Rekha Murder Case: ଶ୍ରଦ୍ଧା ଭଳି ଦିଲ୍ଲୀରେ ଆଉ ଏକ ହତ୍ୟାକାଣ୍ଡ; ଗିରଫ ହେଲା ଅଭିଯୁକ୍ତ

News18 Odia Digital

ନୂଆଦିଲ୍ଲୀ: ଶ୍ରଦ୍ଧା ହତ୍ୟା ମାମଲା ଭଳି ଆଉ ଏକ ଭୟଙ୍କର ଘଟଣା ଦିଲ୍ଲୀର ତିଲକ ନଗରରୁ ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ତାଙ୍କ ଗର୍ଲଫ୍ରେଣ୍ଡଙ୍କୁ ଅତି ନିର୍ମମ ଭାବରେ ହତ୍ୟା କରିଥିବା ଅଭିଯୋଗ ହୋଇଛି। ଅଭିଯୁକ୍ତ ଜଣଙ୍କ ଛୁରୀରେ ଗର୍ଲଫ୍ରେଣ୍ଡଙ୍କ ବେକ ଓ ଜଙ୍ଘ ଉପରେ ଆକ୍ରମଣ କରିଥିଲା।

କୁହାଯାଉଛି ଯେ ଅଭିଯୁକ୍ତ ଶ୍ରଦ୍ଧା ହତ୍ୟା ମାମଲାର ଅଭିଯୁକ୍ତ ଅଫତାବଙ୍କ ଦ୍ୱାରା ଅନୁପ୍ରାଣିତ ହୋଇଥିଲେ। ପୂର୍ବରୁ ସେ ମୃତଦେହକୁ ଖଣ୍ଡ ଖଣ୍ଡ କରିବାକୁ ଚେଷ୍ଟା କରୁଥିଲେ, କିନ୍ତୁ ପରେ ସେ ଘଟଣାସ୍ଥଳରୁ ପଳାଇ ଯାଇଥିଲେ। ପୋଲିସ ଅଭିଯୁକ୍ତକୁ ପଞ୍ଜାବରୁ ଗିରଫ କରିଛି।

ଦିଲ୍ଲୀର ଶ୍ରଦ୍ଧା ହତ୍ୟା ମାମଲା

ପ୍ରକାଶ ଥାଉକି ଘରୋଇ ବିବାଦକୁ ଆଧାର କରି ଶ୍ରଦ୍ଧା ୱାକରଙ୍କୁ ତାଙ୍କ ଲିଭ-ଇନ୍ ପାର୍ଟନର ଅଫତାବ ପୁନାୱାଲା ହତ୍ୟା କରିଛନ୍ତି। ସେ ତାଙ୍କ ସହ ଦିଲ୍ଲୀରେ ଏକ ଭଡ଼ା ଘରେ ରହୁଥିଲେ। ଶ୍ରଦ୍ଧାଙ୍କୁ ହତ୍ୟା କରିବା ପରେ ଅଫତାବ ତାଙ୍କ ଶରୀରକୁ ୩୫ ଖଣ୍ଡରେ କାଟି ଫ୍ରିଜରେ ରଖିଥିଲେ। ଏହା ପରେ ସେ ପ୍ରତିଦିନ ରାତିରେ ଦିଲ୍ଲୀର ମେହେରୁଲି ଅଞ୍ଚଳର ଜଙ୍ଗଲରେ ଗୋଟିଏ ଗୋଟିଏ ଖଣ୍ଡ ପକାଇ ପ୍ରମାଣ ନଷ୍ଟ କରୁଥିଲେ। ସେପଟେ ଶ୍ରଦ୍ଧାଙ୍କ ପିତା ଏହି ସମ୍ପର୍କରେ ରାଜି ନଥିଲେ। ଏହାକୁ ଆଧାର କରି ଶ୍ରଦ୍ଧା ଅଫତାବଙ୍କ ସହ ଲିଭ-ଇନରେ ରହୁଥିଲେ।