ରାଜନାଥ ସିଂ ପାକିସ୍ତାନ ଉପରେ ଟାର୍ଗେଟ କରି କହିଲେ- PoK ଆମର ଥିଲା, ଅଛି ଓ ରହିବ

ରାଜନାଥ ସିଂ (Rajnath Singh) କହିଛନ୍ତି, 'ପାକିସ୍ତାନ (Pakistan) ଭଲ ଭାବରେ ବୁଝିଯିବା ଉଚିତ ଯେ PoK ଭାରତର ଥିଲା ଓ ଆଜି ବି ଅଛି ଏବଂ ଆମେ ଆଜି ବି ଆମେ PoK କୁ ଭାରତର ଏକ ଅଂଶ ବୋଲି ବିବେଚନା କରୁଛୁ ଓ ଆଗକୁ ମଧ୍ୟ PoK ଭାରତର ହୋଇ ରହିବ ।'

ରାଜନାଥ ସିଂ ପାକିସ୍ତାନ ଉପରେ ଟାର୍ଗେଟ କରି କହିଲେ- PoK ଆମର ଥିଲା, ଅଛି ଓ ରହିବ
ରାଜନାଥ ସିଂ (ଫାଇଲ ଫଟୋ)
  • News18 Odia
  • Last Updated: November 5, 2020, 4:34 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ପାଟନା: ବିହାର ବିଧାନସଭା ନିର୍ବାଚନର ତୃତୀୟ ପର୍ଯ୍ୟାୟ ପ୍ରଚାରର ଶେଷ ଦିନରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ପୂର୍ଣ୍ଣିୟାର ଧାମଦାଠାରେ ଜେଡିୟୁ ପ୍ରାର୍ଥୀ ଲାସି ସିଂଙ୍କ ନିର୍ବାଚନ ବୈଠକରେ ସମ୍ବୋଧିତ କରିଥିଲେ । ଏହି ଅବସରରେ ରାଜନାଥ ସିଂ ପାକିସ୍ତାନ ଉପରେ ଜୋରଦାର ଟାର୍ଗେଟ କରିଥିଲେ । ସେ କହିଛନ୍ତି ଯେ ପାକିସ୍ତାନ ଭଲ ଭାବରେ ବୁଝିଯିବେ ଉଚିତ୍ ଯେ PoK ଭାରତର ଥିଲା ଓ ଆଜି ମଧ୍ୟ ଆମେ PoK କୁ ଭାରତର ଏକ ଅଂଶ ବୋଲି ବିବେଚନା କରୁଛୁ ଏବଂ PoK ଆଗକୁ ମଧ୍ୟ ଭାରତରେ ରହିବ ।

ରାଜନାଥ ସିଂ କହିଛନ୍ତି ଯେ ବର୍ତ୍ତମାନ ପାକିସ୍ତାନ ସଂସଦରେ ମଧ୍ୟ ଏହା ଉଲ୍ଲେଖ କରାଯାଇଛି ଯେ ପାକିସ୍ତାନରେ ଭାରତକୁ ନେଇ କେତେ ଭୟବିତ ଥିଲା ଯେତେବେଳେ ସେ ଆମର ପାଇଲଟ ଅଭିନନ୍ଦନଙ୍କୁ ଧରି ନେଇଥିଲେ । ସେ ପୁଣି ଥରେ ପାକିସ୍ତାନ ସଂସଦରେ ଦିଆଯାଇଥିବା ବିବୃତ୍ତିକୁ ଦୋହରାଇଛନ୍ତି ଯେଉଁଥିରେ ପାକିସ୍ତାନର ସାଂସଦ କହିଛନ୍ତି ଯେ "ଯଦି ଆମେ ଅଭିନନ୍ଦନଙ୍କୁ ନ ଛାଡୁ ତେବେ ଭାରତ ନଅଟା ବେଳେ ଆକ୍ରମଣ କରିଦେବ ।"

ଏହି ଅବସରରେ ପୂର୍ବ ଲଦାଖରେ ଚୀନ୍ ସହ ଚାଲିଥିବା ବିବାଦ ସମ୍ପର୍କରେ ସୂଚନା ଦେଇ କେନ୍ଦ୍ର ମନ୍ତ୍ରୀ କହିଛନ୍ତି ଯେ ଦେଶର ସୈନ୍ୟବାହିନୀ କିପରି ସାହସିକତା ଓ ବୀରତ୍ୱର ପରିଚୟ ଦେଇଛନ୍ତି ତାହା ଦେଖି ଚୀନ୍ ସେନା ମଧ୍ୟ ଭୟଭୀତ ଅଛନ୍ତି । ଏକ ସମୟରେ ଯେତେବେଳେ ଆମର ସାହସୀ ସୈନିକମାନେ ଶତ୍ରୁକୁ ସୀମାରେ ପଛକୁ ଠେଲି ଦେଇଛନ୍ତି ସେତେବେଳେ ଆମେ ଏକଜୁଟ ହୋଇ ସେନାକୁ ସମର୍ଥନ କରିବା ଉଚିତ୍ । ରାଜନାଥ ସିଂ କହିଛନ୍ତି ଏଠାରେ ଅନେକ ନେତା ଅଛନ୍ତି ଯେଉଁମାନେ କ୍ରମାଗତ ଭାବରେ ଭାରତୀୟ ସେନା ଓ ସାହସୀ ସୈନିକଙ୍କ ବୀରତ୍ୱର ନେଇ ତାମସା ପ୍ରଦର୍ଶନ କରୁଛନ୍ତି ।

ସେ କହିଛନ୍ତି ଯେ ଆତ୍ମ ସମ୍ମାନର ରାଜନୀତି ହେବା ଉଚିତ ଓ ଜନସାଧାରଣଙ୍କ ଆଖିରେ ଧୂଳି ପକାଇ ରାଜନୀତି କରାଯିବା ଉଚିତ ନୁହେଁ । ସେ କହିଛନ୍ତି ଯେ ବର୍ତ୍ତମାନ ସମୟ ଆସିଛି ଯେ ଆଖିରେ ଆଖି ମିଶାଇ ରାଜନୀତି କରାଯିବା ଉଚିତ୍ । ସାଂପ୍ରତିକ ସମୟରେ ଭାରତ ଯେଉଁଭଳି ଭାବରେ ନିଜର ପରିଚୟ ସୃଷ୍ଟି କରିଛି ଏହା ସମଗ୍ର ବିଶ୍ୱକୁ ଭାରତର ଶକ୍ତି ଅନୁଭବ ହୋଇଛି । କିନ୍ତୁ ରାହୁଲ ଗାନ୍ଧୀ ଏହାକୁ କଦାପି ଗ୍ରହଣ କରିବେ ନାହିଁ ଓ କିଛି ସମୟ ପରେ ସେ ଏହାର ଉତ୍ତର ପାଇବେ । ସେ ଦୋହରାଇଛନ୍ତି ଯେ ଭାରତର କେହି ମଧ୍ୟ ଏକ ଇଞ୍ଚ ଜମି ଦଖଲ କରିପାରିବେ ନାହିଁ ।
Published by: Jagdish Barik
First published: November 5, 2020, 4:34 PM IST
corona virus btn
corona virus btn
Loading