ଠକ ସୁକେଶ ଚନ୍ଦ୍ରଶେଖରଙ୍କ ସହଯୋଗୀ ପିଙ୍କି ଇରାନୀଙ୍କୁ ଗିରଫ କଲା ପୋଲିସ

ତାଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ପାଇବା ପରେ ପିଙ୍କି ଇରାନୀଙ୍କୁ ଏହି ମାମଲାରେ ଗିରଫ କରାଯାଇଥିବା ପୋଲିସ କହିଛି। ତାଙ୍କୁ ସମ୍ପୃକ୍ତ କୋର୍ଟରେ ହାଜର କରାଯାଇଥିଲା ଯେଉଁଠାରେ ତାଙ୍କର ତିନି ଦିନିଆ ପୋଲିସ ରିମାଣ୍ଡରେ ଅନୁମୋଦନ କରାଯାଇଥିଲା।

ଠକ ସୁକେଶ ଚନ୍ଦ୍ରଶେଖରଙ୍କ ସହଯୋଗୀ ପିଙ୍କି ଇରାନୀଙ୍କୁ ଗିରଫ କଲା ପୋଲିସ

ଠକ ସୁକେଶ ଚନ୍ଦ୍ରଶେଖରଙ୍କ ସହଯୋଗୀ ପିଙ୍କି ଇରାନୀଙ୍କୁ ଗିରଫ କଲା ପୋଲିସ

  • News18 Odia
  • Last Updated :
  • Cuttack, India
  • Share this:
News18 Odia Digital

ନୂଆଦିଲ୍ଲୀ: ୨୦୦ କୋଟି ଟଙ୍କା ଅର୍ଥ ହେରଫେର ମାମଲାରେ ଅଭିଯୁକ୍ତ ଠକ ସୁକେଶ ଚନ୍ଦ୍ରଶେଖରଙ୍କ ମାମଲାରେ ସାମ୍ନାକୁ ଆସିଲା ଆଉ ଏକ ଖବର। ବର୍ତ୍ତମାନ ସହଯୋଗୀ ପିଙ୍କି ଇରାନୀଙ୍କୁ ଗିରଫ କରିଛି ପୋଲିସ।

ପିଙ୍କି ଇରାନୀ ହେଉଛନ୍ତି ସେହି ମହିଳା ଯିଏ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ସହ ସୁକେଶଙ୍କୁ ପରିଚିତ କରାଇଥିଲେ।

ମୁମ୍ବାଇର ମହିଳା ପିଙ୍କି ଇରାନୀଙ୍କୁ ବୁଧବାର ଦିଲ୍ଲୀ ପୋଲିସର ଇକୋନୋମିକ ଅଫେନ୍ସ ୱିଙ୍ଗ (EOW) ଗିରଫ କରିଛି।

ତାଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ପାଇବା ପରେ ପିଙ୍କି ଇରାନୀଙ୍କୁ ଏହି ମାମଲାରେ ଗିରଫ କରାଯାଇଥିବା ପୋଲିସ କହିଛି। ତାଙ୍କୁ ସମ୍ପୃକ୍ତ କୋର୍ଟରେ ହାଜର କରାଯାଇଥିଲା ଯେଉଁଠାରେ ତାଙ୍କର ତିନି ଦିନିଆ ପୋଲିସ ରିମାଣ୍ଡରେ ଅନୁମୋଦନ କରାଯାଇଥିଲା। ଅଧିକାରୀମାନେ ଏହା ମଧ୍ୟ କହିଛନ୍ତି ଯେ ଘଟଣାର ଅଧିକ ତଦନ୍ତ ଚାଲିଛି।

