ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ପ୍ରତି ସିରିଜ୍ ପରେ ଋଷଭ ପନ୍ତ ନିଜ କିଟ୍ ବ୍ୟାଗ୍ ଦାନ କରିଦିଅନ୍ତି; ଏହା ପଛରେ କାରଣ ଅଛି

ପ୍ରତି ସିରିଜ୍ ପରେ ଋଷଭ ପନ୍ତ ନିଜ କିଟ୍ ବ୍ୟାଗ୍ ଦାନ କରିଦିଅନ୍ତି; ଏହା ପଛରେ କାରଣ ଅଛି

ଖେଳ ପଡ଼ିଆରେ ଋଷଭ ପନ୍ତ (Rishabh Pant) ଯେତିକି ଆକ୍ରମଣାତ୍ମକ ଲାଗନ୍ତି, ପଡ଼ିଆ ବାହାରେ ବାସ୍ତବ ଜୀବନରେ ସେ ସେତିକି ଇମୋସନାଲ୍ । ଅଷ୍ଟ୍ରେଲିଆ ଗସ୍ତରେ ତାଙ୍କ ପ୍ରଦର୍ଶନ ପ୍ରମାଣ କରିଦେଇଛି ସେ ଦଳର ସନ୍ତୁଳନ ପାଇଁ କେତେ ମହତ୍ୱପୂର୍ଣ୍ଣ ।

ପ୍ରତି ସିରିଜ୍ ପରେ ଋଷଭ ପନ୍ତ ନିଜ କିଟ୍ ବ୍ୟାଗ୍ ଦାନ କରିଦିଅନ୍ତି; ଏହା ପଛରେ କାରଣ ଅଛି
ଋଷଭ ପନ୍ତ ଅଷ୍ଟ୍ରେଲିଆ ବିରୁଦ୍ଧରେ ଭାରତର ବିଜୟର ହିରୋ ଥିଲେ । (ଫଟୋ: ଏ.ପି.)
  • News18 Odia
  • Last Updated: January 27, 2021, 10:25 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ ଭାରତୀୟ କ୍ରିକେଟ୍‌ ଦଳର (Team India) ୱିକେଟ୍ କିପର-ବ୍ୟାଟ୍ସମ୍ୟାନ୍ ଋଷଭ ପନ୍ତ (Rishabh Pant) ଅଷ୍ଟ୍ରେଲିଆ ଗସ୍ତରେ ପ୍ରମାଣ କରିଦେଇଛନ୍ତି ଯେ କିଛି ମ୍ୟାଚରେ ବିଫଳତା କୌଣସି ଖେଳାଳିଙ୍କ କରିୟର ଶେଷ କରିଦିଏ ନାହିଁ । ପନ୍ତଙ୍କ ପାଇଁ ଗତ ବର୍ଷ କିଛି ବିଶେଷ ନ ଥିଲା । ୱିକେଟ୍ କିପର-ବ୍ୟାଟ୍ସମ୍ୟାନ୍ ଭାବରେ କେ.ଏଲ୍. ରାହୁଲ (KL Rahul) ସମସ୍ତଙ୍କର ପ୍ରଥମ ପସନ୍ଦ ବୋଲି ଜଣାପଡୁଥିଲା । କିନ୍ତୁ ଏ ଥର ଅଷ୍ଟ୍ରେଲିଆ ଗସ୍ତରେ ପନ୍ତ ପୁଣି ନିଜର ଖେଳ ପ୍ରତିଭାର ପ୍ରମାଣ ଦେଲେ ।

ଅଷ୍ଟ୍ରେଲିଆ ଗସ୍ତରେ ଋଷଭ ପନ୍ତଙ୍କ ପ୍ରଦର୍ଶନ ପ୍ରମାଣ କରିଦେଇଛି ଯେ ସେ ଦଳର ସନ୍ତୁଳନ ପାଇଁ କେତେ ମହତ୍ୱପୂର୍ଣ୍ଣ । ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଚାରିଟି ମ୍ୟାଚର ଟେଷ୍ଟ୍‌ ସିରିଜରେ ସେ ତିନୋଟି ମ୍ୟାଚର ପାଞ୍ଚଟି ଇନିଂସରେ ମୋ’ଟ ୨୭୪ ରନ୍ ସଂଗ୍ରହ କରିଥିଲେ ।

ଏହା ବି ପଢ଼ନ୍ତୁ ଫଟୋ ଦେଖନ୍ତୁ | ଭୁବନେଶ୍ୱର ରମାଦେବୀ ବିଶ୍ବବିଦ୍ୟାଳୟରେ ପଢ଼ୁଥିଲେ ମୟୂରଭଞ୍ଜର ଝିଅ; ତାଙ୍କ ଶବ ମିଳିଲା ଯାଜପୁରରେ

ଏହି ସିରିଜରେ ପନ୍ତଙ୍କର ଶ୍ରେଷ୍ଠ ଇନିଂସ ଥିଲା ୯୭ ରନ୍ ବାଲା ଇନିଂସ୍‌ । ସେ ଦୁଇଟି ଅର୍ଦ୍ଧଶତକ ହାସଲ କରିଥିଲେ ।ପନ୍ତ ୮୯ ରନର ଚମତ୍କାର ଇନିଂସ ଖେଳି ଭାରତକୁ ଗାବା ଟେଷ୍ଟ ଜିତିବାରେ ସାହାଯ୍ୟ କରିଥିଲେ । ଖେଳ ପଡ଼ିଆରେ ପନ୍ତ ଯେତିକି ଆକ୍ରମଣାତ୍ମକ ଲାଗନ୍ତି, ପଡ଼ିଆ ବାହାରେ ବାସ୍ତବ ଜୀବନରେ ସେ ସେତିକି ଇମୋସନାଲ୍‌ । ସେ ଖୁବ୍‌ ଭାବପ୍ରବଣ । ସେଥି ପାଇଁ ସେ ପ୍ରତ୍ୟେକ ସିରିଜ୍ ପରେ କୌଣସି ଜଣେ ଜୁନିୟର କ୍ରିକେଟରଙ୍କୁ ନିଜ କିଟ୍ ବ୍ୟାଗ୍ ଦେଇଦିଅନ୍ତି ।ସେ କହିଛନ୍ତି ଯେ ଦିନେ ତାଙ୍କୁ ବି ଏମିତି ସାହାଯ୍ୟ ମିଳିଥିଲା ।

ଏହା ବି ପଢ଼ନ୍ତୁ | ଯୁକ୍ତ୨ର ନୂଆ ପ୍ରଶ୍ନ ପତ୍ର ଢାଞ୍ଚା ଉପରେ ଉଠିଲା ପ୍ରଶ୍ନ; ଶିକ୍ଷକ ସଙ୍ଘ ଶିକ୍ଷାବିତମାନେ ବିରୋଧ କଲେ

ଇଣ୍ଡିଆ ଟୁଡେକୁ ଦେଇଥିବା ଏକ ସାକ୍ଷାତକାରରେ ପନ୍ତ କହିଛନ୍ତି ଯେ ବିସିସିଆଇର ଚୁକ୍ତିନାମା ପାଇବା ପର ଠାରୁ ସେ ଏମିତି କରିଆସୁଛନ୍ତି । ‘‘ତାରକ ସାର୍ ମୋତେ ବ୍ୟାଟିଂ ଓ କିପିଙ୍ଗ୍‌ ସହ ଜଡ଼ିତ ସାମଗ୍ରୀ ଦେଉଥିଲେ । ଜୋତା ଓ ବ୍ୟାଟ୍ ବି ଦେଉଥିଲେ । ଆଶିଷ ନେହେରା (Ashis Nehra) ବି କ୍ଲବରେ ଅନେକ ସାମଗ୍ରୀ ମୋତେ ଦେଉଥିଲେ ।ଏହା ଦ୍ୱାରା ମୋତେ ବହୁତ ସାହାଯ୍ୟ ମିଳୁଥିଲା,’’ ସେ କହିଛନ୍ତି ।

‘‘ଯେତେବେଳେ ମୁଁ ଛୋଟ ଥିଲି, ଅନେକ ଲୋକ ମୋତେ କ୍ରିକେଟ୍‌ ସାମଗ୍ରୀ ଦେଉଥିଲେ । ବର୍ତ୍ତମାନ ମୁଁ ଏମିତି ସ୍ତିତିରେ ଅଛି ଯେଉଁଠି ମୁଁ ଅନ୍ୟମାନଙ୍କୁ ସାହାଯ୍ୟ କରିପାରିବି,’’ କହିଛନ୍ତି ପନ୍ତ ।

ଏହା ବି ପଢ଼ନ୍ତୁ ଫଟୋ ଦେଖନ୍ତୁ | ଗଞ୍ଜାମରେ ମଦ୍ୟପ ପୁଅ ହାତୁଡ଼ିରେ ପିଟି ପିଟି ନିଜ ମାକୁ ହତ୍ୟା କଲା; ଗିରଫ ହେଲା

ପନ୍ତ ଅଷ୍ଟ୍ରେଲିଆରେ ଖୁବ୍‌ ଭଲ ଖେଳି ସମସ୍ତଙ୍କ ହୃଦୟରେ ଘର କରିଛନ୍ତି, ହେଲେ ଏହା ପୂର୍ବରୁ ବି ଭାରତୀୟ କ୍ରିକେଟ୍‌ ଦଳ ତାଙ୍କ ଠାରୁ ଅନେକ ଆଶା ରଖିଥିଲା, ଯାହା ସେ ପୂରା କରିବାରେ ବିଫଳ ହୋଇଥିଲେ । ଏହା ଉପରେ ସେ କହିଛନ୍ତି ଯେ ସେ ସେଥି ପାଇଁ ପ୍ରତି ଦିନ ଚାପ ଅନୁଭବ କରୁଥିଲେ ।

ଏହା ବି ପଢ଼ନ୍ତୁ | ଭୁବନେଶ୍ବରରେ ସେକ୍ସ ପାଇଁ ସାଇବର୍ ଠକେଇର ଶିକାର ହେଲେ ଇଞ୍ଜିନିଅର୍, ହରେଇଲେ ୯୪,୦୦୦

‘‘କିନ୍ତୁ ଏ ସବୁ ତ ଖେଳର ଏକ ଅଂଶ ।ଜଣେ ବ୍ୟକ୍ତି ଭାବରେ ଆପଣ ନିଜ ଉପରେ ବିଶ୍ୱାସ କରିବା ଉଚିତ୍ ।ଯଦି ଆପଣ ଆଗକୁ ବଢ଼ୁଛନ୍ତି ତେବେ ଏହାର ଅର୍ଥ ହେଉଛି ଆପଣ ଉନ୍ନତି କରୁଛନ୍ତି । ସେହି କଷ୍ଟ ସମୟରେ ମୁଁ ଏହା ଶିଖିଛି,’’ ସେ କହିଛନ୍ତି ।



ପନ୍ତ ଆହୁରି କହିଛନ୍ତି, ‘‘ନିଜ ଖେଳ ଉପରେ ଏତେ ଧ୍ୟାନ ଦିଅ ଯେ ତୁମକୁ ଆଉ କିଛି ଦେଖାଯିବ ନାହଁ ।ସୋସିଆଲ ମିଡି଼ଆ ଯୋଗୁଁ ଅନେକ ଥର ଏହା କରିବା କଷ୍ଟକର, କିନ୍ତୁ ମୁଁ ଏଥିରୁ ନିଜକୁ ଅଲଗା କରିଦେଇଥିଲି ।’’
Published by: Anand Shankar Thankur Das
First published: January 27, 2021, 10:25 PM IST