ଋଷ-ୟୁକ୍ରେନ ଯୁଦ୍ଧ ଉପରେ ଏମିତି ଟ୍ବିଟ କରି ଫସିଲେ ଏଲୋନ୍ ମସ୍କ

News18 Odia Digital

Elon Musk Tweet: ଟେସଲା ସିଇଓ ତଥା ଦୁନିଆର ସବୁଠାରୁ ଧନୀ ବ୍ୟକ୍ତି ଏଲୋନ୍ ମସ୍କ ଟ୍ୱିଟରରେ ବହୁତ ସକ୍ରିୟ ରୁହନ୍ତି। ସେ ପ୍ରାୟତଃ ପ୍ରତ୍ୟେକ ପ୍ରମୁଖ ପ୍ରସଙ୍ଗରେ କଥାବାର୍ତ୍ତା କରନ୍ତି, ଯେଉଁଥିପାଇଁ ସେ ଅନେକ ଥର ବିବାଦ ଘେରରେ ଆସିଯାଆନ୍ତି।

ଇତିମଧ୍ୟରେ ଟ୍ୱିଟରରେ ଋଷ-ୟୁକ୍ରେନ ଯୁଦ୍ଧ ବନ୍ଦ କରି ଶାନ୍ତି ବିସ୍ତାର କରିବାକୁ ସେ ପରାମର୍ଶ ଦେଇଥିବା ବେଳେ ପୁଣି ଥରେ ସମାନ ଘଟଣା ଦେଖିବାକୁ ମିଳିଛି। ତାଙ୍କ କାର୍ଯ୍ୟାନୁଷ୍ଠାନ ଉପରେ, ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସମେତ ୟୁକ୍ରେନ ଅଧିକାରୀମାନେ ତାଙ୍କୁ ଟାର୍ଗେଟ କରିଛନ୍ତି ଓ ଟ୍ୱିଟ୍ ମାଧ୍ୟମରେ ଦୃଢ଼ ପ୍ରତିକ୍ରିୟା ପ୍ରକାଶ କରିବାରେ ଲାଗିଛନ୍ତି।

ମାମଲା କଣ?

ଏଲୋନ୍ ମସ୍କ, ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ମାଧ୍ୟମରେ, ୟୁକ୍ରେନରେ ଋଷର କାର୍ଯ୍ୟକଳାପ ସମାପ୍ତ କରିବା ବିଷୟରେ ଏକ ଟ୍ୱିଟର ସର୍ଭେ କରିବାକୁ ଚେଷ୍ଟା କରିଥିଲେ। ଯୁଦ୍ଧ ଶେଷ କରିବା ପାଇଁ ଟେସଲାର ସିଇଓ ବିଭିନ୍ନ ଧାରଣା ଦେଇଥିଲେ ଓ ତାଙ୍କ ଅନୁଗାମୀମାନଙ୍କୁ ତାଙ୍କ ପରାମର୍ଶରେ 'ହଁ' କିମ୍ବା 'ନା' ଭୋଟ ଦେବାକୁ କହିଥିଲେ, ଯେଉଁଥିରେ ଋଷ ବେଆଇନ ଭାବେ କ୍ରିମିୟା ଉପରେ କବଜା କରିବାର ଅନୁମତି ସାମିଲ ଥିଲା।

ମସ୍କ ଟ୍ୱିଟରେ କହିଥିଲେ ଯେ ଋଷ ଆଂଶିକ ସୈନ୍ୟ ସଂଗ୍ରହ କରୁଛି। ଯଦି ଯୁଦ୍ଧ ଆଗକୁ ବଢ଼େ ତେବେ ଉଭୟ ପାର୍ଶ୍ୱରେ ଅନେକ ମୃତ୍ୟୁ ଘଟିବ ଓ ଏହା ଅତ୍ୟନ୍ତ ବିପର୍ଯ୍ୟସ୍ତ ହେବ। ଋଷ ୟୁକ୍ରେନର ଜନସଂଖ୍ୟାର ୩ ଗୁଣ, ତେଣୁ ଯୁଦ୍ଧରେ ୟୁକ୍ରେନର ବିଜୟ ସମ୍ଭବ ନୁହେଁ। ଯଦି ତୁମେ ୟୁକ୍ରେନର ଲୋକଙ୍କ ବିଷୟରେ ଚିନ୍ତା କରଛୁ ତେବେ ଶାନ୍ତି ଖୋଜ।

Russia is doing partial mobilization. They go to full war mobilization if Crimea is at risk. Death on both sides will be devastating.

Russia has >3 times population of Ukraine, so victory for Ukraine is unlikely in total war. If you care about the people of Ukraine, seek peace.

— Elon Musk (@elonmusk) October 3, 2022

ସେପଟେ ମସ୍କଙ୍କ ଟ୍ୱିଟକୁ ୟୁକ୍ରେନ ରାଷ୍ଟ୍ରପତି ଜେଲେନସ୍କି କିମ୍ବା ୟୁକ୍ରେନର ଜର୍ମାନୀରେ ଥିବା ପୂର୍ବତନ ରାଷ୍ଟ୍ରଦୂତ ଆଣ୍ଡ୍ରିଜ ମେଲନିକ ଗ୍ରହଣ କରିନାହାଁନ୍ତି।

ମେଲନିକ୍ ନିଜେ ଟ୍ୱିଟରେ ମସ୍କକୁ ଉତ୍ତର ଦେଇ କହିଛନ୍ତି, ‘‘ମୋର ତୁମକୁ କୂଟନୈତିକ ଉତ୍ତର ଅଛି, ଓ ଏହା ନିରର୍ଥକ। ବର୍ତ୍ତମାନ ଗୋଟିଏ କଥା ସ୍ପଷ୍ଟ ହୋଇଛି ଯେ କୌଣସି ୟୁକ୍ରେନ ଆପଣଙ୍କ ING ଟେସଲା ପରି ଏକ ଖରାପ କାର କିଣିବେ ନାହିଁ।’’

ଅନ୍ୟପକ୍ଷରେ, ୟୁକ୍ରେନର ରାଷ୍ଟ୍ରପତି ଜେଲେନସ୍କି ଦୁଇଟି ପ୍ରତିକ୍ରିୟାରେ ଟ୍ବିଟ କରି ଲେଖିଛନ୍ତି, ‘‘ଆପଣଙ୍କୁ କେଉଁ ଏଲୋନ୍ ମସ୍କ ଅଧିକ ପସନ୍ଦ, ଯିଏ ୟୁକ୍ରେନକୁ ସମର୍ଥନ କରେ କିମ୍ବା ଋଷକୁ ସମର୍ଥନ କରେ?’’