ଇତିମଧ୍ୟରେ ଅଭିଯୁକ୍ତ ସୁକେଶ ଚନ୍ଦ୍ରଶେଖର ଦିଲ୍ଲୀ ଉପରାଜ୍ୟପାଳ ଭି.କେ ସକ୍ସେନାଙ୍କୁ ଏକ ନୂଆ ଚିଠି ଲେଖିଛନ୍ତି। ଯେଉଁଥିରେ ସେ କହିଛନ୍ତି ଯେ ଆମ୍ ଆଦମୀ ପାର୍ଟି (ଆପ) ନେତା ତଥା ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ଅଭିଯୋଗ ପ୍ରତ୍ୟାହାର କରିବାକୁ ତାଙ୍କୁ ଜେଲ କର୍ତ୍ତୃପକ୍ଷଙ୍କ ତରଫରୁ ଧମକ ଦିଆଯାଇଛି। ଚନ୍ଦ୍ରଶେଖର ଦାବି କରିଛନ୍ତି ଯେ ଉପରାଜ୍ୟପାଳଙ୍କ ଦ୍ୱାରା ତାଙ୍କ ପୂର୍ବ ଅଭିଯୋଗର ଯାଞ୍ଚ ପାଇଁ ଏକ କମିଟି ଗଠନ ପୂର୍ବରୁ ତାଙ୍କର ପ୍ରଥମ ବିବୃତ୍ତି ରେକର୍ଡ ହେବା ପରେ ନଭେମ୍ବର ୧୫ରେ ତାଙ୍କୁ ଜେଲ ପ୍ରଶାସନ ଧମକ ଦେଇଥିଲା। ସୁକେଶ ତାଙ୍କ ଓକିଲ ଅଶୋକ କେସିଙ୍ଗଙ୍କ ମାଧ୍ୟମରେ ଏହି ଚିଠି ଉପରାଜ୍ୟପାଳଙ୍କୁ ଦେଇଛନ୍ତି।

ସୁକେଶ କହିଛନ୍ତି, ‘‘ଜୈନଙ୍କ ଘନିଷ୍ଠ ବନ୍ଧୁମାନେ ଧମକ ଦେଉଛନ୍ତି’’

ଏହି ଚିଠିରେ ଦର୍ଶାଯାଇଛି ଯେ ତାଙ୍କ ପରିବାର ନଭେମ୍ବର ୧୬ ଏବଂ ୧୭ରେ ଜୈନଙ୍କ ଜଣେ ଘନିଷ୍ଠ ସହଯୋଗୀଙ୍କ ଠାରୁ ଧମକପୂର୍ଣ୍ଣ ଫୋନ୍ କଲ ଏବଂ ନଭେମ୍ବର ୨୧ ଏବଂ ୨୪ରେ ଜୈନ ଏବଂ ମନୀଷ ସିସୋଦିଆଙ୍କ “ଯାଞ୍ଚ” ନମ୍ବରରୁ “ଏକାଧିକ କଲ” ପାଇଥିଲେ। ଏହି ଚିଠିରେ ଅଭିଯୋଗ ହୋଇଛି ଯେ ଯେତେବେଳେ ତାଙ୍କ ପରିବାର ଉଭୟ ନେତାଙ୍କ ନମ୍ବରରୁ ଫୋନ୍ କଲର ଉତ୍ତର ଦେଇନଥିଲେ, ସେତେବେଳେ ତାଙ୍କ ଓକିଲମାନଙ୍କୁ କଲ କରାଯାଇଥିଲା।

ବର୍ତ୍ତମାନ ଏହି ମାମଲାକୁ ନେଇ ପ୍ରଶ୍ନ ଉଠୁଛି ଯେ ସତ୍ୟେନ୍ଦ୍ର ଜୈନ କିପରି ଜେଲ ଭିତରେ ମୋବାଇଲ ବ୍ୟବହାର କରୁଛନ୍ତି କିମ୍ବା ତାଙ୍କ ନିର୍ଦ୍ଦେଶରେ ତାଙ୍କ ନମ୍ବର ବ୍ୟବହାର କରାଯାଉଛି? ମନୀଷ ସିସୋଦିଆ କାହିଁକି ତାଙ୍କ ଅଫିସିଆଲ୍ ନମ୍ବର ମାଧ୍ୟମରେ ସୁକେଶଙ୍କ ପାଖରେ ପହଞ୍ଚିବାକୁ ଚେଷ୍ଟା କରୁଛନ୍ତି?
Published by:Lipina Das
First published: