ପାର୍ବଣ ସିଜିନରେ SBI ନିଜ ଗ୍ରାହକଙ୍କୁ ଦେଲା ବଡ଼ ଉପହାର; ଏହି ଚାର୍ଜ କଲା ସମାପ୍ତ, ମାଗଣାରେ ମିଳିବ ଅନେକ ସୁବିଧା

SBI ନିଜ ଗ୍ରାହକଙ୍କୁ ଶସ୍ତା ଗୋଲ୍ଡ ଲୋନ, କାର ଓ ପର୍ସନାଲ ଲୋନ ଅଫର କରୁଛି । ଏହା ବ୍ୟତୀତ ବ୍ୟାଙ୍କ ଏହି ସମସ୍ତ ଲୋନ ଉପରେ ପ୍ରୋସେସିଙ୍ଗ ଫିସ ହ୍ରାସ କରିଛି ।

ପାର୍ବଣ ସିଜିନରେ SBI ନିଜ ଗ୍ରାହକଙ୍କୁ ଦେଲା ବଡ଼ ଉପହାର; ଏହି ଚାର୍ଜ କଲା ସମାପ୍ତ, ମାଗଣାରେ ମିଳିବ ଅନେକ ସୁବିଧା
ପାର୍ବଣ ସିଜିନରେ SBI ଗ୍ରାହକଙ୍କୁ ବଡ଼ ଉପହାର
  • News18 Odia
  • Last Updated: October 18, 2020, 1:14 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ସାରା ଦେଶରେ ଚାଲିଥିବା ଉତ୍ସବର ସିଜିନ ମଧ୍ୟରେ ଏସବିଆଇ (SBI) ନିଜ ଗ୍ରାହକଙ୍କ ପାଇଁ ଏକ ସ୍ୱତନ୍ତ୍ର ଅଫର ଆଣିଛି । ଏହି ଅଫରରେ ବ୍ୟାଙ୍କ ଗ୍ରାହକଙ୍କୁ ଶସ୍ତା ଗୋଲ୍ଡ ଲୋନ, କାର ଓ ପର୍ସନାଲ ଲୋନ ଅଫର କରୁଛି । ହା ବ୍ୟତୀତ ବ୍ୟାଙ୍କ ଏହି ସମସ୍ତ ଲୋନ ଉପରେ ପ୍ରୋସେସିଙ୍ଗ ଫିସ ହ୍ରାସ କରିଛି । SBI ର YONO ଆପ୍ ମାଧ୍ୟମରେ ଯେଉଁ ଗ୍ରାହକ ଲୋନ ନିଅନ୍ତି ସେମାନଙ୍କୁ ପ୍ରୋସେସିଙ୍ଗ ଫିସ ଦେବାକୁ ପଡିବ ନାହିଁ । ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଟୁଇଟ୍ କରି ଏହି ଅଫର ବିଷୟରେ ସୂଚନା ଦେଇଛି ।

SBI ଟ୍ୱିଟ୍ କରି ଦେଲା ସୂଚନା 
ଏସବିଆଇ ନିଜ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଟ୍ୱିଟ୍ କରି ଏହି ଅଫର ବିଷୟରେ ସୂଚନା ଦେଇଛି । ବ୍ୟାଙ୍କ ଟ୍ୱିଟରେ ଲେଖିଛି ଯେ ଏହି ଉତ୍ସବର ସିଜିନରେ ଗୋଲ୍ଡ, କାର ଓ ପର୍ସନାଲ ଲୋନ ଉପରେ ବିଶେଷ ଅଫର ମିଳୁଛି । ଗ୍ରାହକମାନେ ଏହି ଲୋନ ପାଇଁ YONO ଆପ୍ ମାଧ୍ୟମରେ ଆବେଦନ କରିପାରିବେ ।

ଲୋନର ସୁଧ ହାର ଯାଞ୍ଚ କରନ୍ତୁ
ଏସବିଆଇ ଗୋଲ୍ଡ ଲୋନ (SBI Gold Loan) ନେଉଥିବା ଗ୍ରାହକକୁ 7.5 ସର୍ବନିମ୍ନ ସୁଧ ହାରରେ ଲୋନ ପ୍ରଦାନ କରିବାକୁ ଅଫର କରିଛି । ଏଥିରେ ଗ୍ରାହକମାନେ 36 ମାସ ପାଇଁ ଗୋଲ୍ଡ ଲୋନ ପରିଶୋଧର ସୁବିଧା ପାଇବେ । ସାମ୍ପ୍ରତିକ ସଙ୍କଟରେ ଗ୍ରାହକଙ୍କ ପାଇଁ ସୁଲଭ ଋଣର ଉପଲବ୍ଧତାକୁ ଦୃଷ୍ଟିରେ ରଖି ଏସବିଆଇ 9.6 ପ୍ରତିଶତ ହାରରେ ପର୍ସନାଲ ଲୋନ ଅଫର କରିଛି । ଏହା ବ୍ୟତୀତ କାର ଲୋନ ପାଇଁ ସୁଧ ହାର 7.5 ପ୍ରତିଶତ ଅଟେ ।

ବ୍ୟାଙ୍କ ଅନୁମୋଦିତ ପୂର୍ବରୁ ଋଣସୁବିଧା ପ୍ରଦାନ କରୁଛି
ଏହା ବ୍ୟତୀତ ବ୍ୟାଙ୍କ ଗ୍ରାହକଙ୍କୁ ପୂର୍ବରୁ ଅନୁମୋଦିତ କାଗଜହୀନ ପର୍ସନାଲ ଲୋନ ପ୍ରଦାନ କରୁଛି । ଡିଜିଟାଲ ବ୍ୟାଙ୍କିଙ୍ଗର ବଢୁଥିବା ଉପଯୋଗିତାକୁ ବିଚାର କରି ଏସବିଆଇ ଏହାର YONO ଆପ୍ ବ୍ୟବହାରକାରୀଙ୍କ ପାଇଁ କାର ଓ ଗୋଲ୍ଡ ଲୋନ ପାଇଁ ପୂର୍ବ ଅନୁମୋଦିତ କାଗଜହୀନ ଲୋନ ପାଇଁ ବ୍ୟବସ୍ଥା କରିଛି ।

ଏପରି ଯାଞ୍ଚ କରନ୍ତୁ ଆପଣଙ୍କର ଯୋଗ୍ୟତା
SBI ଗ୍ରାହକମାନେ କେବଳ 4ଟି କ୍ଲିକରେ YONO ଆପରେ ଅନୁମୋଦିତ କାଗଜହୀନ ପର୍ସନାଲ ଲୋନ ପାଇପାରିବେ । ଏହି ଲୋନ ଯୋଗ୍ୟତା ପାଇଁ ଆପଣ ସ୍ମାର୍ଟଫୋନରୁ PAPL ପରେ ସ୍ପେସ୍ ଦେବେ ଓ SBI ଆକାଉଣ୍ଟ ନମ୍ବର ଶେଷ 4 ଅଙ୍କ ଲେଖି ଏହାକୁ 567676 କୁ SMS କରନ୍ତୁ । ଏହା ମାଧ୍ୟମରେ ଆପଣ ଆପଣଙ୍କର ଯୋଗ୍ୟତା ଯାଞ୍ଚ କରିପାରିବେ ।
Published by: Jagdish Barik
First published: October 18, 2020, 1:09 PM IST
corona virus btn
corona virus btn
Loading