ରାହୁଲ ଗାନ୍ଧି ଗ୍ଲାମରସ..କିନ୍ତୁ ସଦ୍ଦାମ ହୁସେନଙ୍କ ପରି ଦେଖାଯାଉଛନ୍ତି: ଆସାମ ମୁଖ୍ୟମନ୍ତ୍ରୀ

ରାହୁଲ ଗାନ୍ଧି ଆପଣ ନିଜ ଦାଢିର ଯତ୍ନ ନିଅନ୍ତୁ, ଗାନ୍ଧି ଓ ପଟେଲଙ୍କ ବଦଳରେ ଆପଣ ସୁଦ୍ଦାମ ହୁସେନଙ୍କ ପରି ଦେଖା ଯାଉଛନ୍ତି: ଆସାମ ମୁଖ୍ୟମନ୍ତ୍ରୀ

ରାହୁଲ ଗାନ୍ଧି

ରାହୁଲ ଗାନ୍ଧି

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: ଆସାମ ମୁଖ୍ୟମନ୍ତ୍ରୀ ତଥା ବିଜେପିର ଷ୍ଟାର ପ୍ରଚାରକ ହିମନ୍ତ ବିଶ୍ୱ ଶର୍ମା କଂଗ୍ରେସ ନେତା ତଥା ତାଙ୍କ ପୂର୍ବତନ ଦଳର ସଭାପତି ରାହୁଲ ଗାନ୍ଧିଙ୍କ ଉପରେ ଦେଇଥିବା ମନ୍ତବ୍ୟକୁ ଦୋହରାଇଛନ୍ତି ଓ ରାହୁଲ ଗାନ୍ଧି ଦୟାକରି ଆପଣ ଦାଢିର ଯତ୍ନ ନିଅନ୍ତୁ, ସୁଦ୍ଦାମ ହୁସେନଙ୍କ ପରି ଦେଖା ଯାଉଛନ୍ତି ବୋଲି ମନ୍ତବ୍ୟ ଦେଇଛନ୍ତି।

ଶର୍ମା ଅସ୍ୱୀକାର କରିଛନ୍ତି ଯେ ବହିଷ୍କୃତ ଇରାକ ଏକଛତ୍ରବାଦୀ ଶାସକଙ୍କ ସହ ତୁଳନା ଏକ ସଂରକ୍ଷଣବାଦୀ ହିନ୍ଦୁତ୍ୱ ଏଜେଣ୍ଡା ସହିତ ଜଡିତ ଏକ ସାମ୍ପ୍ରଦାୟିକ ସ୍ପିନ। ସେ କହିଛନ୍ତି, "ମୁଁ କେବଳ କହିଥିଲି ଯେ ସେ ସଦ୍ଦାମ ହୁସେନ୍ ପରି ଦେଖାଯାଉଛନ୍ତି। ମୁଁ ଆଉ କିଛି କହି ନାହିଁ।"

ପୂର୍ବରୁ ରାହୁଲ ଗାନ୍ଧିଙ୍କୁ ଟାର୍ଗେଟ କରି ହିମନ୍ତ ଶର୍ମା କହିଥିଲେ, 'ରାହୁଲ ଗାନ୍ଧିଙ୍କ ପ୍ରତିଛବି ମହାତ୍ମା ଗାନ୍ଧି କିମ୍ବା ସର୍ଦ୍ଦାର ପଟେଲଙ୍କ ଭଳି ହେବା ଉଚିତ, ଇରାକର ପୂର୍ବତନ ରାଷ୍ଟ୍ରପତି ସଦ୍ଦାମ ହୁସେନ୍‌ଙ୍କ ଭଳି ନୁହେଁ। ବର୍ତ୍ତମାନ ମୁଁ ଦେଖିଲି ତାଙ୍କର (ରାହୁଲ ଗାନ୍ଧି) ଚେହେରା ମଧ୍ୟ ବଦଳି ଯାଇଛି। ଆଜିକାଲି ସେ ଇରାକର ଏକଛତ୍ରବାଦୀ ଶାସକ ସଦ୍ଦାମ ହୁସେନଙ୍କ ପରି ଦେଖାଯିବା ଆରମ୍ଭ କରିଛନ୍ତି।  ଚେହେରା ବଦଳାଇବା ଏକ ଖରାପ ଜିନିଷ ନୁହେଁ। ଯଦି ଆପଣଙ୍କୁ ଚେହେରା ବଦଳାଇବାକୁ ପଡୁଛି, ତେବେ ବଲ୍ଲଭଭାଇ ପଟେଲ, ଜବାହରଲାଲ ନେହେରୁ କିମ୍ବା ଗାନ୍ଧିଜି ଭଳି କରନ୍ତୁ, କିନ୍ତୁ ଆପଣଙ୍କ ଚେହେରା ସଦ୍ଦାମ ହୁସେନ୍ ପରି କାହିଁକି ହୋଇଯାଉଛି?

ହିମନ୍ତଙ୍କ ଏହି ବିବୃତ୍ତି ଉପରେ କଂଗ୍ରେସ ନେତାମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ। ଦିଗବିଜୟ ସିଂ କହିଥିଲେ ଯେ ଏହି ସମାନ ବ୍ୟକ୍ତି ଯିଏ କଂଗ୍ରେସ ନେତାଙ୍କ ପାଦ ଧରିଥିଲେ ...ସେ ଲଜ୍ଜିତ ହେବା ଉଚିତ, ଆଜି ଯାହା ବି ହୋଇଛନ୍ତି ତାହା କଂଗ୍ରେସ ଯୋଗୁଁ। ଏଥି ସହ କଂଗ୍ରେସ ନେତା ସନ୍ଦୀପ ଦୀକ୍ଷିତ କହିଛନ୍ତି ଯେ ତାଙ୍କ ବିବୃତ୍ତି ଶୁଣିବା ପରେ ବିଜେପି ଉପରେ ହସ ଲାଗୁଛି। କଦାପି ଭାବି ନଥିଲି ଯେ ଏହି ଲୋକମାନେ ଏତେ ତଳକୁ ଖସିଯିବେ, କିନ୍ତୁ ଭାରତ ଯୋଡ ଯାତ୍ରା ଦ୍ୱାରା ସେମାନଙ୍କର ହୋସ ଉଡ଼ିଯାଇଛି। ସେମାନଙ୍କ ନେତା ନିକଟରେ ଦାଢ଼ି ବଢାଇଥିଲେ। କିନ୍ତୁ ଆମେ କିଛି କହି ନାହୁଁ। ଆମେ ଏହି ବିଷୟ ବିଷୟରେ ଆଲୋଚନା କରିବା।
Published by:Soumya Das
First published: