ପୁଣି ପେଟ୍ରୋଲ କାଣ୍ଡ: ମୁହଁରେ ଟେପ୍ ଲଗାଇ ଦୁଷ୍କର୍ମ କରିବାକୁ ଉଦ୍ୟମ; ଲଗାଇ ଦେଲେ ନିଆଁ

News18 Odia Digital

ଝାଡଖଣ୍ଡ: ଝାଡଖଣ୍ଡରେ ରାଜ୍ୟର ବୋହୂ, ଝିଅମାନେ ପ୍ରତିଦିନ ନିର୍ଯାତନାର ଶିକାର ହେଉଛନ୍ତି। ମହିଳାଙ୍କ ସହ ନିର୍ଯାତନା, ଅସଦାଚରଣ ମାମଲା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଇତିମଧ୍ୟରେ ଆଉ ଏକ ଲୌମହର୍ଷଣକାରୀ ଘଟଣା ସାମ୍ନାକୁ ଆସିଛି।

ନିଷ୍ଠୁର ଅପରାଧୀମାନେ ହାଜରିବାଗ ଜିଲ୍ଲାରେ ଏକ ଲଜ୍ଜାଜନକ ଘଟଣା ଘଟାଇଛନ୍ତି। ଅପରାଧୀମାନେ ପ୍ରଥମେ ଘରେ ପଶି ମହିଳାଙ୍କୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ। ମହିଳାଙ୍କ ପ୍ରତିବାଦ ପରେ କ୍ରୋଧିତ ଅଭିଯୁକ୍ତ ପେଟ୍ରୋଲ ଢ଼ାଳି ମହିଳାଙ୍କୁ ଜୀବନ୍ତ ଜାଳିଦେବାକୁ ଚେଷ୍ଟା କରିଥିଲା। ଏହି ଘଟଣାରେ ମହିଳା ଗୁରୁତର ଭାବେ ପୋଡ଼ି ହୋଇଯାଇଛନ୍ତି।

ଏହି ଘଟଣା ପରେ ଗୁରୁତର ଭାବେ ଜଳି ଯାଇଥିବା ମହିଳାଙ୍କୁ ଶୀଘ୍ର ହାଜରିବାଗ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ଯେଉଁଠାରେ ତାଙ୍କର ଗୁରୁତର ଅବସ୍ଥାକୁ ଦୃଷ୍ଟିରେ ରଖି ଡାକ୍ତର ତାଙ୍କୁ ତୁରନ୍ତ ରାଜଧାନୀ ରାଞ୍ଚିସ୍ଥିତ ରିମ୍ସ ଡାକ୍ତରଖାନାକୁ ପଠାଇଥିଲେ। ବର୍ତ୍ତମାନ ରାଞ୍ଚିସ୍ଥିତ ରିମ୍ସ ହସ୍ପିଟାଲରେ ଡାକ୍ତର ଏମ ସରୱଗୀଙ୍କ ୟୁନିଟରେ ମହିଳାଙ୍କ ଚିକିତ୍ସା ଚାଲିଛି। ମହିଳା ଜଣଙ୍କ ୬୦ ରୁ ୭୦ ପ୍ରତିଶତ ଜଳି ଯାଇଛନ୍ତି।

ଏହି ଭୟାନକ ଘଟଣା ହାଜରିବାଗ ଜିଲ୍ଲାର ଚରହୀ ପୋଲିସ ଷ୍ଟେସନ ଅଞ୍ଚଳ ଅନ୍ତର୍ଗତ ଉଣ୍ଟମରୱା ଗାଁର। ଘଟଣା ସମ୍ପର୍କରେ ପୀଡିତା ପୋଲିସକୁ ଏକ ବୟାନ ଦେଇଛନ୍ତି। ପୀଡିତା ମହିଳାଙ୍କ ନାମ ତିତଲି ଦେବୀ। ଆଉ ତାଙ୍କ ସ୍ୱାମୀଙ୍କ ନାମ ସର୍ଦ୍ଦାର ପରଜଜିତ୍ ସିଂ।

ପାଟିରେ ଟେପ୍ ଲଗାଇ ନିଆଁ ଲଗାଇ ଦେଲେ

ଏହି ଘଟଣାରେ ପୀଡିତା ମହିଳା ଜଣକ କହିଥିଲେ ଯେ ସେ ନିଜ ଘରେ କିରାଣି ଦୋକାନରେ ବସିଥିଲେ। ଏହି ସମୟରେ ତାଙ୍କ ନଣଦେଇ ହରଜିତ୍ କୌର, ନଣଦେଇ ପୁଅ ଲଲିତ ଗୌରବ ଏବଂ ଅନ୍ୟ ଜଣେ ଯୁବକ ତାଙ୍କୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ। ଏହାର ପ୍ରତିବାଦ କରିବାରୁ ସମସ୍ତେ ତାଙ୍କ ପାଟିରେ ଟେପ୍ ଲଗାଇ ତାଙ୍କ ଉପରେ ପେଟ୍ରୋଲ ଲଗାଇ ଜୀବନ୍ତ ନିଆଁ ଲଗାଇ ଦେଇଥିଲେ।

ରିମ୍ସ ହସ୍ପିଟାଲକୁ ରେଫର୍ କରାଯାଇଛି

ନିଆଁ ଲାଗିବା ପରେ ଆଖପାଖର ଲୋକ ମହିଳାଙ୍କ ଚିତ୍କାର ଶୁଣି ସେଠାରେ ପହଞ୍ଚିଥିଲେ। ମହିଳାଙ୍କ ଦେହରେ ଲାଗିଥିବା ଆୟତ୍ତ କରିଥିଲେ ଗ୍ରାମବାସୀ। ତେବେ ସେତେବେଳକୁ ମହିଳା ଜଣକ ଅତ୍ୟଧିକ ଜଳି ଯାଇଥିଲେ, ପରେ ମହିଳାଙ୍କୁ ଶୀଘ୍ର ଚିକିତ୍ସା ପାଇଁ ହାଜରିବାଗ ସଦର ଡାକ୍ତରଖାନାକୁ ନିଆଯାଇଥିଲା। ମହିଳାଙ୍କ ଗୁରୁତର ଅବସ୍ଥା ଦେଖି ପ୍ରାଥମିକ ଚିକିତ୍ସା ପରେ ଡାକ୍ତରମାନେ ତାଙ୍କୁ ରାଜଧାନୀ ରାଞ୍ଚିରେ ଥିବା ରିମ୍ସ ଡାକ୍ତରଖାନାକୁ ପଠାଇଥିଲେ।

ପୀଡିତାଙ୍କ ପିତା କହିଛନ୍ତି, ‘‘ଝିଅ ତିତଲି ୩ ବର୍ଷ ପୂର୍ବେ ହାଜରିବାଗ ଜିଲ୍ଲାର ଚରହୀ ପୋଲିସ୍ ଷ୍ଟେସନ ଅନ୍ତର୍ଗତ ଉଣ୍ଟମରୱା ଗାଁର ବାସିନ୍ଦା ସର୍ଦ୍ଦାର ପରମଜିତ ସିଂଙ୍କୁ ବିବାହ କରିଥିଲେ। ଶନିବାର ବିଳମ୍ବିତ ରାତିରେ ରାଞ୍ଚିର ମୁଖ୍ୟ ରାସ୍ତାର ବାସିନ୍ଦା ମୋ ଝିଅର ନଣଦେଇ ହରଜିତ୍ କୌର। ତାଙ୍କର ଦୁଇ ପୁଅ ଏବଂ ଅନ୍ୟ ଦୁଇଜଣ ଯୁବକ ମୋ ଝିଅକୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ। ଯେତେବେଳେ ମୋ ଝିଅ ଏହାର ପ୍ରତିବାଦ କଲା, ଅଭିଯୁକ୍ତ ତା' ମୁହଁରେ ଏକ ଟେପ୍ ଲଗାଇ ପେଟ୍ରୋଲ ଢାଳି ଜୀବନ୍ତ ନିଆଁ ଲଗାଇ ଦେଇଥିଲା।’’

ପୀଡିତା ମହିଳା ଏବଂ ତାଙ୍କ ପିତା ଦେଇଥିବା ବୟାନ ଆଧାରରେ ଚରହୀ ପୋଲିସ ଏହି ଘଟଣାର ତଦନ୍ତ କରୁଛି ଏବଂ ପଡୋଶୀ ଲୋକଙ୍କୁ ପଚରାଉଚରା କରୁଛି। ଷ୍ଟେସନ ଦାୟିତ୍ୱରେ ଥିବା ବ୍ୟକ୍ତି କହିଛନ୍ତି ଯେ ଏହି ମାମଲାରେ ଯିଏ ଦୋଷୀ, ସେ ରକ୍ଷା ପାଇବ ନାହିଁ। ବର୍ତ୍ତମାନ ସୁଦ୍ଧା ଏହି ମାମଲାରେ ଏପର୍ଯ୍ୟନ୍ତ କାହାକୁ ଗିରଫ କରାଯାଇ ନାହିଁ।