Retail Inflation Data: ମୁଦ୍ରାସ୍ଫୀତିକୁ ନେଇ ଅଧିକ ପ୍ରଭାବିତ କୃଷି ଓ ଗ୍ରାମାଞ୍ଚଳର ଶ୍ରମିକ

Retail Inflation Data Update: ଖାଦ୍ୟ ମୂଲ୍ୟରେ ବୃଦ୍ଧି ହେତୁ କୃଷି ଶ୍ରମିକଙ୍କ ପାଇଁ ଖୁଚୁରା ମୁଦ୍ରାସ୍ଫୀତି ମେ ମାସରେ ୬.୪୪ ପ୍ରତିଶତରୁ ୬.୬୭ ପ୍ରତିଶତକୁ ବୃଦ୍ଧି ପାଇଛି।

ମୁଦ୍ରାସ୍ଫୀତିକୁ ନେଇ ଅଧିକ ପ୍ରଭାବିତ କୃଷି ଓ ଗ୍ରାମାଞ୍ଚଳର ଶ୍ରମିକ

ମୁଦ୍ରାସ୍ଫୀତିକୁ ନେଇ ଅଧିକ ପ୍ରଭାବିତ କୃଷି ଓ ଗ୍ରାମାଞ୍ଚଳର ଶ୍ରମିକ

  • Share this:
News18 Odia Digital

Retail Inflation Data: ଦେଶରେ ମୁଦ୍ରାସ୍ଫୀତି ଚାରିଆଡ଼େ ଧକ୍କା ଦେଉଛି ଓ ଏଥିରେ କୃଷି ଓ ଗ୍ରାମାଞ୍ଚଳର ଶ୍ରମିକମାନେ ମଧ୍ୟ ପ୍ରଭାବିତ ହେଉଛନ୍ତି। ଖାଦ୍ୟ ମୂଲ୍ୟରେ ବୃଦ୍ଧି ହେତୁ କୃଷି ଶ୍ରମିକଙ୍କ ପାଇଁ ଖୁଚୁରା ମୁଦ୍ରାସ୍ଫୀତି ମେ ମାସରେ ୬.୪୪ ପ୍ରତିଶତରୁ ୬.୬୭ ପ୍ରତିଶତକୁ ବୃଦ୍ଧି ପାଇଛି। ଏଥିସହିତ ଗ୍ରାମାଞ୍ଚଳର ଶ୍ରମିକଙ୍କ ଖୁଚୁରା ମୁଦ୍ରାସ୍ଫୀତି ହାର ୬.୬୭ ପ୍ରତିଶତରୁ ୭ ପ୍ରତିଶତକୁ ବୃଦ୍ଧି ପାଇଛି।

ଶ୍ରମ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ ଖାଦ୍ୟ ସାମଗ୍ରୀର ଖୁଚୁରା ମୁଦ୍ରାସ୍ଫୀତି କୃଷି ଶ୍ରମିକଙ୍କ ପାଇଁ ୫.୨୯ ପ୍ରତିଶତରୁ ୫.୪୪ ପ୍ରତିଶତକୁ ଓ ଗ୍ରାମାଞ୍ଚଳର ଶ୍ରମିକଙ୍କ ପାଇଁ ୫.୩୫ ପ୍ରତିଶତରୁ ୫.୫୧ ପ୍ରତିଶତକୁ ବୃଦ୍ଧି ପାଇଛି। କୃଷି ଶ୍ରମିକଙ୍କ ପାଇଁ ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ ୧୧ ପଏଣ୍ଟ ବୃଦ୍ଧି ପାଇ ୧୧୧୯ ଓ ଗ୍ରାମାଞ୍ଚଳର ଶ୍ରମିକଙ୍କ ପାଇଁ ୧୨ ପଏଣ୍ଟ ବୃଦ୍ଧି ପାଇ ୧୧୩୧ ପଏଣ୍ଟରେ ପହଞ୍ଚିଛି।

ବାସ୍ତବରେ, କୃଷି ଶ୍ରମ ଓ ଗ୍ରାମୀଣ ଶ୍ରମିକଙ୍କ ସୂଚକାଙ୍କ ଅନୁଯାୟୀ ଚାଉଳ, ଗହମ-ମଇଦା, ଜୋୱାର, ବାଜରା, କ୍ଷୀର, ଛେଳି ମାଂସ, ତାଜା-ଶୁଖିଲା ମାଛ, ଚିଲି ଶୁଖିଲା, ପନିପରିବା-ଫଳ ଓ ମସଲାର ମୂଲ୍ୟ ବୃଦ୍ଧି ପାଇଛି।

ଏହାପୂର୍ବରୁ, ମେ ମାସରେ ହୋଲସେଲ ମୁଦ୍ରାସ୍ଫୀତି ହାର ୧୫.୮୮ ପ୍ରତିଶତ ଥିଲା। ଯେତେବେଳେ କି ଏପ୍ରିଲ ମାସରେ ଏହା ୧୫.୦୮ ପ୍ରତିଶତ ଥିଲା। ହୋଲସେଲ ମୁଦ୍ରାସ୍ଫୀତି ହାରରେ ଏହି ବୃଦ୍ଧି ମୁଖ୍ୟତଃ ଖାଦ୍ୟ ସାମଗ୍ରୀର ମୂଲ୍ୟ ବୃଦ୍ଧି ହେତୁ ଦେଖାଯାଇଛି। ତେଣୁ ଏହି ସମୟ ମଧ୍ୟରେ ଇନ୍ଧନ ଓ ବିଦ୍ୟୁତର ହୋଲସେଲ ମୁଦ୍ରାସ୍ଫୀତି ହାର ମଧ୍ୟ ବୃଦ୍ଧି ପାଇଛି। ମେ ମାସରେ ଖୁଚୁରା ମୁଦ୍ରାସ୍ଫୀତି ମେ ୨୦୨୨ରେ ଗ୍ରାହକ ମୂଲ୍ୟ ସୂଚକାଙ୍କରେ ହ୍ରାସ ଘଟିଛି। ମେ ମାସରେ ଖୁଚୁରା ମୁଦ୍ରାସ୍ଫୀତି ଏପ୍ରିଲରେ ୭.୭୯ ପ୍ରତିଶତ ତୁଳନାରେ ୭.୦୪ ପ୍ରତିଶତ ରହିଥିଲା।
Published by:Lipina Das
First published: