ଲୁଟ, ହତ୍ୟା ଓ ଶେଷରେ ଶବକୁ କଲା ୫୦ ଖଣ୍ଡ... ଦିଲଦାରଙ୍କ ପ୍ରେମରେ ରୁବିକାଙ୍କ ଯନ୍ତ୍ରଣାଦାୟକ ମୃତ୍ୟୁ

ପ୍ରଥମ ସ୍ୱାମୀଙ୍କ ମୃତ୍ୟୁ ପରେ ଭାବପ୍ରବଣ ହୋଇପଡିଥିବା ରୁବିକାଙ୍କୁ ଦିଲଦାର ସାନ୍ତ୍ୱନା ଦେଇଥିଲା । ମିଥ୍ୟା ପ୍ରେମର ପ୍ରତିଶ୍ରୁତି ଦିଲଦାର ତାଙ୍କୁ ପ୍ରେମ ଜାଲରେ ଫସାଇ ରଖିଥିଲା ଏବଂ ପରେ କ୍ରମାଗତ ଭାବରେ ତାଙ୍କୁ ଶାରୀରିକ ନିର୍ଯାତନା ଦେବା ଆରମ୍ଭ କଲା ।

ଲୁଟ, ହତ୍ୟା ଓ ଶେଷରେ ଶବକୁ କଲା ୫୦ ଖଣ୍ଡ... ଦିଲଦାରଙ୍କ ପ୍ରେମରେ ରୁବିକାଙ୍କ ଯନ୍ତ୍ରଣାଦାୟକ ମୃତ୍ୟୁ

ଲୁଟ, ହତ୍ୟା ଓ ଶେଷରେ ଶବକୁ କଲା ୫୦ ଖଣ୍ଡ... ଦିଲଦାରଙ୍କ ପ୍ରେମରେ ରୁବିକାଙ୍କ ଯନ୍ତ୍ରଣାଦାୟକ ମୃତ୍ୟୁ

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ; ଦିଲ୍ଲୀର ଶ୍ରଦ୍ଧାଙ୍କ ପରି ହତ୍ୟାକାଣ୍ଡର ଶିକାର ହେଲେ ସାହିବଗଞ୍ଜ ଜିଲ୍ଲାର ରୁବିକା ପହାଡିଆ, ସେ ଝାଡଖଣ୍ଡର ବୋରିଓ ପୋଲିସ ଷ୍ଟେସନ ଅଞ୍ଚଳର ଗୋଣ୍ଡା ପହାଡର ବାସିନ୍ଦା ଥିଲେ । ଆଦିମ ଜନଜାତି ପହାଡିଆ ସମ୍ପ୍ରଦାୟର ରୁବିକା ୬ ଭାଇ ଭଉଣୀଙ୍କ ମଧ୍ୟରେ ତୃତୀୟ ଥିଲେ । ୨୨ ବର୍ଷୀୟ ରୁବିକା ପ୍ରାଥମିକ ଆଦିବାସୀ ଆବାସିକ ବିଦ୍ୟାଳୟ ବାନ୍ଦର କୋଲା ବୋରିରେ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଥିଲେ ।

ନବମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିବା ପରେ ରୁବିକା ପାଠପଢା ଛାଡିଥିଲେ । ଆଧୁନିକ ଚିନ୍ତାଧାରାର ରୁବିକା ପହାଡ଼ିଆ ତାଙ୍କ ସ୍ୱାମୀଙ୍କ ମୃତ୍ୟୁ ପରେ ବୋରି ବେଲ୍ଟୋଲା ନିବାସୀ ୨୫ ବର୍ଷିୟ ଦିଲଦାର ଅନସାରୀଙ୍କ ସହ ଭେଟ ହୋଇଥିଲା, ବୋରୀ ବଜାରରେ ଯିବା ଆସିବା ସମୟରେ ୨ ବର୍ଷ ପୂର୍ବେ ତାଙ୍କ ସହ ଭେଟ ହୋଇଥିଲା । ପ୍ରଥମ ସ୍ୱାମୀଙ୍କ ମୃତ୍ୟୁ ପରେ ଭାବପ୍ରବଣ ହୋଇପଡିଥିବା ରୁବିକାଙ୍କୁ ଦିଲଦାର ସାନ୍ତ୍ୱନା ଦେଇଥିଲା ।

ମିଥ୍ୟା ପ୍ରେମର ପ୍ରତିଶ୍ରୁତି ଦିଲଦାର ତାଙ୍କୁ ପ୍ରେମ ଜାଲରେ ଫସାଇ ରଖିଥିଲା ଏବଂ ପରେ କ୍ରମାଗତ ଭାବରେ ତାଙ୍କୁ ଶାରୀରିକ ନିର୍ଯାତନା ଦେବା ଆରମ୍ଭ କଲା । ଦିଲଦାର ଏକ ସ୍କ୍ରାପ୍ ଡିଲର ଭାବରେ କାମ କରେ, କିନ୍ତୁ ସବୁବେଳେ ଫ୍ୟାଶନେବଲ୍ ପୋଷାକ ପିନ୍ଧୁଥିଲା ଏବଂ ଅପଡେଟ୍ ରହୁଥିଲା । ରୁବିକାଙ୍କ ଭଉଣୀଙ୍କ ଅନୁଯାୟୀ, ଦିଲଦାରଙ୍କ ପ୍ରେମ ଜାଲରେ ପଡ଼ିବା ପରେ ପରିବାର ସଦସ୍ୟଙ୍କ ବିରୋଧ ସତ୍ତ୍ୱେ ସେ ଲିଭ-ଇନ୍‌ ସମ୍ପର୍କରେ ରହୁଥିଲେ ।

ଯେତେବେଳେ ରୁବିକା ବିବାହ ପାଇଁ ଚାପ ପକାଇଲେ, ସେତେବେଳେ ମାମଲା ପୋଲିସ ଷ୍ଟେସନକୁ ଯାଇଥିଲା । ପୋଲିସ ଷ୍ଟେସନର ହସ୍ତକ୍ଷେପ ପରେ ଦୁହେଁ ଦିମାପୁରରେ ବିବାହ କରିଥିଲେ। ରୁବିକାଙ୍କ ପିତା ଜଣେ ସାଧାରଣ କୃଷକ, ଯିଏ ତାଙ୍କ ଗାଁ ଗୋଣ୍ଡା ପହରରେ ଚାଷ କାର୍ଯ୍ୟ କରନ୍ତି ଯେଉଁ ବ୍ୟକ୍ତିଙ୍କ ସହ ରୁବିକା ପରିବାର ସଦସ୍ୟଙ୍କ ବିରୋଧ ସତ୍ତ୍ବେ ଜୀବନ ବିତାଇବାକୁ ରାଜି ହୋଇଥିଲେ, ସେହି ବ୍ୟକ୍ତି ହିଁ ତାଙ୍କର ହତ୍ୟା କରି ଶବକୁ ୫୦ଖଣ୍ଡ କରିଦେଇଛି।

ଦିଲଦାର ରୁବିକାଙ୍କୁ ହତ୍ୟା କରିବା ପରେ ମୃତଦେହକୁ ୫୦ ରୁ ଅଧିକ ଖଣ୍ଡ କରି ବିଭିନ୍ନ ସ୍ଥାନରେ ଫୋପାଡି ଦେଇଥିଲା। ଏବେ ଯାଏ ମୃତ ଦେହର ମାତ୍ର ୧୨ ଖଣ୍ଡ ଅଂଶ ଉଦ୍ଧାର କରାଯାଇଛି । ଦୁଇ ଦିନ ପୂର୍ବେ ଦିଲଦାର ତାଙ୍କ ପତ୍ନୀଙ୍କ ନିଖୋଜ ସମ୍ପର୍କରେ ବୋରିଓ ପୋଲିସ ଷ୍ଟେସନରେ ଅଭିଯୋଗ ଦାଖଲ କରିଥିଲେ। ଡିଜି ସୁଦର୍ଶନ ମଣ୍ଡଳ କହିଛନ୍ତି, ଏହି ଘଟଣାରେ ସ୍ୱାମୀଙ୍କ ସମେତ ଅନେକ ଲୋକ ଜଡିତ ଅଛନ୍ତି ।

ଏହା କିପରି ଜଣା ପଡ଼ିଲା

ବୋରିଓ ସନ୍ଥାଲି ପଞ୍ଚାୟତ ମୁଖ୍ୟ ଏରିକା ସ୍ବର୍ଣ୍ଣା ମାରାଣ୍ଡିଙ୍କ ପୁଅ ମନୋଜ ଦାସ ଶନିବାର ବିଳମ୍ବିତ ରାତିରେ ସ୍ଥାନୀୟ ଅଙ୍ଗନୱାଡି କେନ୍ଦ୍ର ନିକଟରେ କିଛି ମାନବ ଅଙ୍ଗ ଜବତ ହୋଇଥିବା ପୋଲିସକୁ ସୂଚନା ଦେଇଛନ୍ତି । କୁକୁରମାନେ ସେହି ଖଣ୍ଡଗୁଡ଼ିକ ନିକଟରେ ବୁଲୁଥିଲେ । ଏହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲା ।

ଏହା ପରେ କିଛି ଲୋକଙ୍କୁ ପଚରାଉଚରା କରାଯାଇଥିଲା। ଏଥିସହିତ ପୁଲିସ ପ୍ରାୟ ୩୦୦ ମିଟର ଦୂରରେ ଥିବା ଏକ ବନ୍ଦ ଘରେ ପ୍ରବେଶ କରିଥିଲା ଯେଉଁଠାରୁ ମାନବ ଶରୀରର କିଛି ଖଣ୍ଡ ମିଳିଥିଲା । ମାଂସ ଓ ହାଡ଼ ଖଣ୍ଡଗୁଡ଼ିକ ଏକ ଅଖା ଭିତରେ ବନ୍ଧା ହୋଇ ପଡ଼ିଥିଲା । ସେଠାରୁ ହିଁ କୁକୁରମାନେ ପାଟିରେ ମାଂସକୁ ବାହାରକୁ ଆଣିଥିଲେ ।ଅନୁସନ୍ଧାନ କରିବା ପରେ ଉକ୍ତ ମହିଳାଙ୍କ ଖଣ୍ଡ ବିଖଣ୍ଡିତ ମୃତ ଦେହ ମଧ୍ୟ ସେହି ଘରୁ ମିଳିଥିଲା ।
Published by:Soubhagya Mishra
First published: