Moose wala murder case: ସିଦ୍ଧୁ ମୁସେୱାଲା ହତ୍ୟାକାଣ୍ଡର ଆଉ ଜଣେ ସୁଟରକୁ ଧରିଲା ପୋଲିସ

Moose wala murder case: ମୁସେୱାଲା ହତ୍ୟା ମାମଲାରେ ଯାଦବଙ୍କ ସହଯୋଗୀ ସନ୍ଦେହରେ ପୋଲିସ ମଧ୍ୟ ଗିରଫ କରିଛି। ଅଧିକାରୀ କହିଛନ୍ତି ଯେ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ଯାଦବଙ୍କୁ ୨୦୨୧ରେ ପୁଣେ ଜିଲ୍ଲାର ମଞ୍ଚର ପୋଲିସ ଷ୍ଟେସନରେ ପଞ୍ଜୀକୃତ ହତ୍ୟା ମାମଲାରେ ଗିରଫ କରାଯାଇଥିଲା।

ସିଦ୍ଧୁ ମୁସେୱାଲା ହତ୍ୟାକାଣ୍ଡର ଆଉ ଜଣେ ସୁଟରକୁ ଧରିଲା ପୋଲିସ

ସିଦ୍ଧୁ ମୁସେୱାଲା ହତ୍ୟାକାଣ୍ଡର ଆଉ ଜଣେ ସୁଟରକୁ ଧରିଲା ପୋଲିସ

  • Share this:
News18 Odia Digital

Moose wala murder case: ପଞ୍ଜାବୀ ଗାୟକ ସିଦ୍ଧୁ ମୁସେୱାଲା ହତ୍ୟା ମାମଲାରେ ପୋଲିସ ଗିରଫଦାରୀ ଜାରି ରଖିଛି। ଏଭଳି ପରିସ୍ଥିତିରେ ପୁଣେ ଗ୍ରାମୀଣ କ୍ରାଇମ ବ୍ରାଞ୍ଚ ଗୁଜୁରାଟରୁ ହତ୍ୟାକାଣ୍ଡରେ ସମ୍ପୃକ୍ତ ଆଉ ଜଣେ ସୁଟର ସନ୍ତୋଷ ଯାଦବଙ୍କୁ ଗିରଫ କରିବା ପରେ ପୋଲିସ ଏକ ବଡ଼ ସଫଳତା ପାଇଛି।

ସନ୍ତୋଷଙ୍କୁ ଗତକାଲି ବିଳମ୍ବିତ ରାତିରେ ସ୍ୱତନ୍ତ୍ର ମାଜିଷ୍ଟ୍ରେଟ କୋର୍ଟରେ ହାଜର କରାଯାଇଥିଲା ଓ ଆସନ୍ତା ୨୦ ପର୍ଯ୍ୟନ୍ତ ପୋଲିସ ହେପାଜତକୁ ପଠା ଯାଇଛି।

ଜଣେ ଅଧିକାରୀଙ୍କ କହିବାନୁସାରେ, ମୁସେୱାଲା ହତ୍ୟା ମାମଲାରେ ଯାଦବଙ୍କ ସହଯୋଗୀ ସନ୍ଦେହରେ ପୋଲିସ ମଧ୍ୟ ଗିରଫ କରିଛି। ଅଧିକାରୀ କହିଛନ୍ତି ଯେ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ଯାଦବଙ୍କୁ ୨୦୨୧ରେ ପୁଣେ ଜିଲ୍ଲାର ମଞ୍ଚର ପୋଲିସ ଷ୍ଟେସନରେ ପଞ୍ଜୀକୃତ ହତ୍ୟା ମାମଲାରେ ଗିରଫ କରାଯାଇଥିଲା।

ସେ ଗତ ଏକ ବର୍ଷ ହେଲା ଫେରାର ଥିଲେ। ଅଧିକାରୀ କହିଛନ୍ତି ଯେ ମୁସେୱାଲା ହତ୍ୟା ମାମଲାରେ ତାଙ୍କ ନାମ ସହ ଅନ୍ୟ ଜଣେ ନାଗନାଥ ସୂର୍ଯ୍ୟବଂଶୀଙ୍କ ନାମ ସାମ୍ନାକୁ ଆସିଥିଲା।

ଏହାର ଅନୁସନ୍ଧାନକୁ ଜୋରଦାର କରି ପୁଣେ ଗ୍ରାମୀଣ ପୋଲିସ 2021 ହତ୍ୟା ମାମଲା ପରେ ଯାଦବଙ୍କୁ ଆଶ୍ରୟ ଦେଇଥିବା ଅଭିଯୋଗରେ ସିଦ୍ଧେଶ କାମ୍ବଲେ ଛଦ୍ମନାମ ମହାକଲଙ୍କୁ ଗିରଫ କରିଛି।

ଗତ ସପ୍ତାହରେ ମଞ୍ଚର ପୋଲିସ ଷ୍ଟେସନରେ ପଞ୍ଜୀକୃତ ହୋଇଥିବା ମକୋକା ମାମଲାରେ ପୁଣେ ଗ୍ରାମୀଣ ପୋଲିସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ମହାକଲଙ୍କୁ ଗିରଫ କରିଥିଲା। ମୁସେୱାଲା ହତ୍ୟା ମାମଲାରେ ତାଙ୍କୁ ଦିଲ୍ଲୀ ସ୍ପେଶାଲ୍ ସେଲ୍ ଓ ପଞ୍ଜାବ ପୋଲିସ ମଧ୍ୟ ପଚରାଉଚରା କରିଥିଲା।

ପ୍ରକାଶ ଥାଉକି ସ୍କ୍ରିନ୍ ରାଇଟର୍ ସଲିମ୍ ଖାନ ଓ ତାଙ୍କ ପୁଅ ତଥା ଅଭିନେତା ସଲମାନ ଖାନଙ୍କୁ ଏକ ଧମକପୂର୍ଣ୍ଣ ଚିଠି ସମ୍ପର୍କରେ ମୁମ୍ବାଇ ପୋଲିସ ମଧ୍ୟ ମହକଲଙ୍କୁ ପଚରାଉଚରା କରିଛି। ଅଧିକାରୀ କହିଛନ୍ତି ଯେ ପୁଣେ ଗ୍ରାମୀଣ ଗତ ସପ୍ତାହରେ ଗୁଜୁରାଟ ଓ ରାଜସ୍ଥାନକୁ ଯାଦବଙ୍କୁ ଖୋଜିବା ପାଇଁ ଅନେକ ଦଳ ପଠାଇଥିଲେ।
Published by:Lipina Das
First published: