ଭାରତର ଖେଳନା ବଜାରରେ ଉପସ୍ଥିତି ବଢ଼ାଇଲା ରିଲାଏନ୍ସ ବ୍ରାଣ୍ଡ୍‌ସ ଲିମିଟେଡ଼

ଭାରତର ଖେଳନା ବଜାରରେ ଉପସ୍ଥିତି ବଢ଼ାଇଲା ରିଲାଏନ୍ସ, ଇଟାଲିର ଖେଳନା କମ୍ପାନି ପ୍ଲାଷ୍ଟିକ ଲେଗ୍ନୋ ସହ କଲା ଯୌଥ ଉଦ୍ୟୋଗ।

ଭାରତର ଖେଳନା ବଜାରରେ ଉପସ୍ଥିତି ବଢ଼ାଇଲା ରିଲାଏନ୍ସ ବ୍ରାଣ୍ଡ୍‌ସ ଲିମିଟେଡ଼

ଭାରତର ଖେଳନା ବଜାରରେ ଉପସ୍ଥିତି ବଢ଼ାଇଲା ରିଲାଏନ୍ସ ବ୍ରାଣ୍ଡ୍‌ସ ଲିମିଟେଡ଼

  • Share this:
News18 Odia Digital

ମୁମ୍ବାଇ: ରିଲାଏନ୍ସ ବ୍ରାଣ୍ଡ୍‌ସ ଲିମିଟେଡ଼ (ଆର୍‌ବିଏଲ୍‌) ଓ ଇଟାଲିର ପ୍ଲାଷ୍ଟିକ ଲେଗ୍ନୋ ଏସ୍‌ପିଏ ମଧ୍ୟରେ ଏକ ଯୌଥ ଉଦ୍ୟୋଗ ଘୋଷଣା କରାଯାଇଛି। ଏଥିପାଇଁ ଉଭୟ କମ୍ପାନି ମଧ୍ୟରେ ଚୁକ୍ତି ସ୍ଵାକ୍ଷର ହୋଇଛି।

ଚୁକ୍ତି ଅନୁସାରେ ପ୍ଲାଷ୍ଟିକ ଲେଗ୍ନୋ ଏସ୍‌ପିଏର ଭାରତୀୟ ଖେଳନା ନିର୍ମାଣ ବ୍ୟବସାୟରେ ଆର୍‌ବିଏଲ୍ ୪୦% ଅଂଶଧନ ଅଧିଗ୍ରହଣ କରିବ। ରିଲାଏନ୍ସ ବ୍ରାଣ୍ଡ୍‌ସର ଏହି ନିଵେଶ କମ୍ପାନିର ଖେଳନା ବ୍ୟବସାୟକୁ ଆହୁରି ମଜଭୂତ କରିବ।

ସୂଚନାଯୋଗ୍ୟ, ଆର୍‌ବିଏଲ୍‌ ହେଉଛି ରିଲାଏନ୍ସ ରିଟେଲ ଭେଞ୍ଚର୍ସର ପୂର୍ଣ୍ଣ ଅଧିକୃତ କମ୍ପାନି। ଆର୍‌ବିଏଲ୍‌ର ଖେଳନା ଉଦ୍ୟୋଗରେ ଦୃଢ଼ ଉପସ୍ଥିତି ରହିଛି। ଏହାର ପୋର୍ଟଫୋଲିଓରେ ହାମଲେଜ୍‌ (ବ୍ରିଟିଶ ଖେଳନା ରିଟେଲର) ଓ ଘରୋଇ ଖେଳନା ବ୍ରାଣ୍ଡ ରୋୱନ ସାମିଲ ଅଛି। ୧୫ଟି ଦେଶରେ ହାମଲେଜର ୨୧୩ଟି ଷ୍ଟୋର ରହିଛି। ଭାରତରେ ଏହା ଖେଳନା ଷ୍ଟୋରର ସବୁଠାରୁ ବଡ଼ ଚେନ ଭାବେ ପରିଚିତ।

ରିଲାଏନ୍ସ ବ୍ରାଣ୍ଡ୍‌ସ ଲିମିଟେଡ୍‌ର ମୁଖପାତ୍ର କହିଛନ୍ତି, ‘‘ଏହି ସହଯୋଗିତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭର ଭାରତର ଦୃଷ୍ଟିକୋଣ ଅନୁରୂପ ବିଶ୍ୱସ୍ତରୀୟ ଖେଳନା ନିର୍ମାଣ କ୍ଷେତ୍ରରେ ପ୍ଲାଷ୍ଟିକ ଲେଗ୍ନୋର ବ୍ୟାପକ ଅଭିଜ୍ଞତା ସହ ବିଶ୍ୱସ୍ତରୀୟ ଖେଳନାର ଖୁଚୁରା ଉଦ୍ୟୋଗରେ ଆମର ମଜଭୁତ ଉପସ୍ଥିତି ବଳରେ ଭାରତରେ ନିର୍ମିତଖେଳନା ପାଇଁ ନୂଆ ପଥ ଓ ଅଦ୍ଵିତୀୟ ସୁଯୋଗ ସୃଷ୍ଟି ହେବ। ଏହା କେବଳ ଘରୋଇ ଚାହିଦା ପୂରଣ କରିବ ନାହିଁ ବରଂ ବିଶ୍ୱ ବଜାର ପାଇଁ ଦେଶରେ ଏକ ମଜଭୁତ ଖେଳନା ନିର୍ମାଣ ଇକୋସିଷ୍ଟମ ପ୍ରସ୍ତୁତ ହେବ। ପ୍ଲାଷ୍ଟିକ ଲେଗ୍ନୋ ଏସପିଏର ମାଲିକାନା ସୁନିନୋ ଗ୍ରୁପ ନିକଟରେ ରହିଛି, ଯାହାପାଖରେ ଇଉରୋପରେ ଖେଳନା ନିର୍ମାଣର ୨୫ ବର୍ଷରୁ ଅଧିକ ଅଭିଜ୍ଞତା ରହିଛି। ଅଭିବୃଦ୍ଧିଶୀଳ ଭାରତୀୟ ଖେଳନା ବଜାରରେ ଉପସ୍ଥିତି ବଢ଼ାଇବା ଓ ଭାରତୀୟ ଖେଳନା ବଜାରକୁ ବିଶ୍ୱ ହବ ଭାବେ ଗଢ଼ି ତୋଳିବା ଉଦ୍ଦେଶ୍ୟରେ ଗ୍ରୁପ ପକ୍ଷରୁ ଭାରତରେ ବ୍ୟବସାୟ ଆରମ୍ଭ କରାଯାଇଥିଲା।

ସୁନିନୋ ଗ୍ରୁପର ସହ-ସତ୍ୱାଧିକାରୀ ପାଓଲୋ ସୁନିନୋ କୁହନ୍ତି, ‘‘ଆମେ ଏହି ଯୌଥ ଉଦ୍ୟୋଗରେ ଆର୍‌ବିଏଲ୍‌କୁ ଭାଗୀଦାର ଭାବେ ପାଇ ଅତ୍ୟନ୍ତ ଗୌରାବାନ୍ୱିତ। ଆମର ବିଶ୍ୱାସ, ଖେଳନା ଉତ୍ପାଦନରେ ପ୍ଲାଷ୍ଟିକ ଲେଗ୍ନୋର ଅଭିଜ୍ଞତା ଓ ହାମଲେଜ୍‌ର ବ୍ୟବସାୟିକ ପହଞ୍ଚ ଏହି ଯୌଥଉଦ୍ୟୋଗ କମ୍ପାନିକୁ ନୂଆ ଉଚ୍ଚତାକୁ ନେଇଯିବ ଓ ବିପୁଳ ସଫଳତା ଲାଗିଏହାକୁ ସକ୍ଷମ କରିବ। ଭାରତ ପାଇଁ ଆମ ନିକଟରେ ମହତ୍ୱପୂର୍ଣ୍ଣ ବିକାଶ ଯୋଜନା ରହିଛି। ଭବିଷ୍ୟତର ଆହ୍ୱାନଗୁଡ଼ିକୁ ସାମ୍ନା କରିବା ପାଇଁ ଆମେ ପ୍ରସ୍ତୁତ ଅଛୁ କିନ୍ତୁ ଯେତେବେଳେ ଆରଵିଏଲ ଭଳି ଗ୍ରୁପ ଆମ ସାଙ୍ଗରେ ଅଛି ତେଵେ ବିଶ୍ୱାସ ଅଛି ଯେ, ଆମେ ମିଳିତ ହୋଇ କିଛି ବଡ଼ କରିପାରିବୁ ।
Published by:Lipina Das
First published: