ଭାରତ ଯୋଡୋ ଯାତ୍ରାକୁ ସଫଳ କହିଲେ ରାହୁଲ; ଅଧ୍ୟକ୍ଷ ପଦ ପାଇଁ ରଖିଲେ ପ୍ରତିକ୍ରିୟା

News18 Odia Digital

Rahul Gandhi Press Conference: କଂଗ୍ରେସର ଭାରତ ଯୋଡୋ ଯାତ୍ରା ୧୫ତମ ଦିନରେ ପହଞ୍ଚିଛି। ରାହୁଲ ଗାନ୍ଧିଙ୍କ ନେତୃତ୍ୱରେ କେରଳରୁ ଏହି ଯାତ୍ରା ଆରମ୍ଭ ହୋଇଥିଲା। ବର୍ତ୍ତମାନ ରାହୁଲ ଗାନ୍ଧି ଏହି ଗସ୍ତ ମଧ୍ୟରେ ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି।

ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧି କହିଛନ୍ତି ଯେ ଆମର ଏହି ଯାତ୍ରା କେରଳରେ ସଫଳ ହୋଇଛି। ଯାତ୍ରାର ସଫଳତା ପଛରେ କିଛି ଧାରଣା ଲୁଚି ରହିଛି। ପ୍ରଥମ ଧାରଣା ହେଉଛି ଭାରତ ଘୃଣାକୁ ପସନ୍ଦ କରେ ନାହିଁ। ଦେଶରେ ମୁଦ୍ରାସ୍ଫୀତି ସର୍ବୋଚ୍ଚ ସ୍ତରରେ ରହିଛି, କିନ୍ତୁ ବିଜେପି ଓ ଆରଏସଏସ କ୍ରମାଗତ ଭାବରେ ଘୃଣା ବିସ୍ତାର ପାଇଁ କାର୍ଯ୍ୟ କରୁଛନ୍ତି।

ଉତ୍ତରପ୍ରଦେଶରେ ଯାତ୍ରା ସମ୍ବନ୍ଧରେ ଦେଲେ ଏମିତି ଉତ୍ତର

ରାହୁଲ କହିଛନ୍ତି ଯେ କେରଳ ପରି ଭାରତ ଯୋଡୋ ଯାତ୍ରା ଅନ୍ୟ ରାଜ୍ୟରେ ମଧ୍ୟ ସଫଳ ହେବ। ଆମେ ବିହାର ଯାଉ ନାହୁଁ, ଗୁଜୁରାଟ ଯାଉନାହୁଁ, ବଙ୍ଗଳା ଯାଉନାହୁଁ। ଯାତ୍ରା ଏକ ପ୍ରାନ୍ତରୁ ଅନ୍ୟ ପ୍ରାନ୍ତ ପର୍ଯ୍ୟନ୍ତ। ଆମେ ଏକାଠି ସମଗ୍ର ଭାରତ ଭ୍ରମଣ କରିପାରିବୁ ନାହିଁ। ଉତ୍ତରପ୍ରଦେଶ ବିଷୟରେ ଚିନ୍ତା କର ନାହିଁ, ଆମେ ଜାଣୁ ସେଠାରେ କଣ କରିବା ଆବଶ୍ୟକ।

ଅଧ୍ୟକ୍ଷ ପଦ ଉପରେ ରଖିଲେ ଏମିତି ପ୍ରତିକ୍ରିୟା

କଂଗ୍ରେସ ଅଧ୍ୟକ୍ଷ ପଦ ବିଷୟରେ ପଚରାଯାଇଥିବା ପ୍ରଶ୍ନରେ ରାହୁଲ ଗାନ୍ଧି କହିଛନ୍ତି, ‘‘କଣ ଘଟିବ ଆପଣ ଶୀଘ୍ର ଜାଣିପାରିବେ। ମୁଁ ମୋର ଷ୍ଟାଣ୍ଡ ସ୍ପଷ୍ଟ କରିସାରିଛି। କଂଗ୍ରେସ କର୍ମୀଙ୍କ ସହ ମୋର ସିଧାସଳଖ ଯୋଗାଯୋଗ ଅଛି। ମିଡ଼ିଆ ମାଧ୍ୟମରେ ମୋତେ କିଛି କହିବାର ଆବଶ୍ୟକତା ନାହିଁ।’’

ଯେତେବେଳେ ରାହୁଲଙ୍କୁ ପଚରାଗଲା ସେ କଂଗ୍ରେସ ଅଧ୍ୟକ୍ଷ ପ୍ରାର୍ଥୀଙ୍କୁ କ’ଣ ପରାମର୍ଶ ଦେବେ? ଏହା ଉତ୍ତରରେ ସେ କହିଛନ୍ତି, ‘‘ସେମାନଙ୍କ ପାଇଁ ମୁଁ କହିବାକୁ ଚାହେଁ ଯେ ଆପଣ ଏକ ଐତିହାସିକ ସ୍ଥାନ ନେବାକୁ ଯାଉଛନ୍ତି। ଏହା କେବଳ ସଙ୍ଗଠନର ସ୍ଥାନ ନୁହେଁ। ଏହା ଏକ ଆଦର୍ଶ। ଯେଉଁମାନେ କଂଗ୍ରେସ ଅଧ୍ୟକ୍ଷ ହୁଅନ୍ତି ସେମାନେ ଭାରତର ଏକ ଧାରଣା ରହିବା ଉଚିତ୍। ରାହୁଲ ଗାନ୍ଧି କହିଛନ୍ତି ଯେ ଉଦୟପୁର ଚିନ୍ତନ ଶିବିରର ସଂକଳ୍ପ ଅନୁଯାୟୀ “ଜଣେ ବ୍ୟକ୍ତି ଗୋଟିଏ ପୋଷ୍ଟ” ପାଳନ କରାଯିବ ବୋଲି ସେ ଆଶାବାଦୀ ଅଛନ୍ତି।

ରାହୁଲ ଗାନ୍ଧି ଆହୁରି କହିଛନ୍ତି ଯେ, ଆରଏସଏସ-ବିଜେପି ଦ୍ୱାରା ସୃଷ୍ଟି ହୋଇଥିବା ଘୃଣାର ପରିବେଶ, କିଛି ଲୋକଙ୍କ ହାତରେ ଥିବା ସମସ୍ତ ସମ୍ପତ୍ତି ଓ ବେରୋଜଗାର ବିରୋଧରେ ଆମେ ଭାରତ ଯୋଡୋ ଯାତ୍ରା କରୁଛୁ। ଏହି କାରଣରୁ ଦେଶର ଯୁବକମାନେ ଅତ୍ୟନ୍ତ ଅସନ୍ତୋଷ ପ୍ରକାଶ କରିଛନ୍ତି।