ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»Jioରେ ଇଣ୍ଟେଲ୍ ଅଂଶଧନ କିଣିବା ପରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ସେୟାର ମୂଲ୍ୟ ବଢ଼ିଲା

Jioରେ ଇଣ୍ଟେଲ୍ ଅଂଶଧନ କିଣିବା ପରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ସେୟାର ମୂଲ୍ୟ ବଢ଼ିଲା

ଇଣ୍ଟେଲ ସହିତ ହୋଇଥିବା ଚୁକ୍ତି ୧୧ ସପ୍ତାହ ମଧ୍ୟରେ ଜିଓ ପ୍ଲାଟଫର୍ମ୍ସରେ ୧୨ତମ ପୁଞ୍ଜି ବିନିଯୋଗ । ଏହି ଚୁକ୍ତି ପରେ ଜିଓ ପ୍ଲାଟଫର୍ମ୍ସରେ ବିକ୍ରି ହୋଇଥିବା ସମୁଦାୟ ଅଂଶଧନ ୨୫.୦୯ ପ୍ରତିଶତକୁ ବୃଦ୍ଧି ପାଇଛି ।

Jioରେ ଇଣ୍ଟେଲ୍ ଅଂଶଧନ କିଣିବା ପରେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ସେୟାର ମୂଲ୍ୟ ବଢ଼ିଲା
ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ଅଧ୍ୟକ୍ଷ ଓ ପରିଚାଳନା ନିର୍ଦେଶକ ମୁକେଶ ଅମ୍ବାନୀ ଅଂଶଧନଧାରୀମାନଙ୍କୁ ଧନ୍ୟବାଦ ଜଣାଇଛନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ଆମେରିକାର ସେମିକଣ୍ଡକ୍ଟର କମ୍ପାନୀ ଇଣ୍ଟେଲ୍‌ କର୍ପୋରେସନ୍‌ (Intel Corp.) ଜିଓ ପ୍ଲାଟଫର୍ମ୍ସରେ (Jio Platforms) ଅଂଶଧନ କିଣିବା ପରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ଼ରେ (Reliance Industries Limited, RIL) ସେୟାର ମୂଲ୍ୟ ଆଜି ଏକ ପ୍ରତିଶତରୁ ଅଧିକ ବଢ଼ିଛି ।

ଇଣ୍ଟେଲ କର୍ପୋରେସନର ନିବେଶ ବାହୁ ଇଣ୍ଟେଲ କ୍ୟାପିଟାଲ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ଼ର ଡିଜିଟାଲ୍‌ ଶାଖା ଜିଓ ପ୍ଲାଟଫର୍ମରେ ୦.୩୯ ପ୍ରତିଶତ ଅଂଶଧନ ବଦଳରେ ୧,୮୯୪.୫୦ କୋଟି ଟଙ୍କା ବିନିଯୋଗ କରିବ ବୋଲି ଘୋଷଣା କରିଛି ।

ଏହି କମ୍ପାନୀ କାରବାର ପରେ ଜିଓ ପ୍ଲାଟଫର୍ମ୍ସର ଇକ୍ୱିଟି ମୂଲ୍ୟ ୪.୯୧ ଲକ୍ଷ କୋଟି ଟଙ୍କା ଓ ଏଣ୍ଟରପ୍ରାଇଜ୍ ମୂଲ୍ୟ ୫.୧୬ ଲକ୍ଷ କୋଟି ଟଙ୍କା ହୋଇଛି ବୋଲି କମ୍ପାନୀ କହିଛି ।

ଇଣ୍ଟେଲ ସହିତ ହୋଇଥିବା ଚୁକ୍ତି ୧୧ ସପ୍ତାହ ମଧ୍ୟରେ ଜିଓ ପ୍ଲାଟଫର୍ମ୍ସରେ ୧୨ତମ ପୁଞ୍ଜି ବିନିଯୋଗ । ଏହି ଚୁକ୍ତି ପରେ ଜିଓ ପ୍ଲାଟଫର୍ମ୍ସରେ ବିକ୍ରି ହୋଇଥିବା ସମୁଦାୟ ଅଂଶଧନ ୨୫.୦୯ ପ୍ରତିଶତକୁ ବୃଦ୍ଧି ପାଇଛି ।

ଫେସବୁକ ସମେତ ବିଶ୍ୱର କେତେକ ଅଗ୍ରଣୀ ଟେକନୋଲୋଜି ନିବେଶକମାନଙ୍କ ଠାରୁ RIL ବର୍ତ୍ତମାନ ପର୍ଯ୍ୟନ୍ତ ୧,୧୭,୫୮୮.୪୫ କୋଟି ଟଙ୍କା ସଂଗ୍ରହ କରିସାରିଛି । ଏପ୍ରିଲ ୨୨ରେ ଫେସବୁକ୍‌ ଜିଓ ପ୍ଲାଟଫର୍ମ୍ସରେ ୯.୯୯ ପ୍ରତିଶତ ଅଂଶଧନ ୪୩,୫୭୪ କୋଟି ଟଙ୍କାରେ କିଣିଥିଲା ।

କରୋନା ଭାଇରସ୍ ମହାମାରୀ କାରଣରୁ ସାଧାରଣ ସଭା ସମ୍ଭବ ହୋଉ ନ ଥିବାରୁ ରିଲାଏନ୍ସ ଜୁଲାଇ ୧୫ରେ ଏହାର ପ୍ରଥମ ଭର୍ଚୁଆଲ୍ ବାର୍ଷିକ ସାଧାରଣ ବୈଠକ ଆୟୋଜନ କରିବ ବୋଲି ଜଣେଇଛି ।

ଆଜି ସକାଳ ୯ଟା ୧୮ରେ BSEରେ ରିଲାଏନ୍ସ ଇଣ୍ଡଷ୍ଟ୍ରିଜ ସେୟାରର ଦାମ୍‌ ୧୫.୫୫ ଟଙ୍କା ବା ୦.୮୮ ପ୍ରତିଶତ ବଢ଼ି ୧,୭୭୬.୧୦ ଟଙ୍କା ହୋଇଛି ।
First published: July 3, 2020, 4:42 PM IST