Indian Railways: କରୋନାର ଦ୍ୱିତୀୟ ଲହର ମଧ୍ୟରେ ରେଳବାଇର ବଡ ବୟାନ; କ'ଣ ବନ୍ଦ ହୋଇଯିବ ଟ୍ରେନ୍?
Indian Railways: ସାରା ଦେଶରେ କରୋନାର (COVID-19) ଦ୍ୱିତୀୟ ଲହର ମଧ୍ୟରେ ଲୋକମାନେ ପୁଣି ଥରେ ପ୍ରଶ୍ନ ଉଠାଉଛନ୍ତି ଯେ କ'ଣ ଦେଶରେ ଟ୍ରେନ ସେବା ପୁଣିଥରେ ଧୀରେ ଧୀରେ ବନ୍ଦ ହୋଇଯିବ? ରେଳ ଚଳାଚଳକୁ ନେଇ ରେଳବାଇର ଏକ ବଡ ବିବୃତ୍ତି ସାମ୍ନାକୁ ଆସିଛି ।
ରେଳ ଚଳାଚଳକୁ ନେଇ ରେଳବାଇର ଏକ ବଡ ବିବୃତ୍ତି ସାମ୍ନାକୁ ଆସିଛି
- News18 Odia
- Last Updated: April 14, 2021, 1:05 PM IST
- Share this:
ନୂଆ ଦିଲ୍ଲୀ: କରୋନାର (COVID-19) ବଢ଼ୁଥିବା ମାମଲାକୁ ଦୃଷ୍ଟିରେ ରଖି ଅନେକ ରାଜ୍ୟ ସରକାର ପ୍ରତିବନ୍ଧକ ବୃଦ୍ଧି କରିବା ଆରମ୍ଭ କରିଛନ୍ତି । ଅନେକ ରାଜ୍ୟରେ ନାଇଟ୍ କର୍ଫ୍ୟୁ ଲାଗୁ କରାଯାଇଛି । କେତେକ ସହରରେ ସମ୍ପୂର୍ଣ୍ଣ ଲକଡାଉନ୍ ଘୋଷଣା କରାଯାଇଛି ତ ଆଉ କେତେକ ସହରରେ ୱିକେଣ୍ଡ୍ ଲକଡାଉନ୍ ଘୋଷଣା କରାଯାଇଛି । ଏଭଳି ପରିସ୍ଥିତିରେ ଲୋକଙ୍କ ମନରେ ପ୍ରଶ୍ନ ଉଠିଛି ଯେ ଦେଶରେ ଟ୍ରେନ୍ ସେବା ପୁଣି ଥରେ ବନ୍ଦ ହୋଇଯିବ କି? ଏ ସମ୍ପର୍କରେ ରେଳ ବୋର୍ଡ ପକ୍ଷରୁ ଏକ ବିବୃତ୍ତି ଜାରି କରାଯାଇଛି । କେନ୍ଦ୍ରୀୟ ରେଳବାଇ ଟ୍ୱିଟ କରି କହିଛି, 'ଯାତ୍ରୀମାନେ ଦୟାକରି ଧ୍ୟାନ ଦିଅନ୍ତୁ' ଭୟ କର ନାହିଁ, ଟ୍ରେନ୍ ଚାଲୁ ରହିବ '। ଏହା ମଧ୍ୟ ଲୋକଙ୍କୁ ସ୍ପଷ୍ଟ କରାଯାଉଛି ଯେ ଘୋଷିତ ନିୟମିତ ଓ ଦୀର୍ଘ ଦୂରତାର ସ୍ପେଶାଲ ଟ୍ରେନ୍ ଚାଲିବା ଜାରି ରହିବ ।
ରେଳବାଇ ବୋର୍ଡ ବୁଧବାର ଏକ ବିବୃତ୍ତି ଜାରି କରି କହିଛି ଯେ ଗ୍ରୀଷ୍ମକାଳୀନ ସ୍ପେଶାଲ ଟ୍ରେନ୍ କ୍ରମାଗତ ଭାବରେ ଚାଲୁଛି । ଏହା ମଧ୍ୟ ଲୋକଙ୍କୁ ସ୍ପଷ୍ଟ କରାଯାଉଛି ଯେ ଘୋଷିତ ନିୟମିତ ଓ ଦୀର୍ଘ ଦୂରତା ବିଶିଷ୍ଟ ସ୍ପେଶାଲ ଟ୍ରେନ୍ ମଧ୍ୟ ଚାଲୁ ରହିବ, ଏହି ସମସ୍ତ ସ୍ପେଶାଲ ଟ୍ରେନରେ କେବଳ ନିଶ୍ଚିତ ହୋଇଥିବା ଟିକେଟ୍ ଧରିଥିବା ଯାତ୍ରୀମାନଙ୍କୁ କୋଭିଡ -୧୯ ର ନିୟମ ଓ ମାନଦଣ୍ଡ ମାନିବା ପରେ ଟ୍ରେନରେ ଚଢିବାକୁ ଅନୁମତି ଦିଆଯିବ ।
यात्री कृपया ध्यान दे.
