Railway Recruitment 2023: ଦଶମ ପାସ୍‌ ପାଇଁ ରେଳବାଇରେ ଚାକିରି ସୁଯୋଗ ! ମିଳିବ ଭଲ ଦରମା...

News18 Odia Digital

Railway Recruitment 2023: ସରକାରୀ ଚାକିରି ଖୋଜୁଥିବା ଯୁବକମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଅଛି । ଏଥିପାଇଁ ଭାରତୀୟ ରେଳ ଉତ୍ତର ପଶ୍ଚିମ ରେଳବାଇ (NWR) ଅଧୀନରେ ଥିବା 'ଆସିଷ୍ଟାଣ୍ଟ ଲୋକୋ ପାଇଲଟ୍' ପଦବୀରେ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଛି । 'ସାଧାରଣ ବିଭାଗୀୟ ପ୍ରତିଯୋଗୀତା ପରୀକ୍ଷା (GDCE) ୨୦୨୩' ଆଧାରରେ ପ୍ରାର୍ଥୀ ଚୟନ କରାଯିବ । ଏହି ପଦବୀ (Railway Recruitment) ପାଇଁ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ ଭାରତୀୟ ରେଳବାଇ rrcjaipur.inର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ଆବେଦନ କରିପାରିବେ। ପ୍ରାର୍ଥୀମାନେ ଏହି ପଦବୀ ପାଇଁ ୬ ମଇ କିମ୍ବା ପୂର୍ବରୁ ଅନ୍‌ଲାଇନ୍‌ରେ ଆବେଦନ କରିପାରିବେ । ଏହି ନିଯୁକ୍ତି (Railway Recruitment 2023) ଅଭିଯାନ ଅଧୀନରେ ମୋଟ ୨୩୮ ଟି ପଦବୀ ପୂରଣ ହେବ ।

ରେଳ ନିଯୁକ୍ତି ୨୦୨୩ ପାଇଁ ଶିକ୍ଷାଗତ ଯୋଗ୍ୟତା କଣ ଦରକାର ?

ସରକାରୀ ବିଜ୍ଞପ୍ତି ଅନୁଯାୟୀ ଉତ୍ତର ପଶ୍ଚିମ ରେଳବାଇରେ ଏହି ନିଯୁକ୍ତି ଆସିଷ୍ଟାଣ୍ଟ ଲୋକ ପାଇଲଟ ପାଇଁ ୨୩୮ଟି ପଦବୀ ନିଯୁକ୍ତ ହେବ। ଆବେଦନ କରିବାକୁ, ଫିଟର, ଇଲେକ୍ଟ୍ରିକାଲ୍, ମେକାନିକ୍ ରେ ଡିପ୍ଲୋମା ସାର୍ଟିଫିକେଟ୍ ସହିତ ଯେକୌଣସି ସ୍ୱୀକୃତିପ୍ରାପ୍ତ ବୋର୍ଡରୁ ପ୍ରାର୍ଥୀ ନିଶ୍ଚିତ ଭାବରେ ଦଶମ ଶ୍ରେଣୀ ପାସ୍ କରିଥିବା ଆବଶ୍ୟକ । ମେକାନିକାଲ୍ / ଇଲେକ୍ଟ୍ରିକାଲ୍ / ଇଲେକ୍ଟ୍ରୋନିକ୍ସ / ଅଟୋମୋବାଇଲ୍ ଇଞ୍ଜିନିୟରିଂରେ ଡିପ୍ଲୋମା ପାସ୍ ପ୍ରାର୍ଥୀମାନେ ମଧ୍ୟ ଆବେଦନ କରିପାରିବେ।

ରେଳ ନିଯୁକ୍ତି ୨୦୨୩ ପାଇଁ ବିଜ୍ଞପ୍ତି

ରେଳ ନିଯୁକ୍ତି ୨୦୨୩ ଆବେଦନ ଲିଙ୍କ୍

ରେଳ ନିଯୁକ୍ତି ୨୦୨୩ ପାଇଁ ବୟସ ସୀମା କେତେ ହେବା ଦରକାର ?
ଏହି ପଦବୀରେ ଆବେଦନ କରିବାର ସର୍ବାଧିକ ବୟସ ସାଧାରଣ ବର୍ଗ ପ୍ରାର୍ଥୀଙ୍କ ପାଇଁ ୪୨ ବର୍ଷ, ଓବିସି ବର୍ଗ ପ୍ରାର୍ଥୀଙ୍କ ପାଇଁ ୪୫ ବର୍ଷ ଏବଂ ଏସସି/ଏସଟି ବର୍ଗ ପ୍ରାର୍ଥୀଙ୍କ ପାଇଁ ୪୭ ବର୍ଷ ଧାର୍ଯ୍ୟ କରାଯାଇଛି ।

ରେଳ ନିଯୁକ୍ତି ୨୦୨୩ ପାଇଁ ଆବେଦନ ଶୁଳ୍କ କେତେ ?
ଏହି ପଦବୀ ପାଇଁ ଆବେଦନ କରୁଥିବା ପ୍ରାର୍ଥୀଙ୍କୁ କୌଣସି ଆବେଦନ ଶୁଳ୍କ ଦେବାକୁ ପଡିବ ନାହିଁ । ଅଧିକ ବିବରଣୀ ପାଇଁ, ଆପଣ ନିମ୍ନରେ ଦିଆଯାଇଥିବା ଲିଙ୍କରେ କ୍ଲିକ୍ କରି ଅଫିସିଆଲ୍ ବିଜ୍ଞପ୍ତି ଯାଞ୍ଚ କରିପାରିବେ ।

ରେଳ ନିଯୁକ୍ତି ୨୦୨୩ ଚୟନ କିପରି ହେବ ?
କମ୍ପ୍ୟୁଟର ଆଧାରିତ ପରୀକ୍ଷା (CBT) / ଲିଖିତ ପରୀକ୍ଷା ଆଧାରରେ ରେଳବାଇରେ ଆସିଷ୍ଟାଣ୍ଟ ଲୋକୋ ପାଇଲଟ୍ ପଦ ପାଇଁ ପ୍ରାର୍ଥୀ ଚୟନ କରାଯିବ। ଏହି ଆପ୍ଟିଚ୍ୟୁଡ୍ ଟେଷ୍ଟ ପରେ ଡକ୍ୟୁମେଣ୍ଟ୍ ଭେରିଫିକେସନ୍ ଏବଂ ମେଡିକାଲ୍ ଟେଷ୍ଟ କରାଯିବ ।



ପଢନ୍ତୁ ଏହି ଖବର : Aadhaar Bank Linking: ବ୍ୟାଙ୍କ ଆକାଉଣ୍ଟ ସହିତ ଆଧର ଲିଙ୍କ୍‌ କରିଛନ୍ତି କି ? ଜାଣନ୍ତୁ କେମିତି କରିବେ ଯାଞ୍ଚ...