କ୍ଷମା ନମାଗିଲେ ନିଲମ୍ବନ ପ୍ରତ୍ୟାହାର କରାଯିବ ନାହିଁ: ଭେଙ୍କୟା ନାଇଡୁ

ଯଦି ନିଲମ୍ବିତ ସଦସ୍ୟମାନେ କ୍ଷମା ମାଗନ୍ତି ନାହିଁ, ତେବେ ନିଲମ୍ବନ ପ୍ରତ୍ୟାହାର କରାଯିବ ନାହିଁ ବୋଲି ରାଜ୍ୟସଭା ଅଧ୍ୟକ୍ଷ ଭେଙ୍କୟା ନାଇଡୁ ଏହା ଉପରେ ସ୍ପଷ୍ଟ ଭାବରେ କହିଛନ୍ତି।

ରାଜ୍ୟସଭା (ପ୍ରତୀକାତ୍ମକ ଛବି)

ରାଜ୍ୟସଭା (ପ୍ରତୀକାତ୍ମକ ଛବି)

  • Share this:
News18 Odia Digital

ଆସନ୍ତା ସପ୍ତାହ ଆରମ୍ଭରେ ରାଜ୍ୟସଭାରେ ମୁଦ୍ରାସ୍ଫୀତି ପ୍ରସଙ୍ଗ ଉପରେ ଆଲୋଚନା କରାଯାଇପାରେ। ଯଦି ନିଲମ୍ବିତ ସଦସ୍ୟମାନେ କ୍ଷମା ମାଗନ୍ତି ନାହିଁ, ତେବେ ନିଲମ୍ବନ ପ୍ରତ୍ୟାହାର କରାଯିବ ନାହିଁ ବୋଲି ରାଜ୍ୟସଭା ଅଧ୍ୟକ୍ଷ ଭେଙ୍କୟା ନାଇଡୁ ଏହା ଉପରେ ସ୍ପଷ୍ଟ ଭାବରେ କହିଛନ୍ତି। ବିରୋଧୀ ଦଳର ନେତାମାନେ ସଦସ୍ୟଙ୍କ ନିଲମ୍ବନ ପ୍ରତ୍ୟାହାର କରିବାକୁ ଦାବି କରିଥିଲେ। ଉତ୍ତେଜନା ଓ ସ୍ଲୋଗାନ ଯୋଗୁଁ ବିରୋଧୀ ଦଳର ଦେଢ଼ ଡର୍ଜନରୁ ଅଧିକ ସାଂସଦଙ୍କୁ ନିଲମ୍ବିତ କରାଯାଇଛି।

ସୂଚନାନୁସାରେ, ବିରୋଧୀ ଦଳର ୧୦ ଜଣ ନେତା ଆଜି ରାଜ୍ୟସଭାରୁ ୧୯ ଜଣ ସାଂସଦଙ୍କ ନିଲମ୍ବନ ଓ ମୂଲ୍ୟ ବୃଦ୍ଧି ପ୍ରସଙ୍ଗରେ ରାଜ୍ୟସଭା ଅଧ୍ୟକ୍ଷ ଭେଙ୍କୟା ନାଇଡୁଙ୍କୁ ଭେଟିଥିଲେ। ଏହି ନେତାମାନେ ପରାମର୍ଶ ଦେଇଛନ୍ତି ଯେ ନିଲମ୍ବିତ ସଦସ୍ୟଙ୍କ ସଂଖ୍ୟା ବହୁତ ଅଧିକ ଏଓ ଗୃହରେ ସଦସ୍ୟଙ୍କ ଭଲ ଉପସ୍ଥାନ ପାଇଁ ନିଲମ୍ବନ ପ୍ରତ୍ୟାହାର କରାଯାଇପାରେ।  ସେମାନେ ଏହା ମଧ୍ୟ କହିଛନ୍ତି ଯେ ମୂଲ୍ୟ ବୃଦ୍ଧି ପ୍ରସଙ୍ଗରେ ଆଲୋଚନା ପାଇଁ ଏକ ନିର୍ଦ୍ଦିଷ୍ଟ ତାରିଖ ସ୍ଥିର କରାଯାଇପାରିବ।  କିଛି ନେତା ଦାବି କରୁଥିଲେ ଯେ କୌଣସି ସର୍ତ୍ତ ବିନା ସଦସ୍ୟଙ୍କ ନିଲମ୍ବନ ପ୍ରତ୍ୟାହାର କରାଯିବା ଉଚିତ୍।

ଏହି ସଭାରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରଧାନ ଜୋଶୀ, ଗୃହର ନେତା ପୀୟୁଷ ଗୋୟଲ ଓ ସଂସଦୀୟ ବ୍ୟାପାର ମନ୍ତ୍ରୀ ମୁରଲୀଧରନ୍ ମଧ୍ୟ ଅଂଶଗ୍ରହଣ କରିଥିଲେ। ମୂଲ୍ୟ ବୃଦ୍ଧି ପ୍ରସଙ୍ଗରେ ସରକାର ଆଲୋଚନା କରିବାକୁ ପ୍ରସ୍ତୁତ ବୋଲି ମନ୍ତ୍ରୀମାନେ କହିଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରମଣ କୋଭିଡ ସଂକ୍ରମଣରୁ ସୁସ୍ଥ ହେବା ମାତ୍ରେ ସରକାର ଏହି ପ୍ରସଙ୍ଗରେ ଆଲୋଚନା କରିବାକୁ ଇଚ୍ଛା ପ୍ରକାଶ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଉଭୟ ସଂସଦର ଗୃହରେ ଯେକୌଣସି ଦିନ ମୂଲ୍ୟ ବୃଦ୍ଧି ଉପରେ ଆଲୋଚନା ହୋଇପାରିବ ଇ ଲୋକସଭା ବାଚସ୍ପତିଙ୍କ ସହିତ ପରାମର୍ଶ ପରେ ଏହି ଆଲୋଚନା ପାଇଁ କାର୍ଯ୍ୟସୂଚୀ ଶେଷ ହେବ।

ଅଧ୍ୟକ୍ଷ ଭେଙ୍କୟା ନାଇଡୁଙ୍କୁ ଭେଟିଥିବା ନେତାମାନେ ହେଉଛନ୍ତି କଂଗ୍ରେସର ମଲ୍ଲିକାର୍ଜୁନ ଖଡ଼ଗେ, କେସି ଭେନୁଗୋପାଲ, ଏସପି ରାମ ଗୋପାଳ ଯାଦବ, ଟିଏମସିର ଡେରେକ ଓ’ବ୍ରାଇନ୍, ଡିଏମକେ ତିରୁଚି ସିୱା, ଶିବସେନାର ସଞ୍ଜୟ ରାଉତ, ସିପିଏମ୍‌ର ଏଲାରାମ କରିମ, ସିପିଆଇର ବିନୋଇ ବିଶ୍ୱମ।
Published by:Soumya Das
First published: