କୋଭିଡ ମୁକାବିଲା ପାଇଁ ଉତ୍ତରାଖଣ୍ଡ ସରକାରଙ୍କୁ ୫ କୋଟି ଟଙ୍କା ସହାୟତା ଦେଲା ରିଲାଏନ୍ସ ଫାଉଣ୍ଡେସନ

News18 Odia Digital
ଦେହରାଡୁନ୍: କରୋନା ୨ୟ ଲହର ଯୋଗୁଁ ଭାରତ ସଙ୍କଟ ଦେଇ ଗତି କରୁଛି । କରୋନା ବିରୋଧରେ ଭାରତର ଯୁଦ୍ଧରେ ଅନେକ ସଂଗଠନ ହାତ ମିଳାଇଛନ୍ତି । ଦେଶର ବୃହତ୍ତମ ନିଗମ ରିଲାଏନ୍ସ ଫାଉଣ୍ଡେସନ ସହାୟତା ପ୍ରଦାନ କରିବାରେ ଶୀର୍ଷରେ ରହିଛି । କୋଭିଡ କେୟାର ସେଣ୍ଟର ନିର୍ମାଣ, ବିଦେଶୀ ପ୍ରଯୁକ୍ତିବିଦ୍ୟା ଆମଦାନି କରିବା ଓ ସମସ୍ତ କର୍ମଚାରୀ ଓ ସେମାନଙ୍କ ପରିବାରକୁ ମାଗଣା ଟୀକାକରଣ ଯୋଗାଇବା ସହିତ ରିଲାଏନ୍ସ ଅନେକ ଉପାୟରେ ସାହାଯ୍ୟ କରୁଛି । ବର୍ତ୍ତମାନ ଉତ୍ତରାଖଣ୍ଡ ରାଜ୍ୟ ସରକାରଙ୍କୁ ୫ କୋଟି ଟଙ୍କା ପ୍ରଦାନ କରିଛନ୍ତି । ଦାନ ପାଇଁ ଅନନ୍ତ ଅମ୍ବାନୀ ହେଉଛି ଏକ ମଡେଲ୍ । ଉତ୍ତରାଖଣ୍ଡ ବିପର୍ଯ୍ୟୟ ପରିଚାଳନା ନିଗମକୁ ରିଲାଏନ୍ସ ତରଫରୁ ଦାନ କରାଯାଇଛି ।

ରିଲାଏନ୍ସ ଗ୍ରୁପ୍‌ର ମୁଖ୍ୟ ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀ ଏକ ସରକାରୀ ଚିଠିରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ତିରଥ ସିଂ ରାୱତଙ୍କୁ କହିଛନ୍ତି ଯେ ଆମେ କରୋନା ବିରୋଧରେ ଯୁଦ୍ଧରେ ଆପଣଙ୍କ ସହ ଅଛୁ । କରୋନା ସମୟରେ ଦେଶର ଲୋକଙ୍କୁ ସାହାଯ୍ୟ କରିବା ପାଇଁ ରିଲାଏନ୍ସ କଠିନ ପରିଶ୍ରମ କରୁଛି । କୋଭିଡ ପରିସ୍ଥିତିରେ ଏହାର ରାଜ୍ୟବାସୀ କରିଥିବା କାର୍ଯ୍ୟକୁ ଉତ୍ତରାଖଣ୍ଡ ସରକାର ପ୍ରଶଂସା କରିଛନ୍ତି । ଏହି କରୋନା ଯୁଦ୍ଧରେ ଆମେ ଆପଣଙ୍କ ସହ ଯୋଗଦେବାକୁ ଚାହୁଁଛୁ । ତେଣୁ ଉତ୍ତରାଖଣ୍ଡ ରାଜ୍ୟ ବିପର୍ଯ୍ୟୟ ପରିଚାଳନା ନିଗମକୁ ୫ କୋଟି ଟଙ୍କା ପ୍ରଦାନ କରାଯାଇଛି । ଦାନ ଚିଠିରେ କୁହାଯାଇଛି ଯେ ଆସନ୍ତୁ ସମସ୍ତେ ମିଳିତ ଭାବେ କରୋନା ସହ ଲଢ଼ିବା ।



ମୁକେଶ ଅମ୍ବାନୀ ଓ ତାଙ୍କ ପତ୍ନୀ ନୀତା ଅମ୍ବାନୀ ରିଲାଏନ୍ସ ମାଧ୍ୟମରେ ସହାୟତା ଯୋଗାଇ ଆସୁଛନ୍ତି । ଏବେ ତାଙ୍କ ପୁଅ ଅନନ୍ତ ଅମ୍ବାନୀ ମଧ୍ୟ ହାତ ମିଳାଇଛନ୍ତି । ନୀତା ଅମ୍ବାନୀ ଗଣମାଧ୍ୟମକୁ କହିଛନ୍ତି ଯେ କିଛି ଦିନ ପୂର୍ବରୁ ଆମ ପରିବାର କୋଭିଡ ସଂକ୍ରମିତଙ୍କୁ ସାହାଯ୍ୟ କରିବାକୁ ଆଗକୁ ଆସିଥିଲେ । କୋଭିଡ ସ୍ଥିତିକୁ ରିଲାଏନ୍ସ ଯେପରି ସାହାଯ୍ୟ କରୁଛି ଏହାକୁ ମଧ୍ୟ ସୁପ୍ରିମ କୋର୍ଟ ପ୍ରଶଂସା କରିଛନ୍ତି । ରିଲାଏନ୍ସ ବର୍ତ୍ତମାନ ରତ୍ନ ଶେଡ ପୁରରେ ଶହ ଶହ ବେଡ଼, ଅକ୍ସିଜେନ ସହିତ ଏକ କୋଭିଡ କେୟାର ସେଣ୍ଟର ନିର୍ମାଣ କରୁଛି । ରିଲାଏନ୍ସ ବର୍ତ୍ତମାନ ଦେଶର ନିଜର ସମସ୍ତ କର୍ମଚାରୀ ଓ ଏହାର ପରିବାରର ସଦସ୍ୟମାନଙ୍କୁ ମାଗଣା ଟିକାକରଣ କରୁଛି।