'न हो पैनिक, ट्रेनें चलती रहेंगी'...👇 pic.twitter.com/X4kF8yTkMT
— Central Railway (@Central_Railway) April 14, 2021
୯୦ ମିନିଟ ପୂର୍ବରୁ ପହଞ୍ଚନ୍ତୁ ଷ୍ଟେସନ - ରେଳବାଇ କହିଛି, "ଲୋକମାନେ ଭୟଭୀତ ହୁଅନ୍ତୁ ନାହିଁ ଓ ଷ୍ଟେସନରେ ଭିଡ଼ କରନ୍ତୁ ନାହିଁ, କେବଳ ୯୦ ମିନିଟ ପୂର୍ବରୁ ଷ୍ଟେସନରେ ପହଞ୍ଚିନ୍ତୁ । ରେଳବାଇ ଅପେକ୍ଷା ତାଲିକାରେ ନିରନ୍ତର ନଜରରେ ରଖିଛି । ଆବଶ୍ୟକତା ଅନୁଯାୟୀ ଅତିରିକ୍ତ ସ୍ପେଶାଲ ଟ୍ରେନ୍ ଚଳାଚଳ କରିବ ।"
मध्य की एक बार पुनःअपील
मध्य रेल द्वारा लगातार समर स्पेशल ट्रेनें चलाई जा रही है। लोगों को यह भी स्पष्ट किया जाता है कि लंबी दूरी की घोषित नियमित एवं स्पेशल ट्रेनें चलती रहेंगीं, इन सभी स्पेशल ट्रेनों में कोविड 19 के नियमों व मानदंडों के पालन हेतु केवल कन्फर्म टिकट धारक 1/2
— Central Railway (@Central_Railway) April 14, 2021
କରୋନା ବୃଦ୍ଧି ପାଉଥିବା କାରଣରୁ ମହାରାଷ୍ଟ୍ରରେ କଡା ପ୍ରତିବନ୍ଧକ ଲଗାଯାଇଛି । ସମୁଦାୟ ଲକଡାଉନ ଆଶଙ୍କାରେ ଭୟଭୀତ ହୋଇ ଲୋକମାନେ ପୁଣି ଥରେ ନିଜର ଜିନିଷପତ୍ର ନେଇ ନିଜ ଗାଁକୁ ଫେରିବାକୁ ଆରମ୍ଭ କରିଛନ୍ତି । ଏଭଳି ପରିସ୍ଥିତିରେ ରେଳ ଷ୍ଟେସନରେ ବହୁ ସଂଖ୍ୟାରେ ଜନସମାଗମ ହୋଇଛି । ଲୋକଙ୍କ ମଧ୍ୟରେ ଆତଙ୍କିତ ବାତାବରଣ ଦେଖି କେନ୍ଦ୍ରୀୟ ରେଳବାଇ ଟ୍ୱିଟ କରି ଲୋକଙ୍କୁ ଧାର୍ଯ୍ୟବାନ ହେବାକୁ ନିବେଦନ କରିଛି ।
ମୁମ୍ବାଇରେ ପ୍ଲାଟଫର୍ମ ଟିକେଟ୍ ବିକ୍ରି ଉପରେ ପ୍ରତିବନ୍ଧକ
ଏହାର ବ୍ୟାପକ ବିସ୍ତାର ମହାରାଷ୍ଟ୍ରର ରାଜଧାନୀ ମୁମ୍ବାଇରେ ଦେଖାଯାଉଛି । ଏହାକୁ ଦୃଷ୍ଟିରେ ରଖି ତୁରନ୍ତ ରେଳ ଷ୍ଟେସନରେ ପ୍ଲାଟଫର୍ମ ଟିକେଟ୍ ବିକ୍ରି ବନ୍ଦ ହୋଇଯାଇଛି । ଯେଉଁ ରେଳ ଷ୍ଟେସନଗୁଡ଼ିକରେ ପ୍ଲାଟଫର୍ମ ଟିକେଟ୍ ବିକ୍ରି ବନ୍ଦ ହୋଇଯାଇଛି ସେଥିରେ ଲୋକମାନିଆ ତିଲକ ଟର୍ମିନାସ୍, କଲ୍ୟାଣ, ଥାନେ, ଦାଦର, ପାନଭେଲ, ଛତ୍ରପତି ଶିବାଜୀ ମହାରାଜ ଟର୍ମିନାସ୍ ସାମିଲ ରହିଛି । କେନ୍ଦ୍ରୀୟ ରେଳବାଇର CPRO କୁ ଉଦ୍ଧୃତ କରି ନ୍ୟୁଜ୍ ଏଜେନ୍ସି ANI ଦ୍ୱାରା ଏହି ସୂଚନା ଦିଆଯାଇଛି ।
