ଆଜି ମହାରାଷ୍ଟ୍ର ଓ ଗୋଆ ଗସ୍ତ କରିବେ ପ୍ରଧାନମନ୍ତ୍ରୀ ମୋଦି; ଏହି ପ୍ରକଳ୍ପର କରିବେ ଶୁଭାରମ୍ଭ

ଆଜି ମହାରାଷ୍ଟ୍ର ଓ ଗୋଆ ଗସ୍ତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ନାଗପୁରରେ ବନ୍ଦେ ଭାରତ ଏକ୍ସପ୍ରେସକୁ ଶୁଭାରମ୍ଭ କରିବେ।

ଆଜି ନାଗପୁର ଓ ଗୋଆ ଗସ୍ତ କରିବେ ପ୍ରଧାନମନ୍ତ୍ରୀ ମୋଦି

ଆଜି ନାଗପୁର ଓ ଗୋଆ ଗସ୍ତ କରିବେ ପ୍ରଧାନମନ୍ତ୍ରୀ ମୋଦି

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାରରେ ମହାରାଷ୍ଟ୍ର ଓ ଗୋଆ ଗସ୍ତ କରିବେ। ଏହି ସମୟରେ ପ୍ରଧାନମନ୍ତ୍ରୀ ମୋଦି ନାଗପୁରରେ ବନ୍ଦେ ଭାରତ ଏକ୍ସପ୍ରେସକୁ ଶୁଭାରମ୍ଭ କରିବେ। ଏହା ସହିତ ସେ ନାଗପୁର ମେଟ୍ରୋର ଦ୍ୱିତୀୟ ପର୍ଯ୍ୟାୟର ଭିତ୍ତି ପ୍ରସ୍ତର ମଧ୍ୟ ସ୍ଥାପନ କରିବେ। ଏହା ବ୍ୟତୀତ ପିଏମ ମୋଦି ମଧ୍ୟ ଗୋଆ ଯିବେ ଯେଉଁଠାରେ ସେ ମୋପା ଅନ୍ତର୍ଜାତୀୟ ବିମାନବନ୍ଦରର ଉଦଘାଟନ କରିବେ।  ଗୋଆ ଓ ମହାରାଷ୍ଟ୍ର ପାଇଁ ପିଏମ ମୋଦିଙ୍କ ଏହି ଗସ୍ତ ଅତ୍ୟନ୍ତ ସ୍ୱତନ୍ତ୍ର ହେବାକୁ ଯାଉଛି। ଯେଉଁଥିରେ ସେ ଗୋଆ ଓ ମହାରାଷ୍ଟ୍ରର ଉଭୟ ରାଜ୍ୟକୁ ୭୫୦୦୦୦ କୋଟି ମୂଲ୍ୟର ପ୍ରକଳ୍ପ ଉପହାର ଦେବାକୁ ଯାଉଛନ୍ତି।

ପ୍ରଧାନମନ୍ତ୍ରୀ ସକାଳ ପ୍ରାୟ ୯.୩୦ ସମୟରେ ନାଗପୁର ରେଳ ଷ୍ଟେସନରେ ପହଞ୍ଚିବେ। ଏଠାରେ ସେ ବନ୍ଦେ ଭାରତ ଏକ୍ସପ୍ରେସକୁ ପତାକା ଦେଖାଇବେ। ପ୍ରଧାନମନ୍ତ୍ରୀ ସକାଳ ପ୍ରାୟ ୧୦ ଟା ସମୟରେ ଫ୍ରିଡମ୍ ପାର୍କ ମେଟ୍ରୋ ଷ୍ଟେସନରୁ ଖାପରି ମେଟ୍ରୋ ଷ୍ଟେସନ ପର୍ଯ୍ୟନ୍ତ ଏକ ମେଟ୍ରୋ ଯାତ୍ରା କରିବେ, ଯେଉଁଠାରେ ସେ ନାଗପୁର ମେଟ୍ରୋର ପ୍ରଥମ ପର୍ଯ୍ୟାୟ ଦେଶକୁ ଉତ୍ସର୍ଗ କରିବେ। ଏହି କାର୍ଯ୍ୟକ୍ରମ ସମୟରେ ସେ ନାଗପୁର ମେଟ୍ରୋର ଦ୍ୱିତୀୟ ପର୍ଯ୍ୟାୟର ମୂଳଦୁଆ ପକାଇବେ।

ସକାଳ ପ୍ରାୟ ସାଢ଼େ ୧୦.୪୫ ବେଳେ ପ୍ରଧାନମନ୍ତ୍ରୀ ନାଗପୁର ଓ ସିରିଡିକୁ ସଂଯୋଗ କରୁଥିବା 'ସମୃଦ୍ଧି ମହାମାର୍ଗ'ର ପ୍ରଥମ ପର୍ଯ୍ୟାୟ ଉଦଘାଟନ କରିବେ ଓ ଜାତୀୟ ରାଜପଥ ପରିଦର୍ଶନ କରିବେ।  ପ୍ରଧାନମନ୍ତ୍ରୀ ସକାଳ ପ୍ରାୟ ୧୧:୧୫ ରେ AIMMS ନାଗପୁରକୁ ଦେଶ ପାଇଁ ଉତ୍ସର୍ଗ କରିବେ।

ପ୍ରଧାନମନ୍ତ୍ରୀ ସକାଳ ପ୍ରାୟ ସାଢ଼େ ୧୧.୩୦ଟା ବେଳେ ନାଗପୁରରେ ଏକ ସାଧାରଣ କାର୍ଯ୍ୟକ୍ରମରେ ୧୫୦୦ କୋଟିରୁ ଅଧିକ ମୂଲ୍ୟର ରେଳ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ। ସେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଫରେଷ୍ଟ ହେଲଥ୍ (NIO), ନାଗପୁର ଏବଂ ନାଗ ନଦୀ ପ୍ରଦୂଷଣ ଅବ୍ୟାଟେମେଣ୍ଟ ପ୍ରୋଜେକ୍ଟ, ନାଗପୁରର ଭିତ୍ତି ପ୍ରସ୍ତର ମଧ୍ୟ ସ୍ଥାପନ କରିବେ।

ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ 'ସେଣ୍ଟ୍ରାଲ୍ ଇନଷ୍ଟିଚ୍ୟୁଟ୍ ଅଫ୍ ପେଟ୍ରୋକେମିକାଲ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜି (ସିପିଟିଇ), ଚନ୍ଦ୍ରପୁର' ଦେଶକୁ ଉତ୍ସର୍ଗ କରିବେ ଏବଂ 'ହେମୋଗ୍ଲୋବିନୋପାଥି ଗବେଷଣା, ପରିଚାଳନା ଓ ନିୟନ୍ତ୍ରଣ କେନ୍ଦ୍ର, ଚନ୍ଦ୍ରପୁର'ର ଉଦଘାଟନ କରିବେ।
Published by:Soumya Das
First published: