ନିର୍ଭୟା ଦୋଷୀ ମୁକେଶର କ୍ଷମା ଆବେଦନକୁ ଖାରଜ କଲେ ରାଷ୍ଟ୍ରପତି ରାମନାଥ କୋବିନ୍ଦ, ଏବେ ଫାଶୀ ପକ୍କା

ନିର୍ଭୟା ଗଣଦୁଷ୍କର୍ମ ଘଟଣାରେ ଦୋଷୀ ସାବ୍ୟସ୍ତ ହୋଇଥିବା ମୁକେଶର କ୍ଷମା ଆବେଦନକୁ ଗୃହ ମନ୍ତ୍ରଣାଳୟ ରାଷ୍ଟ୍ରପତିଙ୍କ ପାଖକୁ ପଠାଇବା ସହ ଏହାକୁ ଖାରଜ କରିବାକୁ ନିବେଦନ କରିଥିଲା ।

ଫାଶୀ ଦଣ୍ଡ ପାଇଥିବା ଚ଼ାରି ଜଣ ଦୋଷୀ

ଫାଶୀ ଦଣ୍ଡ ପାଇଥିବା ଚ଼ାରି ଜଣ ଦୋଷୀ

  • Share this:
News18 Odia Digital

ନୂଆ ଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ନିର୍ଭୟା ଗଣଦୁଷ୍କର୍ମରେ ଦୋଷୀ ସାବ୍ୟସ୍ତ ହୋଇଥିବା ମୁକେଶ ସିଂର କ୍ଷମା ଆବେଦନକୁ ଖାରଜ କରିଦେଇଛନ୍ତି । ଗୃହ ମନ୍ତ୍ରଣାଳୟ ପକ୍ଷରୁ ଏ ନେଇ ରାଷ୍ଟ୍ରପତିଙ୍କ  ପାଖକୁ ପଠାଯାଇଥିଲା  ଏବଂ ଏହାକୁ ଖାରଜ କରିବାକୁ ନିବେଦନ କରାଯାଇଥିଲା । ନିର୍ଭୟା ଗଣଦୁଷ୍କର୍ମ ଘଟଣାରେ ଦୋଷୀ ସାବ୍ୟସ୍ତ ହୋଇଥିବା ୪ଜଣ ଦୋଷୀଙ୍କ ମଧ୍ୟରୁ ମୁକେଶ ଅନ୍ୟତମ ହୋଇଥିବାବେଳେ ସେ ଅଳ୍ପଦିନ ପୂର୍ବରୁ କ୍ଷମା ଆବେଦନ କରିଥିଲା ।

ନିର୍ଭୟା ଗଣ ଦୁଷ୍କର୍ମ ଏବଂ ହତ୍ୟାକାଣ୍ଡ ମାମଲାରେ ଚାରି ଜଣ ଦୋଷୀଙ୍କ ମଧ୍ୟରୁ ଅନ୍ୟତମ ମୁକେଶର କ୍ଷମା ଆବେଦନକୁ ଗୃହ ମନ୍ତ୍ରଣାଳୟ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପାଖକୁ ପଠାଇଦେଇଥିଲେ । ଏହା ସହ ଗୃହ ମନ୍ତ୍ରଣାଳୟ ରାଷ୍ଟ୍ରପତିଙ୍କୁ ଏହି କ୍ଷମା ଆବେଦନକୁ ନାମଞ୍ଜୁର କରିବାକୁ ସୁପାରିଶ କରିଥିଲା । ସେହିପରି ନିର୍ଭୟା ଗଣ ଦୁଷ୍କର୍ମ ଏବଂ ହତ୍ୟାକାଣ୍ଡରେ ସମ୍ପୃକ୍ତ ୪ଦୋଷୀଙ୍କୁ ଗୁରୁବାର ତିହାର ଜେଲର ତିନି ନମ୍ବର କୋଠରୀକୁ ସ୍ଥାନାନ୍ତର କରାଯାଇଛି ଯେଉଁଠାରେ ସେମାନଙ୍କୁ ଫାଶୀ ଦିଆଯିବ ।

ମାମଲାରେ ଦିଲ୍ଲୀର ପଟିଆଲା ହାଉସକୋର୍ଟରୁ ଡେଥ ଓ୍ବାରେଣ୍ଟ ଜାରି ହେବା ପରେ ଦୋଷିମାନେ ସୁପ୍ରିମକୋର୍ଟରେ ଏନେଇ ସମୀକ୍ଷା ଆବେଦନ କରିଥିଲେ । ନିର୍ଭୟା ଦୋଷୀ ବିନୟ ଶର୍ମା ଏବଂ ମୁକେଶଙ୍କ କ୍ୟୁରେଟିଭ ଆବେଦନ ଉପରେ ଆବେଦନରେ ଫାଶୀ ଦଣ୍ଡାଦେଶକୁ ଆଜୀବନ କାରାଦଣ୍ଡାଦେଶରେ ରୁପାନ୍ତରିତ କରିବା ଲାଗି ପ୍ରାର୍ଥନା କରାଯାଇଥିଲା । ବିନୟ କହିଛନ୍ତି କି, ସୁପ୍ରିମକୋର୍ଟ ସହିତ ସମସ୍ତ ଅଦାଲତ ମିଡିଆ ଏବଂ ନେତାଙ୍କ ଦ୍ବାରା ପ୍ରଭାବିତ ହୋଇ ମୋତେ ଦୋଷୀ ବୋଲି ଆଖ୍ୟା ଦେଇଛନ୍ତି । ଗରିବ ହୋଇଥିବା କାରଣରୁ ମୋତେ ମୃତ୍ୟୁଦଣ୍ଡ ଦିଆଯାଇଛି । ଜେସିକା ଲାଲ ମର୍ଡ଼ର କେସରେ ଦୋଷୀ ମନୁ ଶର୍ମା ନୃଶଂସ ଭାବେ ତାଙ୍କୁ ହତ୍ୟା କରିଥିଲା କିନ୍ତୁ ତାଙ୍କୁ ଆଜୀବନ କାରା ଦଣ୍ଡାଦେଶ ହୋଇଥିଲା ବୋଲି ସେ କହିଛି ।

 

 

 
First published: