ସମାଜବାଦୀ ପାର୍ଟିର ନେତା ନିଜ ଝିଅକୁ ୨ ଲିଟର ପେଟ୍ରୋଲ ଦାନ କରି କନ୍ୟାଦାନ କଲେ

ମେରଠର ହାସ୍ତିନାପୁର ପୋଲିସ ଷ୍ଟେସନ ଅଞ୍ଚଳର ଆଲିପୁର ମୋର୍ନା ଗ୍ରାମରେ ସମାଜବାଦୀ ପାର୍ଟିର କର୍ମୀମାନେ ଏକ ବିବାହ ଉତ୍ସବରେ ପହଞ୍ଚିଥିଲେ ଓ ସେଠାରେ ୨ ଲିଟର ପେଟ୍ରୋଲ ଥିବା ଏକ ବୋତଲକୁ ଉପହାର ଭାବେ ପ୍ରଦାନ କରିଛନ୍ତି ।

ସମାଜବାଦୀ ପାର୍ଟିର ନେତା ନିଜ ଝିଅକୁ ୨ ଲିଟର ପେଟ୍ରୋଲ ଦାନ କରି କନ୍ୟାଦାନ କଲେ
ସମାଜବାଦୀ ପାର୍ଟିର ନେତା ନିଜ ଝିଅକୁ ୨ ଲିଟର ପେଟ୍ରୋଲ ଦାନ କରି କନ୍ୟାଦାନ କଲେ
  • News18 Odia
  • Last Updated: February 23, 2021, 3:41 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ମେରଠ: ପେଟ୍ରୋଲ-ଡିଜେଲର ଦର ବୃଦ୍ଧି (Petrol-Diesel Price) ରାସ୍ତାରୁ ନେଇ ସଂସଦ ପର୍ଯ୍ୟନ୍ତ ଏକ ବିରୋଧାଭାସ ସୃଷ୍ଟି ହୋଇଛି । ଏଭଳି ପରିସ୍ଥିତିରେ ସମାଜବାଦୀ ପାର୍ଟିର (Samajwadi Party) କିଛି କାର୍ଯ୍ୟକର୍ତ୍ତା ପେଟ୍ରୋଲ ଦରକୁ ବିରୋଧ କରିବାର ଏକ ନିଆରା ଉପାୟ ପ୍ରସ୍ତୁତ କରିଥିଲେ । ମେରଠରେ ଏକ ବିବାହ ସମାରୋହରେ ସମାଜବାଦୀ କର୍ମୀମାନେ ନିଜ ଝିଅକୁ ପେଟ୍ରୋଲ ବୋତଲ ଉପହାର କରିଥିଲେ । ମେରଠର ହାସ୍ତିନାପୁର ପୋଲିସ ଷ୍ଟେସନ ଅଞ୍ଚଳର ଆଲିପୁର ମୋର୍ନା ଗ୍ରାମରେ ସମାଜବାଦୀକର୍ମୀମାନେ ଏକ ବିବାହ ଉତ୍ସବରେ ପହଞ୍ଚି ସେଠାରେ ୨ ଲିଟର ପେଟ୍ରୋଲ ବୋତଲ ଉପହାର ଦେଇଥିଲେ । ଏହା ସହିତ ପେଟ୍ରୋଲ- ଡିଜେଲର ଦର ବୃଦ୍ଧି ନେଇ ଏକ ପ୍ରତିବାଦ ମଧ୍ୟ କରିଥିଲେ ।

ବାସ୍ତବରେ ମେରଠର ଜଣେ ସମାଜବାଦୀ ପାର୍ଟିର କର୍ମୀ ବାବୁରାମ ନିଜେ ନିଜ ଝିଅର ବିବାହର ଉପହାର ଭାବରେ ପେଟ୍ରୋଲ ବୋତଲ ଦେଇଥିଲେ । ସେ କହିଛନ୍ତି ଯେ ଯଦି ଏହିଭଳି ଭାବେ ପେଟ୍ରୋଲର ଦର ବଢ଼ି ଚାଲେ ତେବେ ପେଟ୍ରୋଲ ଉପହାର ସ୍ୱରୂପ ଦେବା ଯୋଗ୍ୟ ରହିବ । ପେଟ୍ରୋଲ ଦର ଉପରେ ମଧ୍ୟ ସେ ସରକାରଙ୍କୁ କଠୋର ଟାର୍ଗେଟ କରିଛନ୍ତି ।

ସରକାରଙ୍କୁ ସତର୍କ କରାଇବାକୁ ଚେଷ୍ଟା
ସମାଜବାଦୀ ପାର୍ଟିର ପୂର୍ବତନ ସାଧାରଣ ସମ୍ପାଦକ କିଶୋର ବାଲ୍ମୀକ କହିଛନ୍ତି ଯେ ପେଟ୍ରୋଲ ଉପହାର ଦେଇ ଆମେ ଜଣେ ଶ୍ରମିକଙ୍କ ଝିଅର କନ୍ୟାଦାନ ଦାନ କରିଛୁ । ସେ କହିଛନ୍ତି ଯେ ଆଜି ଦେଶ ତଥା ରାଜ୍ୟରେ ପେଟ୍ରୋଲ ଓ ଡିଜେଲର ଦର ଯେପରି ବଢୁଛି, ଏହାକୁ ଦୃଷ୍ଟିରେ ରଖି ସେମାନେ ଏହି ବିରୋଧର ପଦ୍ଧତି ଗ୍ରହଣ କରିଛନ୍ତି । କିଶୋର ବାଲ୍ମୀକ କହିଛନ୍ତି ଯେ ଏହାର ଉଦ୍ଦେଶ୍ୟ କେବଳ କେନ୍ଦ୍ର ଓ ରାଜ୍ୟର ମୂକ ଓ ବଧିର ସରକାରଙ୍କୁ ସଚେତନ କରିବା । ସେ କହିଛନ୍ତି ଯେ ପେଟ୍ରୋଲ ଓ ଡିଜେଲ ଦର ବୃଦ୍ଧିକୁ ସମଗ୍ର ଦେଶରେ ବିରୋଧ କରାଯାଉଛି । ଆଜି କୃଷକ, ଶ୍ରମିକ ଓ ଗରିବ ଲୋକ ମୁଦ୍ରାସ୍ଫୀତିର ସମ୍ମୁଖୀନ ହେଉଛନ୍ତି ।
Published by: Jagdish Barik
First published: February 23, 2021, 3:41 PM IST