ସୁକମାରେ ନକ୍ସଲ-ଯବାନ ଗୁଳି ବିନିମୟ: ୩ ଯବାନ ସହିଦ... ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି

News 18 Odia Digital

ଛତିଶଗଡ଼: ସୁକମା (sukma) ନିକଟରେ ନକ୍ସଲଙ୍କ ଗୁଳିରେ ୩ ଯବାନ ସହିଦ ହୋଇଛନ୍ତି । ଜଗରଗୁଣ୍ଡା ନିକଟ ଆଶ୍ରମ ପାରା ନିକଟରେ ସର୍ଚ୍ଚ ଅପସରେସନ (search operation) ସମୟରେ ନକ୍ସଲ (naxal) ଏବଂ ସୁରକ୍ଷାକର୍ମୀ ମୁହାଁମୁହିଁ ହୋଇଥିଲେ । ସଂଘର୍ଷରେ କିଛି ନକ୍ସଲ ଆହତ ହୋଇଥିବା ସୂଚନା ମିଳିଛି ।

ଗୁଳି ବିନିମୟରେ ସହିଦ ହୋଇଥିବା ଯବାନମାନେ ହେଲେ ASI ରାମୁରାମ ନାଗ, ପୋଲିସ ଅଧିକାରୀ କୁଞ୍ଜାମ ଜୋଗା, ଯବାନ ବଂଜମ ଭୀମା । ଗୁଳିବିନିମୟ ପରେ ମଧ୍ ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଛି । ଆଜି ସକାଳେ ସୁକମା ଜିଲ୍ଲା ଅନ୍ତର୍ଗତ ଜଗରଗୁଣ୍ଡା ଥାନାର ‘ଡିଆର୍‌ଜି’ ପାର୍ଟି ନକ୍ସଲ୍‌ ତଲାସ ଅଭିଯାନରେ ବାହାରି ଥିଲେ। ଅଭିଯାନ ଚାଲିଥିବା ବେଳେ ପୂର୍ବାହ୍ନ ପ୍ରାୟ ୯ଟା ବେଳେ ଜଗରଗୁଣ୍ଡା ଓ କୁନ୍ଦେଡ଼ ମଧ୍ୟବର୍ତ୍ତୀ ଅଞ୍ଚଳରେ ପୋଲିସ ଟିମ୍‌ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏନେଇ ବସ୍ତର୍‌ ରେଞ୍ଜ୍‌ ପୋଲିସ ଆଇଜି ସୂଚନା ଦେଇଛନ୍ତି ।

ଏହି ଖବର ପଢ଼ନ୍ତୁ - http://ରାଜ୍ଯରେ ପୁଣି ଏସିଡ଼ ମାଡ; ବିଧବା ମହିଳାଙ୍କ ଉପରକୁ ଏସିଡ ଫିଙ୍ଗିଲେ ଦୁର୍ବୃତ୍ତ

ଛତିଶଗଡ଼ର ରାଜଧାନୀ ରାୟପୁରଠାରୁ ଜଗରଗୁଣ୍ଡା ଥାନା ଅଞ୍ଚଳ ହେଉଛି ପ୍ରାୟ ୪୦୦ କିଲୋମିଟର । ଘଟଣାସ୍ଥଳକୁ ‘ରିଏନ୍‌ଫୋର୍ସମେଣ୍ଟ୍‌’ ଟିମ୍‌ ପଠାଯାଇଛି।