Sahara india: ସାହାରା ଇଣ୍ଡିଆର ଚେୟାରମ୍ୟାନ୍ ସୁବ୍ରତ ରାୟଙ୍କ ବିରୋଧରେ ଠକେଇ ମାମଲା ରୁଜୁ

News 18 Odia Digital

ସାହାରା ଇଣ୍ଡିଆର ଚେୟାରମ୍ୟାନ୍ ସୁବ୍ରତ ରାୟ ଓ ୧୦ ଜଣ ବରିଷ୍ଠ ଅଧିକାରୀଙ୍କ ବିରୋଧରେ ମେରୁତର ବ୍ରହ୍ମପୁରୀ ପୋଲିସ ଷ୍ଟେସନରେ ଠକେଇ ମାମଲା ରୁଜୁ ହୋଇଛି। ଅଭିଯୋଗକାରୀ ରାଜେଶ୍ୱରୀ ଗୋୟଲ ୨୦୧୪ରେ ସାହାରା ଇଣ୍ଡିଆରେ ୨୫ ଲକ୍ଷ ୫ ହଜାର ଟଙ୍କା ବିନିଯୋଗ କରିଥିଲେ। କିନ୍ତୁ ସମୟ ସମାପ୍ତ ହେବା ପରେ ମଧ୍ୟ ଟଙ୍କା ଫେରସ୍ତ କରାଯାଉ ନାହିଁ ବୋଲି ସେ ଅଭିଯୋଗ କରିଛନ୍ତି ।

୨୦୧୪ରୁ ୨୦୧୯ ଏଇ ୫ ବର୍ଷ ଭିତରେ ସେ ପ୍ରତି ମାସରେ ୨୫ ହଜାର ଟଙ୍କା ବିନିଯୋଗ କରିଛନ୍ତି ବୋଲି କହିଛନ୍ତି । ତାଙ୍କୁ ମୂଳ ଟଙ୍କା ସହ ସୁଧ ପ୍ରଦାନ କରାଯିବ ବୋଲି କୁହାଯାଇଥିଲା । କିନ୍ତୁ ଏହା ପାଞ୍ଚ ବର୍ଷ ପୂରଣ ହେବା ପରେ ସାହାରା କର୍ତ୍ତୃପକ୍ଷଙ୍କୁ ଜଣାଇଥିଲେ । କିନ୍ତୁ ସେମାନେ ଟଙ୍କା ଫେରସ୍ତ କରି ନଥିଲେ ବୋଲି ଅଭିଯୋଗ ଆଣିଛନ୍ତି ରାଜେଶ୍ୱରୀ ।

ସାହାରାରେ ବିନିଯୋଗ କରିଥିବା ଅଧିକାଂଶ ଲୋକ ଏପର୍ଯ୍ୟନ୍ତ ଟଙ୍କା ପାଇନାହାଁନ୍ତି। ସାହାରା ଏହାର ସ୍ଥିତି ସ୍ପଷ୍ଟ କରି କହିଛି ଯେ ଏହା ନିବେଶକଙ୍କ ଟଙ୍କା ସେବିରେ ଜମା କରିଛି। କିନ୍ତୁ ସେବି କହିଛି ଯେ ବର୍ତ୍ତମାନ ପର୍ଯ୍ୟନ୍ତ ୫୩,୬୪୨ ମୂଳ ବଣ୍ଡ ସାର୍ଟିଫିକେଟ୍ / ପାସ୍ ବହି ସହ ଜଡିତ ୧୯,୬୪୪ ଆବେଦନ ମାତ୍ର ୮୧.୭୦ କୋଟି ଟଙ୍କା ପାଇଛି।