RBIର ବଡ଼ ନିଷ୍ପତ୍ତି; ଏଣିକି ରବିବାର ବି ଖୋଲିବ ବ୍ୟାଙ୍କ

News18 Odia Digital

Reserve Bank of India: ସରକାରୀ କାରବାର ସହ ଜଡିତ କାଉଣ୍ଟର ସାଧାରଣ କାର୍ଯ୍ୟ ପାଇଁ ଖୋଲା ରହିବ । ଏପରିକି ସମସ୍ତ ବ୍ୟାଙ୍କଗୁଡିକ ରବିବାର ମଧ୍ଯ ସେମାନଙ୍କର ନିର୍ଦ୍ଦିଷ୍ଟ ଶାଖାଗୁଡ଼ିକୁ ଖୋଲା ରଖିବେ। ରିଜର୍ଭ ବ୍ୟାଙ୍କ ଏନେଇ ଏକ ବଡ ନିର୍ଦ୍ଦେଶାନାମା ଜାରି କରିଛି।

ଆରବିଆଇର ଏହି ଘୋଷଣା ପରେ ଗ୍ରାହକଙ୍କୁ ବହୁତ ଆରାମ ମିଳିଛି। ୨୦୨୨-୨୩ ଆର୍ଥିକ ବର୍ଷ ପାଇଁ ମାର୍ଚ୍ଚ ୩୧ ପର୍ଯ୍ଯନ୍ତ ଧାର୍ଯ୍ଯ ଥିବା ଆକାଉଣ୍ଟଗୁଡିକର ହିସାବ ପାଇଁ ରିଜର୍ଭ ବ୍ୟାଙ୍କ ଅଫ୍ ସମସ୍ତ ବ୍ୟାଙ୍କକୁ ଉକ୍ତ ତାରିଖ ପର୍ଯ୍ୟନ୍ତ କାର୍ଯ୍ୟ ସମୟ ପାଇଁ ଶାଖା ଖୋଲା ରଖିବାକୁ ନିର୍ଦ୍ଦେଶ ଦେଇଛି। ମଙ୍ଗଳବାର ଦିନ ସମସ୍ତ ଶାଖା ବ୍ୟାଙ୍କକୁ ଲେଖାଯାଇଥିବା ଚିଠିରେ ଆରବିଆଇ କହିଛି ଯେ ୨୦୨୨-୨୩ ପାଇଁ ଶାଖା ବ୍ୟାଙ୍କ ଦ୍ୱାରା କରାଯାଇଥିବା ସମସ୍ତ ସରକାରୀ କାରବାର ଆର୍ଥିକ ବର୍ଷ ମଧ୍ୟରେ ହିସାବ କରାଯିବା ଉଚିତ।

କେନ୍ଦ୍ରୀୟ ବ୍ୟାଙ୍କର ଚିଠିରେ କୁହାଯାଇଛି ଯେ ଯେ ନ୍ୟାସନାଲ ଇଲେକ୍ଟ୍ରୋନିକ୍ ଫଣ୍ଡ ଟ୍ରାନ୍ସଫର (NEFT) ଓ ରିଅଲ୍ ଟାଇମ୍ ଗ୍ରସ ସେଟଲେମେଣ୍ଟ (RTGS) ସିଷ୍ଟମ ମାଧ୍ୟମରେ କାରବାର ମାର୍ଚ୍ଚ ୩୧ର ମଧ୍ୟରାତ୍ର ପର୍ଯ୍ୟନ୍ତ ଜାରି ରହିବ।

୩ଟି ବ୍ୟାଙ୍କରେ ସୁରକ୍ଷିତ ରହିବ ଟଙ୍କା! କେଉଁଟିରେ ଅଛି ଆପଣଙ୍କ ଆକାଉଣ୍ଟ?

ଏହା ସହିତ ମାର୍ଚ୍ଚ ୩୧ ରେ ସରକାରୀ ଚେକ୍ ସଂଗ୍ରହ ପାଇଁ ସ୍ୱତନ୍ତ୍ର କ୍ଲିୟରାନ୍ସ ଆୟୋଜନ କରାଯିବ, ଯେଉଁଥିପାଇଁ ଆରବିଆଇର ଦେୟ ଓ ସେଟେଲମେଣ୍ଟ ସିଷ୍ଟମ (DPSS) ଆବଶ୍ୟକୀୟ ନିର୍ଦ୍ଦେଶନାମା ଜାରି କରିବ। ଆର୍‌ବିଆଇ ଏହାର ନିର୍ଦ୍ଦେଶରେ କହିଛି ଯେ ଜିଏସ୍ଟି ଇ-ରସିଦ ଲଗେଜ୍ ଫାଇଲ୍ ଅପଲୋଡ୍ କରିବା ସହିତ ଆରବିଆଇକୁ କେନ୍ଦ୍ର ଓ ରାଜ୍ୟ ସରକାରୀ କାରବାରର ରିପୋର୍ଟ ସମ୍ପର୍କରେ ମାର୍ଚ୍ଚ ୩୧ ର ରିପୋର୍ଟ ୱିଣ୍ଡ ଏପ୍ରିଲ ୧ ତାରିଖ ମଧ୍ୟାହ୍ନ ୧୨ ଟା ପର୍ଯ୍ୟନ୍ତ ଖୋଲା ରହିବ।