପ୍ରଧାନମନ୍ତ୍ରୀ ଫୁମିଓ କିଶିଦା ଆଞ୍ଚଳିକ ନିର୍ବାଚନମଣ୍ଡଳୀ ପରିଦର୍ଶନ କରିବା ପରେ ଟୋକିଓକୁ ଜରୁରୀକାଳୀନ ପ୍ରତ୍ୟାବର୍ତ୍ତନ କରିଛନ୍ତି।

ଆଜିର ନିର୍ବାଚନରେ ​​ଶିଞ୍ଜୋ ଆବେଙ୍କ ଲିବରାଲ୍ ଡେମୋକ୍ରାଟିକ୍ ପାର୍ଟି (LDP) ଶାସକ ମିଳିତ ମଞ୍ଚ ଜିତିବ ବୋଲି ଆଶା କରାଯାଉଛି। ୟୁରାସିଆ ଗ୍ରୁପର ବିଶ୍ଳେଷକମାନେ ବିଶ୍ୱାସ କରନ୍ତି ଯେ ଆବେଙ୍କ ହତ୍ୟା ପରେ ଜାପାନର ଜନସାଧାରଣ ରାଗିଛନ୍ତି। ଏହା ତାଙ୍କ ଲିବରାଲ୍ ଡେମୋକ୍ରାଟିକ୍ ପାର୍ଟି (LDP) ପାଇଁ ଏକ ଶକ୍ତିଶାଳୀ ମତଦାନ ଓ ଅଧିକ ସମର୍ଥନ ଆଶା ବଢ଼ାଇଛି।

LDP (ଲିବରାଲ୍ ଡେମୋକ୍ରାଟିକ୍ ପାର୍ଟି) ରେ ଶିଞ୍ଜୋ ଆବେଙ୍କର ବହୁତ ପ୍ରଭାବ ଥିଲା। ୬୭ ବର୍ଷିୟ ସିଞ୍ଜୋ ଆବେ ଦୁଇଥର ଜାପାନରେ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ଉଭୟ ଅବସରରେ ସେ ଅସୁସ୍ଥ ଥିବା ଦର୍ଶାଇ ପ୍ରଧାନମନ୍ତ୍ରୀ ପଦ ଛାଡିଥିଲେ। ବର୍ତ୍ତମାନ, ସେ ୨୦୨୦ ମସିହାରେ ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ପଦ ଛାଡିଛନ୍ତି, ଏହା ପରେ ସେ ସଂସଦର ସଦସ୍ୟ ତଥା LDPର ଜଣେ ପ୍ରଭାବଶାଳୀ ନେତା ଭାବରେ ରହିଛନ୍ତି।
Published by:Soumya Das
First published: