ୟୁ.ପି.ରେ ମାଘ ମେଳା ମୈଦାନରେ ୧୪ ବର୍ଷୀୟା ନାବାଳିକା ସହ ବଳାତ୍କାର କରି ‘‘ସାଧୁ’’ ଗିରଫ

ପ୍ରୟାଗରାଜର ମାଘ ମେଳା ମୈଦାନରେ ଫ୍ରେବୃୟାରୀ ୫ ସକାଳେ ନାବାଳିକା ‘‘ସାଧୁ’’ଙ୍କ ଶିବିରକୁ ଫୁଲ ଦେବା ପାଇଁ ଯାଇଥିଲା । ଆରୋପୀ ତାକୁ ପ୍ରସାଦ ଦେବା ଆଳରେ ଭିତରକୁ ଡ଼ାକି ତା ସହ ବଳାତ୍କାର କରିଥିଲେ ବୋଲି ପୋଲିସ କହିଛି।

ୟୁ.ପି.ରେ ମାଘ ମେଳା ମୈଦାନରେ ୧୪ ବର୍ଷୀୟା ନାବାଳିକା ସହ ବଳାତ୍କାର କରି ‘‘ସାଧୁ’’ ଗିରଫ
(ପ୍ରତୀକାତ୍ମକ ଛବି)
  • News18 Odia
  • Last Updated: February 10, 2020, 6:39 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପ୍ରୟାଗରାଜ: ଉତ୍ତର ପ୍ରଦେଶର ପ୍ରୟାଗରାଜରେ ଜଣେ ଚ଼ଉଦ ବର୍ଷୀୟା ନାବାଳିକାକୁ ବଳାତ୍କାର କରିଥିବା ଅଭିଯୋଗରେ ଜଣେ ‘‘ସାଧୁ’’ଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କ ନାଁ ସଞ୍ଜୀବ କୁମାର ରାୟ ବା ସଞ୍ଜୀବ ମହାରାଜ ।

ଗତ ଫ୍ରେବୃୟାରୀ ୫ରେ ମାଘ ମେଳା ମୈଦାନରେ ସଞ୍ଜୀବ ମହାରାଜ ନିଜ ଧାର୍ମିକ ଶିବିରରେ ନାବାଳିକା ସହ ବଳାତ୍କାର କରିଥିଲେ ବୋଲି ପୋଲିସ କହିଛି । ତାଙ୍କୁ ଝୁସି ଅଞ୍ଚଳରୁ ଗିରଫ କରାଯାଇଛି । ଝୁସି ପୋଲିସ ଷ୍ଟେସନର ଷ୍ଟେସନ ହାଉସ ଅଫିସର (SHO) ବ୍ରଜେଶ ସିଂ କହିଛନ୍ତି ଯେ ଆରୋପୀ ଜଣକ ବଲିଆ ଜିଲ୍ଲାର ଗଦୱାରର ମୂଳ ନିବାସୀ ।

‘‘ଆରୋପୀ ମାଘ ମେଳା ମୈଦାନରେ ନିଜର ସଙ୍ଗଠନ ‘ପରମାର୍ଥ ଉତ୍ଥାନ ଏବଂ ଅନୂସନ୍ଧାନ ସଂସ୍ଥା’ ତତ୍ୱାବଧାନରେ ଏକ ଶିବିର ଲଗାଇଥଲେ । ଫ୍ରେବୃୟାରୀ ୫ରେ ସେହି ଶିବିରକୁ ନାବାଳିକା ଜଣକ ଫୁଲ ଦେବା ପାଇଁ ଯାଇଥିବା ବେଳେ ସେଠାରେ ଆରୋପୀ ତା’ ସହ ବଳାତ୍କାର କରିଥିଲେ,’’ କହିଛନ୍ତି ଷ୍ଟେସନ ହାଉସ ଅଫିସର ।

ନାବାଳିକାର ମା’ ଏହି ମେଳାରେ ଏକ ଉଠା ଦୋକାନରେ ଫୁଲ ବିକ୍ରୀ କରୁଥିଲେ । ପୀଡ଼ିତା ନିଜ ଦୋକାନର ଆଖ ପାଖରେ ଥିବା ବିଭିନ୍ନ କଳ୍ପବାସୀଙ୍କ ଶିବିରରେ ଫୁଲ ଦେଉଥିଲା । ଫ୍ରେବୃୟାରୀ ୫ରେ ସେ ଆରୋପୀଙ୍କ ଶିବିରକୁ ଫୁଲ ଦେବା ପାଇଁ ଯାଇଥିଲା । ଆରୋପୀ ତାକୁ ପ୍ରସାଦ ଦେବା ଆଳରେ ଭିତରକୁ ଡ଼ାକି ତା ସହ ବଳାତ୍କାର କରିଥିଲେ ।

ନାବାଳିକା କୌଣସି ପ୍ରକାରେ ସେଠୁ ଫେରି ନିଜ ମା’କୁ ସବୁ କଥା କହିଥିଲା । ପରେ ପୋଲିସ ଦଳ ଝୁସିର ଲୋଟସ ଟ୍ରାଇସେକ୍ସନରେ ଆରୋପୀକୁ ଧରିଥିଲେ ।

ପିଡ଼ିତାଙ୍କ ମା’ଙ୍କ ଅଭିଯୋଗକୁ ଭିତ୍ତି କରି ୬ ଫ୍ରେବୃୟାରୀରେ ଆଇ.ପି.ସି. (IPC) ଓ ପୋକସୋ ଆଇନରେ ଝୁସି ଥାନାରେ ଏକ ମାମଲା ରୁଜୁ କରାଯାଇଥିଲା ।
First published: February 10, 2020, 6:39 PM IST
corona virus btn
corona virus btn
Loading