ଅଲ ଇଣ୍ଡିଆ ଇମାମ ସଂଗଠନର ମୁଖ୍ୟଙ୍କ ସହ ବୈଠକ ପାଇଁ ମସଜିଦରେ ପହଞ୍ଚିଲେ RSS ମୁଖ୍ଯ

ଆରଏସଏସ ମୁଖ୍ୟ ମୋହନ ଭାଗବତ କସ୍ତୁରବା ଗାନ୍ଧି ମାର୍ଗରେ ଥିବା ଏକ ମସଜିଦରେ ପହଞ୍ଚିଥିଲେ। ସେ ମସଜିଦରେ ପ୍ରାୟ ଏକ ଘଣ୍ଟା ଧରି ଉପସ୍ଥିତ ଥିଲେ।

RSS ମୁଖ୍ୟ (ପ୍ରତୀକାତ୍ମକ ଛବି)

RSS ମୁଖ୍ୟ (ପ୍ରତୀକାତ୍ମକ ଛବି)

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: ଦିଲ୍ଲୀର ମୁସଲମାନ ବୁଦ୍ଧିଜୀବୀମାନଙ୍କୁ ଭେଟିବା ପାଇଁ ଆରଏସଏସ ମୁଖ୍ୟ ମୋହନ ଭାଗବତ ଆଜି କସ୍ତୁରବା ଗାନ୍ଧି ମାର୍ଗରେ ଥିବା ମସଜିଦରେ ମୌଲାନା ଜମିଲ ଇଲିଆସିଙ୍କ ସମାଧିସ୍ଥଳରେ ପହଞ୍ଚିଥିଲେ। ମୋହନ ଭାଗବତ ତାଙ୍କ କବରକୁ ଫୁଲ ଅର୍ପଣ କରିଥିଲେ। ଇମାମ ଉମର ଇଲିଆସି ଓ ଶୋଏବ ଇଲିଆସିଙ୍କ ତାଙ୍କର ଏକ ବୈଠକ ଆୟୋଜିତ ହୋଇଥିଲା। ଡକ୍ଟର ଇମାମ ଉମର ଇଲିଆସି ଅଲ ଇଣ୍ଡିଆ ଇମାମ ସଂଗଠନର ମୁଖ୍ୟ। ମୋହନ ଭାଗବତ ମସଜିଦରେ ପ୍ରାୟ ଏକ ଘଣ୍ଟା ରହିଲେ।

ଡକ୍ଟର ଜମିଲ ଇଲିଆସିଙ୍କ ପୁଅ ଶୋଏବ ଇଲିଆସି କହିଛନ୍ତି ଯେ ମୋହନ ଭାଗବତଙ୍କ ଆଗମନ ଦେଶ ପାଇଁ ଏକ ବଡ ବାର୍ତ୍ତା। ଏହା ଆମ ପାଇଁ ଏକ ଖୁସିର ଘଟଣା। ଏହା ପ୍ରେମର ବାର୍ତ୍ତା। ମୋହନ ଭାଗବତ କାହିଁକି ମସଜିଦକୁ ଯାଇଥିଲେ ତାହା ଉପରେ ଆଲୋଚନା କରାଯିବା ଉଚିତ ନୁହେଁ। ଏହା ଦେଶ ପାଇଁ ଏକ ସୁଖଦ ପରିସ୍ଥିତି। ଶୋଏବ ଏହା ମଧ୍ୟ କହିଛନ୍ତି ଯେ ମୋହନ ଭାଗବତ ତାଙ୍କ ଭାବମୂର୍ତ୍ତିର ଆକଳନ ପରି ନୁହେଁ। ସେ ଶ୍ରୀମଦ୍ ଭାଗବତ ଗୀତା ଉପରେ ମୋର ପୁସ୍ତକ ଦେଖି ପ୍ରଶଂସା କରିଥିଲେ ।

ନିକଟରେ ଆରଏସଏସ ମୁସଲମାନମାନଙ୍କ ସହ ସମ୍ପର୍କ ମଜବୁତ କରିବାକୁ ଚେଷ୍ଟା କରୁଛି ଓ ମୋହନ ଭାଗବତ ସଂଖ୍ୟା ଲଘୁ ସମ୍ପ୍ରଦାୟର ନେତାଙ୍କ ସହ ଅନେକ ବୈଠକ କରିଛନ୍ତି। ଗତ ବର୍ଷ ମଧ୍ୟ ମୁମ୍ବାଇର ଏକ ହୋଟେଲରେ ମୁସଲିମ ବୁଦ୍ଧିଜୀବୀଙ୍କ ସହ ତାଙ୍କର ଏକ ବୈଠକ ହୋଇଥିଲା।

ଉଲ୍ଲେଖନୀୟ କଥା ହେଉଛି, ମୁସଲମାନ ସମ୍ପ୍ରଦାୟର କେତେକ ବୁଦ୍ଧିଜୀବୀ ଗତ ମାସରେ ରାଷ୍ଟ୍ରୀୟ ସ୍ୱୟଂସେବକ ସଂଗଠନ (ଆରଏସଏସ) ମୁଖ୍ୟ ମୋହନ ଭାଗବତଙ୍କୁ ଭେଟିଥିଲେ। ଏହି ସମୟରେ ହିନ୍ଦୁ-ମୁସଲମାନ ମଧ୍ୟରେ ସମନ୍ୱୟ ରକ୍ଷା କରିବାକୁ କାର୍ଯ୍ୟ କରିବାକୁ ସହମତି ପ୍ରକାଶ ପାଇଛି। ସାମ୍ପ୍ରତିକ ସମୟରେ ଆରଏସଏସ ମୁସଲମାନମାନଙ୍କ ସମ୍ପର୍କ ସ୍ଥାପନ କରିବାକୁ ଚେଷ୍ଟା କରୁଛି।
Published by:Soumya Das
First published: