ରାଜ୍ୟସଭାରେ ଗୁଲାମ ନବୀ ଆଜାଦଙ୍କ ବିଷୟରେ କହି ଭାବୁକ ହେଲେ ପିଏମ ମୋଦୀ; ସଂସଦରେ କଲେ ସଲ୍ୟୁଟ

ରାଜ୍ୟସଭା ସାଂସଦ ଗୁଲାମ ନବୀ ଆଜାଦଙ୍କ ବିଦାୟୀ କ୍ଷଣରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଭାବପ୍ରବଣ ହୋଇ ପଡିଥିଲେ । ରାଜ୍ୟସଭାର ଜଣେ ସାଂସଦ ଭାବରେ ଗୁଲାମ ନବୀ ଆଜାଦଙ୍କର ଆଜି ଶେଷ ଦିନ ଥିଲା ।

ରାଜ୍ୟସଭାରେ ଗୁଲାମ ନବୀ ଆଜାଦଙ୍କ ବିଷୟରେ କହି ଭାବୁକ ହେଲେ ପିଏମ ମୋଦୀ; ସଂସଦରେ କଲେ ସଲ୍ୟୁଟ
ରାଜ୍ୟସଭାରେ ଗୁଲାମ ନବୀ ଆଜାଦଙ୍କ ବିଷୟରେ କହି ଭାବୁକ ହେଲେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ
  • News18 Odia
  • Last Updated: February 9, 2021, 12:03 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ (Narendra Modi) ମଙ୍ଗଳବାର ଦିନ ରାଜ୍ୟସଭା ସାଂସଦ ଗୁଲାମ ନବୀ ଆଜାଦଙ୍କ (Ghulam Nabi Azad) ବିଦାୟ ସମୟରେ ଭାବପ୍ରବଣ ହୋଇ ପଡିଥିଲେ । ରାଜ୍ୟସଭାର ଜଣେ ସାଂସଦ ଭାବରେ ଗୁଲାମ ନବୀ ଆଜାଦଙ୍କର ଆଜି ଶେଷ ଦିନ ଥିଲା । ଏହି ସମୟ ମଧ୍ୟରେ ପ୍ରଧାନ ମନ୍ତ୍ରୀ କହିଥିଲେ ଯେ 'ଗୁଲାମ ନବୀ ଯେତେବେଳେ ମୁଖ୍ୟ ମନ୍ତ୍ରୀ ଥିଲେ ସେତେବେଳେ ମୁଁ ମଧ୍ୟ ଗୋଟିଏ ରାଜ୍ୟର ମୁଖ୍ୟ ମନ୍ତ୍ରୀ ଥିଲି । ଆମେ ବହୁତ ନିକଟତର ଥିଲୁ । ଥରେ ଗୁଜୁରାଟର କିଛି ଯାତ୍ରୀ ଆତଙ୍କବାଦୀଙ୍କ ଆକ୍ରମଣ ଶିକାର ହୋଇଥିଲେ ଓ ଏଥିରେ ୮ ଜଣଙ୍କର ନାଗରିକଙ୍କର ମୃତ୍ୟୁ ଘଟିଥିଲା । ମୁଁ ପ୍ରଥମେ ଗୁଲାମ ନବୀଙ୍କଠାରୁ ଏକ ଫୋନ କଲ ପାଇଥିଲି । ତାଙ୍କର ଲୁହ ବନ୍ଦ ହେଉ ନଥିଲା । ଏହି ଘଟଣା ବିଷୟରେ ଉଲ୍ଲେଖ କରି ପ୍ରଧାନ ମନ୍ତ୍ରୀ ଭାବପ୍ରବଣ ହୋଇ ପଡ଼ିଥିଲେ ।

ସେହି ଆତଙ୍କବାଦୀ ଆକ୍ରମଣ ସମ୍ପର୍କରେ ପ୍ରଧାନ ମନ୍ତ୍ରୀ କହିଛନ୍ତି, 'କିନ୍ତୁ ଗୁଲାମ ନବୀ ସେହି ରାତିରେ ବିମାନବନ୍ଦରରେ ଥିଲେ, ସେ ମୋତେ ଫୋନ କରିଥିଲେ ଓ ଯେପରି ଜଣେ ନିଜ ପରିବାର ସଦସ୍ୟଙ୍କ ଭଳି ଚିନ୍ତା କରେ। ପ୍ରଣବ ମୁଖାର୍ଜୀ ସେତେବେଳେ ପ୍ରତିରକ୍ଷା ମନ୍ତ୍ରୀ ଥିଲେ । ମୁଁ ତାଙ୍କୁ କହିଲି ଯେ 'ଯଦି ଏକ ସେନା ବିମାନ ମୃତଦେହ ଆଣିବା ପାଇଁ ମିଳୁଛି, ସେ କହିଥିଲେ ଯେ ବ୍ୟସ୍ତ ହୁଅନ୍ତୁ ନାହିଁ, ମୁଁ ବବ୍ୟବସ୍ଥା କରୁଛି ।"

ପ୍ରଧାନ ମନ୍ତ୍ରୀ କହିଛନ୍ତି, 'ଗୁଲାମ ନବୀ ଆଜାଦ, ଶ୍ୟାମଶର ସିଂ, ମୀର ମହମ୍ମଦ ଫାୟାଜ, ନାଦିର ଅହମ୍ମଦ ଆପଣ ଚାରିଜଣ ମହାନବ୍ୟକ୍ତିଙ୍କୁ ସଂସଦକୁ ଶୋଭା ବଢାଇବା ପାଇଁ ଓ ଆପଣଙ୍କର ଜ୍ଞାନ ସଂସଦ ଗୃହ ତଥା ଦେଶକୁ ଲାଭ ପ୍ରଦାନ କରିଥିବାରୁ ଓ ନିଜ ଅଞ୍ଚଳର ସମସ୍ୟାର ସମାଧାନ ପାଇଁ ଆପଣଙ୍କ ଯୋଗଦାନ ପାଇଁ ମୁଁ ଆପଣଙ୍କ ଅବଦାନକୁ ଧନ୍ୟବାଦ ଦେଉଛି ।"

ଉଭୟ ଦେଶ ଓ ଦଳ ଚିନ୍ତା କରୁଥିଲେ- ପ୍ରଧାନ ମନ୍ତ୍ରୀ
ପ୍ରଧାନ ମନ୍ତ୍ରୀ କହିଛନ୍ତି, 'ମୁଁ ଚିନ୍ତିତ ଯେ ଗୁଲାମ ନବୀଙ୍କ ପରେ ଯିଏ ଏହି ପଦ ଗ୍ରହଣ କରିବେ,ତାଙ୍କୁ ଗୁଲାମ ନବୀଙ୍କ ସହ ମେଳ ଖାଇବାକୁ ବହୁତ ଅସୁବିଧା ହେବ । କାରଣ ଗୁଲାମ ନବୀ ଜୀ ନିଜ ପାର୍ଟି ବିଷୟରେ ଚିନ୍ତା କରୁଥିଲେ, କିନ୍ତୁ ଦେଶ ଓ ସଂସଦ ଗୃହ ପାଇଁ ମଧ୍ୟ ସମାନ ଭାବରେ ଚିନ୍ତିତ ଥିଲେ ।'

ରାଜ୍ୟସଭାରେ ପ୍ରଧାନ ମନ୍ତ୍ରୀ କହିଛନ୍ତି, 'ମୋର ଅନୁଭୂତି ଓ ପରିସ୍ଥିତିକୁ ଆଧାର କରି ମୁଁ ଗୁଲାମ ନବୀ ଆଜାଦଙ୍କୁ ସମ୍ମାନ କରେ । ମୁଁ ନିଶ୍ଚିତ ଯେ ଦେଶ ପାଇଁ କାର୍ଯ୍ୟ କରିବା ପାଇଁ ତାଙ୍କର ଅଭିଯାନ ସର୍ବଦା ଚାଲିବ ।'
Published by: Jagdish Barik
First published: February 9, 2021, 12:03 PM IST