ରାହୁଳ ଗାନ୍ଧୀ କହିଲେ କଂଗ୍ରେସ ଜିତିଲେ ଆସାମରେ ଲାଗୁ ହେବ ନାହିଁ ନାଗରିକତା ଆଇନ (CAA)
କଲେଜ ଛାତ୍ରଛାତ୍ରୀମାନଙ୍କ ସହ ଆଲୋଚନା କରି ରାହୁଳ ଗାନ୍ଧୀ କହିଛନ୍ତି ଯେ ‘‘ନାଗପୁରରେ ଜନ୍ମିତ ଏକ ଶକ୍ତି’’ ସମଗ୍ର ଦେଶକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛି । ଯୁବକମାନଙ୍କୁ ସକ୍ରିୟ ଭାବେ ରାଜନୀତିରେ ଅଂଶ ଗ୍ରହଣ କରିବାକୁ ସେ ଆହ୍ୱାନ କରିଛନ୍ତି ।
ଆସାମରେ ରାହୁଳ ଗାନ୍ଧୀ
- News18 Odia
- Last Updated: March 19, 2021, 3:19 PM IST
- Share this:
ଦିସପୁର: ଆସାମ ବିଧାନସଭା ନିର୍ବାଚନ ୨୦୨୧କୁ (Assam Assembly Election 2021) ଦୃଷ୍ଟିରେ ରଖି କଂଗ୍ରେସ ନେତା ରାହୁଳ ଗାନ୍ଧୀ (Rahul Gandhi) ଶୁକ୍ରବାର ଦିନ କଲେଜ ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଛନ୍ତି । ଏହି ସମୟରେ ରାହୁଳ କହିଛନ୍ତି କଂଗ୍ରେସ ସୁନିଶ୍ଚିତ କରିବ ଯେ ଆସାମରେ ନାଗରିକତା ଆଇନ (ସଂଶୋଧିତ) ଲାଗୁ ହେବ ନାହିଁ ।
ଦିବୃଗଡ଼ରେ ରାହୁଳ ଗାନ୍ଧୀ କହିଛନ୍ତି, ‘‘ଏବେ ଅନେକ ଲୋକଙ୍କୁ ଲାଗୁଛି ଯେ ଦେଶରେ ଗଣତନ୍ତ୍ର ହ୍ରାସ ପାଉଛି । ଯୁବକମାନେ ବେକାର ବୁଲୁଛନ୍ତି, କୃଷକମାନେ ଆନ୍ଦୋଳନ କରୁଛନ୍ତି, ଦେଶରେ CAA ଅଛି । ଯଦି ସେମାନେ (ବିଜେପି) କେନ୍ଦ୍ରରେ ସରକାରରେ ଅଛନ୍ତି, ତେବେ ସେମାନେ ଆସାମବାସୀଙ୍କୁ ନିଜ ସଂସ୍କୃତି ଓ ଭାଷା ଭୁଲିଯିବାକୁ କହିପାରିବେ ନାହିଁ । ନାଗପୁରରେ ଜନ୍ମିତ ଏକ ଶକ୍ତି ସମଗ୍ର ଦେଶକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛି ।’’
ଏହା ବି ପଢ଼ନ୍ତୁ ଓ ଦେଖନ୍ତୁ PHOTOS | କେନ୍ଦୁଝର: ତୀବ୍ର ବେଗରେ ବାଇକ୍ ଚଳାଉଥିଲେ; ବ୍ୟାରିକେଡରେ ପିଟିହେବାରୁ ୨ ଯୁବକଙ୍କ ମୃତ୍ୟୁ ହେଲା
ଏହା ବି ପଢ଼ନ୍ତୁ | ଭୁବନେଶ୍ବର: ଭଡ଼ାଟିଆଙ୍କ ଉପରେ ଆକ୍ରମଣ ମାମଲାରେ ଗିରଫ ହୋଇପାରନ୍ତି BJP ନେତ୍ରୀ ଓ ତାଙ୍କ ସ୍ୱାମୀ
ରାହୁଳ ଗାନ୍ଧୀ, ଯିଏ ଏବେ କେରଳର ୱାୟାନାଡ଼ରୁ ସାଂସଦ ଅଛନ୍ତି, ସେ ଆହୁରି କହିଛନ୍ତି ଯେ ଏବେ ଦେଶରେ ବିମାନ ବନ୍ଦରରେ ଯାହା ଘଟୁଛି ତାହା ଚା’ ବଗିଚାରେ ମଧ୍ୟ ଘଟୁଛି । ‘‘ଯେତେବେଳେ ଆମ ସରକାର ଥିଲା (କଂଗ୍ରେସ), ଆମେ ଆସାମକୁ ସୁରକ୍ଷା ଦେଇଥିଲୁ । ହଜାର ହଜାର କୋଟି ଟଙ୍କାର ସ୍ୱତନ୍ତ୍ର ପ୍ୟାକେଜ୍ ଦେଇଥିଲୁ । ଆଉ ବିନିଯୋଗ ନୀତି ବନେଇଥିଲୁ ଯେଉଁଥିରେ ଯଦି କେହି ବିନିଯୋଗ କରିବାକୁ ଚାହାଁନ୍ତି ତାହେଲେ ଆମେ ତାଙ୍କୁ ସବସିଡି ଦେଉଥିଲୁ । ହେଲେ ସେହି ନୀତିକୁ ବାତିଲ କରିଦିଆଗଲା,’’ ସେ କହିଛନ୍ତି ।
ଏହା ବି ପଢ଼ନ୍ତୁ | ପିପିଲି ଉପର୍ବାଚନ ପାଇଁ ବାଜିଲା ବିଗୁଲ୍; ଏପ୍ରିଲ ୧୭ରେ ଭୋଟିଂ; କିଏ ବାଜି ମାରିବ ଏ ଥର?
‘‘ଆପଣମାନଙ୍କୁ ବିଭାଜିତ କରାଯାଉଛି । ଗୋଟିଏ ଧର୍ମକୁ ଅନ୍ୟ ଧର୍ମ ବିରୁଦ୍ଧରେ ଲଢ଼େଇ କରାଇ, ଜଣେ ବ୍ୟକ୍ତିଙ୍କୁ ଅନ୍ୟ ଜଣଙ୍କ ବିରୁଦ୍ଧରେ ଲଢ଼ିବାକୁ ବାଧ୍ୟ କରାଇ, ତା’ ପରେ ଆପଣମାନଙ୍କ ପାଖରେ ଯାହା ଅଛି ତାହା ଆପଣଙ୍କ ଠାରୁ ଛଡ଼ାଇନିଆଯାଉଛି ଓ ଆପଣମାନଙ୍କ ଶିଳ୍ପ ସଂସ୍ଥା ସବୁକୁ ବନ୍ଧୁମାନଙ୍କୁ ଦେଇଦିଆଯାଉଛି,’’ କହିଛନ୍ତି ରାହୁଳ ଗାନ୍ଧୀ ।
କଂଗ୍ରେସର ପୂର୍ବତନ ସଭାପତି ରାହୁଳ ଗାନ୍ଧୀ ଆହୁରି କହିଛନ୍ତି, ‘‘ଭାରତରେ ବିଭିନ୍ନ ଭାଷା ଅଛି । ଆପଣଙ୍କର ବି ନିଜର ଏକ ଭାଷା ଅଛି, ଯେପରିକି ତାମିଲ ନାଡୁରେ ତାମିଲ, ବେଙ୍ଗଲରେ ବଙ୍ଗଳା । ଏହି ଅଲଗା ଅଲଗା ଭାଷା, ଧର୍ମ ଓ ଲୋକଙ୍କ ମଧ୍ୟରେ ଖୋଲା କଥାବାର୍ତ୍ତାକୁ ହିଁ ଆମେ ହିନ୍ଦୁସ୍ତାନ ବୋଲି କହୁ ।’’
