ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ଅଯୋଧ୍ୟା ରାମ ମନ୍ଦିରରେ ରାମଙ୍କ ମୂର୍ତ୍ତିରେ ନିଶ ରହିବ? ଏକ ନୂଆ ବିବାଦ ଆରମ୍ଭ ହେଲା

ଅଯୋଧ୍ୟା ରାମ ମନ୍ଦିରରେ ରାମଙ୍କ ମୂର୍ତ୍ତିରେ ନିଶ ରହିବ? ଏକ ନୂଆ ବିବାଦ ଆରମ୍ଭ ହେଲା

ହିନ୍ଦୁତ୍ୱ ନେତା ସମ୍ଭାଜୀ ଭିଡ଼େ କହିଛନ୍ତି ଯେ ଅଯୋଧ୍ୟାରେ ପ୍ରସ୍ତାବିତ ରାମ ମନ୍ଦିରରେ ଭଗବାନ ରାମଙ୍କ ମୂର୍ତ୍ତିରେ ନିଶ ରହିବା ଉଚିତ୍ । ରାମ ମନ୍ଦିରର ମୁଖ୍ୟ ପୁରୋହିତ ଏହାକୁ ବିରୋଧ କରିଛନ୍ତି ।

ଅଯୋଧ୍ୟା ରାମ ମନ୍ଦିରରେ ରାମଙ୍କ ମୂର୍ତ୍ତିରେ ନିଶ ରହିବ? ଏକ ନୂଆ ବିବାଦ ଆରମ୍ଭ ହେଲା
ପ୍ରଭୁ ରାମଙ୍କ ଏକ ଛବି ଓ (ଡାହାଣ) ହିନ୍ଦୁତ୍ୱ ନେତା ସମ୍ଭାଜୀ ଭିଡ଼େ
  • News18 Odia
  • Last Updated: August 3, 2020, 9:13 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପୁଣେ: ଅଯୋଧ୍ୟାରେ ରାମ ମନ୍ଦିରର (Ayodhya Ram Temple) ଭୂମି ପୂଜନ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ଥିବା ବେଳେ ପ୍ରଭୁ ଶ୍ରୀରାମଙ୍କ ମୂର୍ତ୍ତିକୁ ନେଇ ଏକ ନୂଆ ବିବାଦ ସୃଷ୍ଟି ହୋଇଛି । ହିନ୍ଦୁତ୍ୱ ନେତା ସମ୍ଭାଜୀ ଭିଡ଼େ (Sambhaji Bhide) କହିଛନ୍ତି ଯେ ଅଯୋଧ୍ୟାରେ ପ୍ରସ୍ତାବିତ ମନ୍ଦିରରେ ଭଗବାନ ରାମଙ୍କ ମୂର୍ତ୍ତିର ନିଶ ରହିବା ଉଚିତ୍।

ରାମ ମନ୍ଦିରର 'ଭୁମି ପୂଜନ' (bhoomi pujan) ବୁଧବାର ଉତ୍ତର ପ୍ରଦେଶର ଅଯୋଧ୍ୟାରେ ଅନୁଷ୍ଠିତ ହେବାକୁ ଯାଉଛି । ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି (Narendra Modi) ଏହି ଉତ୍ସବରେ ଯୋଗ ଦେବେ ।

‘‘ମୁଁ ଗୋବିନ୍ଦ ଗିରିଜି ମହାରାଜଙ୍କୁ (ମନ୍ଦିର ଟ୍ରଷ୍ଟର ଜଣେ ଟ୍ରଷ୍ଟି) କହିଛି ଯେ ସେମାନେ ମନ୍ଦିରରେ ସ୍ଥାପନ କରିବାକୁ ଯାଉଥିବା ରାମ ଓ ଲକ୍ଷ୍ମଣଙ୍କ ମୂର୍ତ୍ତିରେ ନିଶ ରହିବା ଉଚିତ୍। ଯଦି ସେମାନେ ଏହି ଭୁଲକୁ ସଂଶୋଧନ ନ କରନ୍ତି (ପ୍ରଭୁ ରାମଙ୍କ ମୂର୍ତ୍ତିରେ ନିଶ ନ ଲଗାନ୍ତି) ତା’ହେଲେ ମନ୍ଦିର ନିର୍ମାଣ ହେଲେ ବି ତାହା ମୋ’ ଭଳି ପ୍ରଭୁ ରାମଙ୍କ ଭକ୍ତଙ୍କ ପାଇଁ ବେକାର୍‌ ହେବ,’’ ସାଙ୍ଗଲିରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରିବା ବେଳେ କହିଛନ୍ତି ଭିଡ଼େ ।

ରାମ ମନ୍ଦିର ନିର୍ମାଣ ପାଇଁ ଅଯୋଧ୍ୟାରେ ନାହିଁନଥିବା ଉତ୍ସାହ ଦେଖିବାକୁ ମିଳିଛି । 


ସେ ଆହୁରି କହିଛନ୍ତି ଯେ ରାମ ମନ୍ଦିର ପାଇଁ “ଭୂମି ପୂଜନ” ଆରମ୍ଭ କରିବା ପୂର୍ବରୁ ମନ୍ଦିର ସ୍ଥଳରେ ଛତ୍ରପତି ଶିବାଜୀ ମହାରାଜଙ୍କର ଏକ ପ୍ରତିମା ପୂଜା କରାଯିବା ଉଚିତ୍ ।

ଶ୍ରୀ ଶିବପ୍ରତିଷ୍ଠାନ୍ ହିନ୍ଦୁସ୍ତାନ ନାମକ ସଂସ୍ଥାର ମୁଖ୍ୟ ଥିବା ଭୀଡ଼େ ଲୋକଙ୍କୁ ଅଗଷ୍ଟ ୫ ତାରିଖର ରାମ ମନ୍ଦିର ଭୂମି ପୂଜନ ଉତ୍ସବକୁ ଦୀପାବଳି ଓ ଦଶହରା ପରି ପାଳନ କରିବାକୁ ନିବେଦନ କରିଛନ୍ତି ।

ଏହା ବି ପଢ଼ନ୍ତୁ: ସୁଶାନ୍ତ ସିଂ ରାଜପୁତ ମୃତ୍ୟୁ: ମୁମ୍ବାଇ ପୋଲିସର ଅବହେଳାରୁ ଦିଶାଙ୍କ ମୃତ୍ୟୁ ସହ ଜଡ଼ିତ ଫାଇଲ୍ ଡିଲିଟ୍ ହୋଇଛି

ଏହା ବି ପଢ଼ନ୍ତୁ: ନିଜ ପ୍ରେମକୁ ଲୁଚାଇବାକୁ ହତ୍ୟାକାରୀ ହେଲା ଭଉଣୀ, ପ୍ରେମିକ ସହ ମିଶି ସାନ ଭାଇକୁ ମାରିଦେଲା

ଭଗବାନ ରାମଚନ୍ଦ୍ରଙ୍କ ମୂର୍ତ୍ତିର ନିଶ ରଖିବାକୁ ଭିଡ଼େଙ୍କ ଦାବିକୁ ନେଇ ରାମ ମନ୍ଦିରର ମୁଖ୍ୟ ପୁରୋହିତ ସତ୍ୟେନ୍ଦ୍ର ଦାସ ତାଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ‘‘ସମ୍ଭାଜୀ ଭିଡ଼େ ଅଜ୍ଞାନ । ସେ ପ୍ରଭୁ ରାମଙ୍କ ବିଷୟରେ ଜାଣନ୍ତି ନାହିଁ । ଭଗବାନ କଦାପି ବୃଦ୍ଧ ହୁଅନ୍ତି ନାହିଁ । ସେ ସର୍ବଦା ୧୬ ବର୍ଷ ବୟସର । ସମ୍ଭାଜୀ ଭିଡ଼େ ଏପରି ବିବୃତ୍ତି ଦେଇ ହିନ୍ଦୁ ପରିବାରରେ ବିବାଦ ସୃଷ୍ଟି କରୁଛନ୍ତି ।’’



ନିକଟରେ ଏନସିପି ମୁଖ୍ୟ ଶରଦ ପାୱାର ଏକ ବିବୃତିରେ କହିଥିଲେ ଯେ କିଛି ଲୋକ ଭାବୁଛନ୍ତି ଏକ ମନ୍ଦିର ନିର୍ମାଣ କରିଦେଲେ କରୋନା ମହାମାରୀ (COVID-19) ଦୂର କରିବାରେ ସହାୟକ ହେବ । ଏହା ଉପରେ ପ୍ରତିକ୍ରିୟା ଦେଇ ଭିଡ଼େ କହିଛନ୍ତି ଯେ ପାୱାର୍‌ ଜଣେ ଭେଟେରାନ ରାଜନେତା ଓ ସମ୍ମାନିତ ବ୍ୟକ୍ତି, ତେଣୁ ସେ ସେହି ପରି ବିବୃତି ଦେବା ଉଚିତ୍ ନ ଥିଲା ।

‘‘ବାସ୍ତବରେ ସେ (ପାୱାର) ନିମନ୍ତ୍ରିତ ନ ମିଳିଲେ ବି 'ଭୁମି ପୂଜନ' ସମାରୋହକୁ ଯିବା ଉଚିତ୍ । ସେ ସେଠାରେ ସମଗ୍ର ମହାରାଷ୍ଟ୍ରର ପ୍ରତିନିଧିତ୍ୱ କରିବେ,’’ କହିଛନ୍ତି ଭିଡ଼େ ।
Published by: Anand Shankar Thankur Das
First published: August 3, 2020, 9:13 PM IST