ମାତା ଵୈଷ୍ଣୋ ଦେବୀ ଦର୍ଶନ ପାଇଁ IRCTC ତରଫରୁ ସ୍ୱତନ୍ତ୍ର ଟ୍ରେନ୍; ଜାଣନ୍ତୁ ବୁକିଂ ଆଉ ପ୍ୟାକେଜ ଡିଟେଲ୍ସ

ପାର୍ବଣ ଋତୁରେ ଟ୍ରେନର ଟିକେଟ୍ ବୁକିଂରେ ବୃଦ୍ଧି କାରଣରୁ ଆଇଆରସିଟିସି ମାତା ଵୈଷ୍ଣୋ ଦେବୀଙ୍କୁ ଦର୍ଶନ କରୁଥିବା ଶ୍ରଦ୍ଧାଳୁଙ୍କ ପାଇଁ ସ୍ୱତନ୍ତ୍ର ଟ୍ରେନ୍ ବ୍ୟବସ୍ଥା କରିଛି ।

ମାତା ଵୈଷ୍ଣୋ ଦେବୀ ଦର୍ଶନ ପାଇଁ IRCTC ତରଫରୁ ସ୍ୱତନ୍ତ୍ର ଟ୍ରେନ୍; ଜାଣନ୍ତୁ ବୁକିଂ ଆଉ ପ୍ୟାକେଜ ଡିଟେଲ୍ସ

ମାତା ଵୈଷ୍ଣୋ ଦେବୀ ଦର୍ଶନ ପାଇଁ IRCTC ତରଫରୁ ସ୍ୱତନ୍ତ୍ର ଟ୍ରେନ୍; ଜାଣନ୍ତୁ ବୁକିଂ ଆଉ ପ୍ୟାକେଜ ଡିଟେଲ୍ସ

  • News18 Odia
  • Last Updated :
  • Share this:
News 18 Odia Digital

ନୂଆଦିଲ୍ଲୀ : ନବରାତ୍ରୀ ଆରମ୍ଭ ପୂର୍ବରୁ ଭାରତୀୟ ଶ୍ରଦ୍ଧାଳୁଙ୍କ ପାଇଁ ରେଳବାଇ ତରଫରୁ ଏକ ଖୁସି ଖବର ଆସିଛି । ପାର୍ବଣ ଋତୁରେ ଟ୍ରେନର ଟିକେଟ୍ ବୁକିଂରେ ବୃଦ୍ଧି କାରଣରୁ ଆଇଆରସିଟିସି ମାତା ଵୈଷ୍ଣୋ ଦେବୀଙ୍କୁ ଦର୍ଶନ କରୁଥିବା ଶ୍ରଦ୍ଧାଳୁଙ୍କ ପାଇଁ ସ୍ୱତନ୍ତ୍ର ଟ୍ରେନ୍ ବ୍ୟବସ୍ଥା କରିଛି ।

ଭାରତ ଗୌରବ ଟ୍ରେନ୍ ଅଧୀନରେ ସେପ୍ଟେମ୍ବର ମାସରୁ ଆରମ୍ଭ ହେବାକୁ ଥିବା ଦୁଇଟି ସ୍ୱତନ୍ତ୍ର ଏସି ଟ୍ରେନ୍ ଆଇଆରସିଟିସି ଦ୍ୱାରା ପରିଚାଳିତ ହେବ । ଏହା ତୃତୀୟ ଶ୍ରେଣୀ ଏସି ଟ୍ରେନ୍ ହେବ, ଯେଉଁଥିରେ ଶ୍ରଦ୍ଧାଳୁଙ୍କ ସୁବିଧା ପାଇଁ ସମ୍ପୂର୍ଣ୍ଣ ଯତ୍ନ ନିଆଯାଇଛି । ସକାଳ ଜଳଖିଆ ଠାରୁ ଆରମ୍ଭ କରି ରାତ୍ରୀ ଭୋଜନ ପର୍ଯ୍ୟନ୍ତ, ଯାତ୍ରା ସମୟରେ ହୋଟେଲରେ ରହିବାର ସୁବିଧା ମଧ୍ୟ ଏହି ପ୍ୟାକେଜରେ ଉପଲବ୍ଧ ହେବ ।

୪ ରାତି ଏବଂ ୫ ଦିନ ପ୍ୟାକେଜ୍ କ’ଣ? ପ୍ୟାକେଜରେ ମାତା ବୈଷ୍ଣୋ ଦେବୀଙ୍କ ଗସ୍ତ ସହିତ ଜଡିତ ବିଶେଷ ବ୍ୟବସ୍ଥା ହେବ । ଏହି ପ୍ୟାକେଜ୍ ୪ ରାତି ଏବଂ ୫ ଦିନ ପ୍ୟାକେଜ୍ ନାଁରେ ଆରମ୍ଭ ହେଉଛି । ଯଥା ଟ୍ରେନ୍ ୨୫ ସେପ୍ଟେମ୍ବର ୨୦୨୨ ରୁ ୨୯ ସେପ୍ଟେମ୍ବର ୨୦୨୨ ଏବଂ ୩୦ ସେପ୍ଟେମ୍ବର ୨୦୨୨ ରୁ ୪ ସେପ୍ଟେମ୍ବର ୨୦୨୨ ପର୍ଯ୍ୟନ୍ତ ଚାଲିବ । ଟ୍ରେନରେ ବସିବା ଓ ଉଲ୍ହାଇବା ର ସୁବିଧା ଦିଲ୍ଲୀ ସଫଦରଗଞ୍ଜରୁ ଉପଲବ୍ଧ ହେବ ।

ଏହାର ମୂଲ୍ୟ କେତେ ହେବ ଜାଣନ୍ତୁ

ଆଇଆରସିଟିସି ଉତ୍ତର ଜୋନର ମୁଖ୍ୟ ଆଞ୍ଚଳିକ ପରିଚାଳକ ଅଜିତ କୁମାର ସିହ୍ନା ଏକ ବିଶେଷ ସୂଚନା ଦେଇଥିବା ବେଳେ ଏହି ଟ୍ରେନରେ ବୁକିଂ ଆରମ୍ଭ ହୋଇଛି ବୋଲି କହିଛନ୍ତି । ପ୍ୟାକେଜ୍ ମୂଲ୍ୟ ଜଣେ ଯାତ୍ରୀଙ୍କ ପାଇଁ ୧୭,୮୩୦ ଟଙ୍କା, ଦୁଇ ଯାତ୍ରୀଙ୍କ ପାଇଁ ଏକସାଥିରେ ରହିବା ପାଇଁ ୧୪,୯୯୦ ଟଙ୍କା ଏବଂ ତିନିଜଣ ଯାତ୍ରୀଙ୍କ ପାଇଁ ୧୨,୯୯୦ ଟଙ୍କା ରହିବ । ଏହି ପ୍ୟାକେଜ୍ ବୁକିଂ 'ପହଲେ ଆଓ, ପହଲେ ପାଓ' ଭିତ୍ତିରେ କରାଯାଇଛି ।

ବୁକିଂ ଡିଟେଲ୍ସ
ଟିକେଟ୍ ବୁକିଂ ପାଇଁ ଶ୍ରଦ୍ଧାଳୁ ଭବନ ଗୋମତି ନଗର ଲକ୍ଷ୍ନୌ କିମ୍ବା IRCTC ୱେବସାଇଟ୍ www.irctctourism.com ରେ ଅନଲାଇନ୍ ବୁକିଂ ମଧ୍ୟ କରିପାରିବେ ଓ ଅଧିକ ସୂଚନା ପାଇବା ପାଇଁ ନିମ୍ନରେ ଦିଆଯାଇଥିବା ଏହି ନମ୍ବରଗୁଡ଼ିକରେ ମଧ୍ୟ ଯୋଗାଯୋଗ ସୂଚନା ପାଇବାକୁ ଅଧିକ ସୂଚନା ପାଇପାରିବେ ।

ଲକ୍ଷ୍ନୌ- 8287930902/8287930908/
8287930909
ମଥୁରା -8287931792
ଆଗ୍ରା-8595924302/8595924271
Published by:Soubhagya Mishra
First published: