ଉତ୍ତର-ପୂର୍ବ ଗସ୍ତ କରିବେ ପ୍ରଧନମନ୍ତ୍ରୀ ନରେନ୍ଦ୍ର ମୋଦି; ଅମିତ୍ ଶାହା ହେବେ ସାମିଲ

ଚୀନ୍ ସହ ତିକ୍ତତା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦୁଇଟି ଉତ୍ତର-ପୂର୍ବ ରାଜ୍ୟ ଗସ୍ତରେ ଆସିଛନ୍ତି। ଆଜି ପ୍ରଧାନମନ୍ତ୍ରୀ ମୋଦି ମେଘାଳୟ ଏବଂ ତ୍ରିପୁରାରେ ରହିବେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ: ଚୀନ୍ ସହ ତିକ୍ତତା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦୁଇଟି ଉତ୍ତର-ପୂର୍ବ ରାଜ୍ୟ ଗସ୍ତରେ ଆସିଛନ୍ତି। ଆଜି ପ୍ରଧାନମନ୍ତ୍ରୀ ମୋଦି ମେଘାଳୟ ଏବଂ ତ୍ରିପୁରାରେ ରହିବେ। ସେ ମିଳିତ ଭାବେ ଉଭୟ ରାଜ୍ୟରେ ୬୮୦୦ କୋଟି ଟଙ୍କା ମୂଲ୍ୟର ପ୍ରକଳ୍ପର ମୂଳଦୁଆ ପକାଇବେ। ଏହି ପ୍ରକଳ୍ପଗୁଡିକ କୃଷି, ସଡକ, ଗୃହ, ଟେଲି ଯୋଗାଯୋଗ, ଆଇଟି ଏବଂ ପର୍ଯ୍ୟଟନ ଇତ୍ୟାଦି ସହିତ ଜଡିତ ବୋଲି କୁହାଯାଉଛି।

ପ୍ରଧାନମନ୍ତ୍ରୀଙ୍କ କାର୍ଯ୍ୟସୂଚୀ ଅନୁଯାୟୀ ସେ ସକାଳ ୧୦.୩୦ ରେ ଶୀଲୋଙ୍ଗର ସମ୍ମିଳନୀ କେନ୍ଦ୍ରରେ ଉତ୍ତର ପୂର୍ବାଞ୍ଚଳ ପରିଷଦର ସୁବର୍ଣ୍ଣ ଜୟନ୍ତୀ ଉତ୍ସବରେ ପହଞ୍ଚିବେ। ଏହା ପରେ ପ୍ରଧାନମନ୍ତ୍ରୀ ମୋଦି ସକାଳ ପ୍ରାୟ ୧୧.୩୦ ଟା ବେଳେ ଏକ ସାର୍ବଜନୀନ କାର୍ଯ୍ୟକ୍ରମରେ ଶିଲୋଙ୍ଗରେ ପହଞ୍ଚିବେ ଏବଂ ଏହି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ। ମେଘାଳୟ ପରେ ପିଏମ ମୋଦି ତ୍ରିପୁରା ଯିବେ।

ପ୍ରଧାନମନ୍ତ୍ରୀ ମୋଦିଙ୍କ ବ୍ୟତୀତ ଗୃହମନ୍ତ୍ରୀ ଅମିତ ଶାହା ଏବଂ ସାତୋଟି ଉତ୍ତର-ପୂର୍ବ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଶିଲଙ୍ଗରେ ଆୟୋଜିତ ଉତ୍ତର ପୂର୍ବାଞ୍ଚଳ ପରିଷଦର ସୁବର୍ଣ୍ଣ ଜୟନ୍ତୀ ଉତ୍ସବରେ ଅଂଶଗ୍ରହଣ କରିବେ। ସୂଚନାନୁସାରେ, ଗୃହମନ୍ତ୍ରୀ ଶାହା ସୁବର୍ଣ୍ଣ ଜୟନ୍ତୀ ଉତ୍ସବରେ ଅଧ୍ୟକ୍ଷତା କରିବେ। ଏହି କାର୍ଯ୍ୟକ୍ରମରେ ଉତ୍ତର ପୂର୍ବାଞ୍ଚଳ ବ୍ୟାପାର ମନ୍ତ୍ରୀ ଜି କିଶନ ରେଡ୍ଡୀ ମଧ୍ୟ ପହଞ୍ଚିବେ।

ଡିସେମ୍ବର ୧୪ରେ ତ୍ରିପୁରା ମୁଖ୍ୟମନ୍ତ୍ରୀ ମାଣିକ ସାହା ଅଗରତାଲାରେ ଗଣମାଧ୍ୟମକୁ ସୂଚନା ଦେଇଛନ୍ତି ଯେ ଆଜି ପ୍ରଧାନମନ୍ତ୍ରୀ ମୋଦି ରାଜ୍ୟ ଗସ୍ତ କରିବେ। ଏଠାରେ ଅନେକ ପ୍ରକଳ୍ପର ଉଦଘାଟନ କରିବା ପରେ ସେ ବିଜେପିର ରାଜ୍ୟ କୋର କମିଟି ବୈଠକରେ ମଧ୍ୟ ଭାଗ ନେବେ। ତ୍ରିପୁରାର ସୂଚନା ଓ ସାଂସ୍କୃତିକ ବ୍ୟାପାର ମନ୍ତ୍ରୀ ସୁଶାନ୍ତ ଚୌଧୁରୀଙ୍କ ଅନୁଯାୟୀ, ସ୍ୱାମୀ ବିବେକାନନ୍ଦ ମଇଦାନରେ ପ୍ରଧାନମନ୍ତ୍ରୀ ମୋଦି ଏକ ସାଧାରଣ ସଭାରେ ସମ୍ବୋଧିତ କରିବେ।

ଅରୁଣାଚଳ ପ୍ରଦେଶରୁ ମେଘାଳୟ ପର୍ଯ୍ୟନ୍ତ ଦୂରତା ରାସ୍ତାରେ ପ୍ରାୟ ୨୦ ଘଣ୍ଟା। ଯେତେବେଳେ କି, ଅରୁଣାଚଳରୁ ତ୍ରିପୁରା ପର୍ଯ୍ୟନ୍ତ ଦୂରତା ପ୍ରାୟ ୩୦ ଘଣ୍ଟା। ଉତ୍ତର-ପୂର୍ବ ରାଜ୍ୟରେ ଅନ୍ତର୍ଭୁକ୍ତ ଅରୁଣାଚଳର ତାୱାଙ୍ଗ ସେକ୍ଟରରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ହୋଇଥିବା ସଂଘର୍ଷ ସମଗ୍ର ଦେଶର ପରିବେଶକୁ ଗରମ କରିଦେଇଛି। ଡିସେମ୍ବର ୯ ରେ ତାୱାଙ୍ଗ ସେକ୍ଟରରେ ସଂଘର୍ଷ ହୋଇଥିଲା। ଚୀନ୍ ସେନା ସହିତ ପ୍ରଧାନମନ୍ତ୍ରୀ ମୋଦିଙ୍କ ଉତ୍ତର-ପୂର୍ବ ରାଜ୍ୟ ଗସ୍ତ ମଧ୍ୟରେ କେବଳ ୯ ଦିନର ବ୍ୟବଧାନ ରହିଛି, ତେଣୁ ପ୍ରଧାନମନ୍ତ୍ରୀଙ୍କ ଏହି ଗସ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ।
Published by:Soumyashree Mishra
First published: