Rhea Chakraborty Bail: ଏହି ପାଞ୍ଚଟି ସର୍ତ୍ତରେ ଏକ ମାସ ପରେ ଜେଲରୁ ବାହାରିବେ ରିୟା ଚକ୍ରବର୍ତ୍ତୀ

ଅଭିନେତା ସୁଶାନ୍ତ ସିଂ ରାଜପୁତଙ୍କ (Sushant Singh Rajput) ମୃତ୍ୟୁ ଘଟଣାର ତଦନ୍ତ ସହ ଜଡିତ ଡ୍ରଗ୍ସ ମାମଲାରେ ଗିରଫ ହୋଇଥିବା ରିୟା ଚକ୍ରବର୍ତ୍ତୀଙ୍କୁ (Rhea Chakraborty) ବୁଧବାର ସକାଳେ ବମ୍ବେ ହାଇକୋର୍ଟ ଜାମିନ ପ୍ରଦାନ କରିଛନ୍ତି । ପ୍ରାୟ ଏକ ମାସ ପରେ ୨୮ ବର୍ଷୀୟା ଅଭିନେତ୍ରୀଙ୍କୁ ମୁକ୍ତ କରାଯିବ ।

ପାଞ୍ଚଟି ସର୍ତ୍ତରେ ଏକ ମାସ ପରେ ଜେଲରୁ ବାହାରିବେ ରିୟା ଚକ୍ରବର୍ତ୍ତୀ

ପାଞ୍ଚଟି ସର୍ତ୍ତରେ ଏକ ମାସ ପରେ ଜେଲରୁ ବାହାରିବେ ରିୟା ଚକ୍ରବର୍ତ୍ତୀ

  • Share this:
News18 Odia Digital
ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ (Sushant Singh Rajput) ମୃତ୍ୟୁ ସହ ଜଡିତ ଏକ ମାମଲାରେ ନିଶା (ଡ୍ରଗ୍ସ) କାରବାର ଅଭିଯୋଗରେ ଗିରଫ ହୋଇଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ (Rhea Chakraborty) ବମ୍ବେ ହାଇକୋର୍ଟ ବୁଧବାର ଜାମିନ ପ୍ରଦାନ କରିଛନ୍ତି । ତେବେ ଏହି ମାମଲାରେ ଅଭିଯୁକ୍ତ ରିୟାଙ୍କ ଭାଇ ସୋଭିକଙ୍କ ଜାମିନ ଆବେଦନକୁ କୋର୍ଟ ଖାରଜ କରି ଦେଇଛନ୍ତି ।

ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ଡ୍ରଗ୍ସ ଆଙ୍ଗଲରୁ ମାମଲାକୁ ଯାଞ୍ଚ କରୁଥିବା ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (NCB) ଦ୍ୱାରା ଉଭୟଙ୍କୁ ଗିରଫ କରାଯାଇଥିଲା । ୩୪ ବର୍ଷୀୟ ସୁଶାନ୍ତ ସିଂ ରାଜପୁତଙ୍କ ମୃତ ଦେହ ଚଳିତ ବର୍ଷ ୧୪ ଜୁନ୍ ଦିନ ବାନ୍ଦ୍ରାସ୍ଥିତ ତାଙ୍କ ବାସଭବନରେ ମିଳିଥିଲା ।

ପାଞ୍ଚଟି ଜାମିନ ସର୍ତ୍ତ କ’ଣ?
ହାଇକୋର୍ଟ ରିୟା ଚକ୍ରବର୍ତ୍ତୀଙ୍କୁ ପାଞ୍ଚଟି ସର୍ତ୍ତରେ ଜାମିନ ପ୍ରଦାନ କରିଛନ୍ତି । କୋର୍ଟ କହିଛନ୍ତି ଯେ ରିୟା ପାସପୋର୍ଟ ଦାଖଲ କରନ୍ତୁ ଓ ୧୦ ଦିନ ପର୍ଯ୍ୟନ୍ତ ମୁମ୍ବାଇ ପୋଲିସକୁ ରିପୋର୍ଟ କରିବେ। କୋର୍ଟ କହିଛନ୍ତି ଯେ ୧ ଲକ୍ଷ ଟଙ୍କା ଜାମିନ ବଣ୍ଡ ପୂରଣ କରିବେ ଓ ସେ ଦେଶ ଛାଡି ପାରିବେ ନାହିଁ । ଏହା ସହିତ ସେ ଅନ୍ୟ କୌଣସି ସାକ୍ଷୀଙ୍କୁ ଭେଟି ପାରିବେ ନାହିଁ ।କୋର୍ଟ କହିଛନ୍ତି ଯେ ଯଦି ସେ ଗ୍ରେଟର ମୁମ୍ବାଇ ବ୍ୟତୀତ ଅନ୍ୟ କୌଣସି ସ୍ଥାନକୁ ଯାଆନ୍ତି ତେବେ ସେ ଏହି ଘଟଣାର ତଦନ୍ତ ଅଧିକାରୀଙ୍କୁ ଜଣାଇବେ ।

ମଙ୍ଗଳବାର ଦିନ ଜାମିନ ଅବଧି ବୃଦ୍ଧି କରାଯାଇଥିଲା
ମଙ୍ଗଳବାର ଦିନ ମୁମ୍ବାଇର ଏକ କୋର୍ଟ ଅଭିନେତ୍ରୀ ରିୟା ଚକ୍ରବର୍ତ୍ତୀ ଓ ତାଙ୍କ ଭାଇ ଶୋଭିକ ଚକ୍ରବର୍ତ୍ତୀଙ୍କ ନ୍ୟାୟିକ ହେପାଜତକୁ ଅକ୍ଟୋବର ୨୦ ପର୍ଯ୍ୟନ୍ତ ବୃଦ୍ଧି କରିଥିଲେ । ଏକ ସ୍ୱତନ୍ତ୍ର ଏନଡିପିଏସ୍ କୋର୍ଟ ଅଭିନେତ୍ରୀ ରିୟା ଓ ତାଙ୍କ ଭାଇ ଶୋଭିକ୍ ଏନସିବି ଦ୍ୱାରା ଗିରଫ ହୋଇଥିବା ଅନ୍ୟ ଅଭିଯୁକ୍ତଙ୍କ ନ୍ୟାୟିକ ହେପାଜତକୁ ୨୦ ଅକ୍ଟୋବର ପର୍ଯ୍ୟନ୍ତ ବୃଦ୍ଧି କରିଛନ୍ତି ।

ସ୍ୱତନ୍ତ୍ର କୋର୍ଟ ପୂର୍ବରୁ ଅଭିନେତ୍ରୀ ଓ ତାଙ୍କ ଭାଇଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଥିଲେ । ରିୟା ଚକ୍ରବର୍ତ୍ତୀଓ ଅନ୍ୟମାନଙ୍କ ବିରୋଧରେ ଅଭିନେତ୍ରୀଙ୍କୁ ଆତ୍ମହତ୍ୟା କରିବା ଅଭିଯୋଗରେ କେନ୍ଦ୍ରୀୟ ତଦନ୍ତ ବ୍ୟୁରୋ (CBI) ପୃଥକ ଭାବେ ଅନୁସନ୍ଧାନ କରୁଛି ।

ଅନ୍ୟପକ୍ଷରେ ରିୟା ଜେଲରୁ ବାହାରିବା ଖବର ମଧ୍ୟରେ ପୋଲିସ ପ୍ରଶାସନକୁ ମଧ୍ୟ ସତର୍କ କରାଯାଇଛି । ଗଣମାଧ୍ୟମ କର୍ମଚାରୀଙ୍କୁ ପୋଲିସ ସ୍ପଷ୍ଟ ଭାବେ କହିଛି ଯେ ରିୟା ହେଉ କିମ୍ବା ତାଙ୍କ ଓକିଲ ହେଉ ସେମାନେଙ୍କ କୌଣସି ଗାଡିଙ୍କୁ ଅନୁସରଣ କରିବେ ନାହିଁ । ଗତ ମାସରେ ରିୟାଙ୍କୁ ଗିରଫ କରାଯିବା ପରେ ଅନେକ ମିଡିଆ ଗାଡି ତାଙ୍କ କାରକୁ ଅନୁସରଣ କରିଥିଲେ ।
Published by:Jagdish Barik
First published: