ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ଏହି ରିକ୍ସାଚ଼ାଳକଙ୍କ ଝିଅର ବାହାଘର ପାଇଁ ଆସିଲା ପ୍ରଧାନ ମନ୍ତ୍ରୀଙ୍କ ଠାରୁ ଶୁଭେଚ୍ଛା ପତ୍ର

ଏହି ରିକ୍ସାଚ଼ାଳକଙ୍କ ଝିଅର ବାହାଘର ପାଇଁ ଆସିଲା ପ୍ରଧାନ ମନ୍ତ୍ରୀଙ୍କ ଠାରୁ ଶୁଭେଚ୍ଛା ପତ୍ର

ନିଜ ଝିଅର ବାହାଘର ତାରିଖ ଠିକ୍ ହେବା ପରେ ରିକ୍ସାଚ଼ାଳକ ଜଣକ ପ୍ରଧାନ ମନ୍ତ୍ରୀଙ୍କ କାର୍ଯ୍ୟାଳୟକୁ ନିମନ୍ତ୍ରଣ ପଠାଇଥିଲେ । ଜବାବ ମିଳିବା ନେଇ ସେତେଟା ଆଶା ମଧ୍ୟ ରଖି ନ ଥିଲେ । ହେଲେ ମୋଦି ନିଜ ପକ୍ଷରୁ ଚ଼ିଠି ଲେଖି ବଧାଇ ଦେବା ଯୋଗୁଁ ବାହାଘରର ମଜା ଆହୁରି ଅଧିକ ହୋଇଯାଇଥିଲା ।

ଏହି ରିକ୍ସାଚ଼ାଳକଙ୍କ ଝିଅର ବାହାଘର ପାଇଁ ଆସିଲା ପ୍ରଧାନ ମନ୍ତ୍ରୀଙ୍କ ଠାରୁ ଶୁଭେଚ୍ଛା ପତ୍ର
ରିକ୍ସାଚ଼ାଳକ ମଙ୍ଗଳ କେୱଟଙ୍କ ମୋଦିଙ୍କ ଶୁଭେଚ୍ଛା ବାର୍ତ୍ତା ଦେଖାଉଛନ୍ତି ।
  • News18 Odia
  • Last Updated: February 16, 2020, 6:36 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବାରାଣସୀ: ଉତ୍ତର ପ୍ରଦେଶର ପ୍ରମୁଖ ଆଧ୍ୟାତ୍ମିକ ନଗରୀ ବାରାଣସୀ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକ ସଭା ନିର୍ବାଚ଼ନ ମଣ୍ଡଳୀ । ସେଠାରେ ଜଣେ ରିକ୍ସା ବାଲାଙ୍କ ଝିଅର ବାହାଘର ହେଉଥିବା ଜାଣି ସେ ବିବାହ ପାଇଁ ପତ୍ର ଲେଖି ଶୁଭେଚ୍ଛା ଜଣାଇଥିଲେ ମୋଦି ।

ରିକ୍ସାଚ଼ାଳକ ମଙ୍ଗଳ କେୱଟଙ୍କ ପାଖରେ ପ୍ରଧାନ ମନ୍ତ୍ରୀଙ୍କ ଶୁଭେଚ୍ଛା ବାର୍ତ୍ତା ପହଞ୍ଚିବା ପରେ ଗଙ୍ଗା ନଦୀ କୂଳରେ ଅବସ୍ଥିତ ତାଙ୍କ ଗାଁ ଡୋମରୀ ଖୁସିରେ ଝୁମି ଉଠିଥିଲା । ନିଜ ଝିଅର ବାହାଘର ତାରିଖ ଠିକ୍‌ ହେବା ପରେ ରିକ୍ସାଚ଼ାଳକ ଜଣକ ପ୍ରଧାନ ମନ୍ତ୍ରୀଙ୍କ କାର୍ଯ୍ୟାଳୟକୁ ନିମନ୍ତ୍ରଣ ପଠାଇଥିଲେ । ଜବାବ ମିଳିବା ନେଇ ସେତେଟା ଆଶା ମଧ୍ୟ ରଖି ନ ଥିଲେ । ହେଲେ ନିଜେ ପ୍ରଧାନ ମନ୍ତ୍ରୀ ମୋଦି ନିଜ ପକ୍ଷରୁ ଚ଼ିଠି ଲେଖି ବଧାଇ ଦେବା ଯୋଗୁଁ ବାହାଘରର ମଜା ଆହୁରି ଅଧିକ ହୋଇଯାଇଥିଲା ।

ରିକ୍ସା ଚଳାଇ ନିଜ ପରିବାର ପ୍ରତିପୋଷଣ କରୁଥିବା କେୱଟଙ୍କ ଝିଅର ବାହାଘର ଫେବୃଆରୀ ୧୩ରେ ଧୁମ୍‌ ଧାମ୍‌ ରେ ହେଲା । ଭୋଜିକୁ ଆସିଥିବା ପ୍ରାୟ ସବୁ ଅତିଥିଙ୍କୁ କେୱଟ ପ୍ରଧାନ ମନ୍ତ୍ରୀଙ୍କ ପାଖରୁ ଆସିଥିବା ଶୁଭେଚ୍ଛାଭରା ପତ୍ରଟି ଦେଖାଉଥିଲେ ।

କେୱଟଙ୍କ ପରିବାରରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କର ଲୋକପ୍ରିୟତା ଆଗରୁ ରହିଛି । ତାଙ୍କ ଘର କାନ୍ଥରେ ଲାଗିଛି ମୋଦିଙ୍କ ଫଟୋ । ଆଉ ଗୋଟେ ଫଟୋକୁ ଟିକେ ଭଲ କରି ନିରୀକ୍ଷଣ କରି ଦେଖିଲେ ଜଣାପଡ଼ିବ ଯେ ତାହା ଜଣେ ବ୍ୟକ୍ତିଙ୍କୁ ସମ୍ମାନୀତ କରାଯାଉଥିବାର ଫଟୋ । ସେ ବ୍ୟକ୍ତି ହେଉଛନ୍ତି ଏ ଘରର ମୁଖିଆ – ମଙ୍ଗଳ କେୱଟ ।

ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ନିଜ ସଂସଦୀୟ କ୍ଷେତ୍ର ବାରାଣସୀର ଡୋମରୀ ଗାଁକୁ ପୋଷ୍ୟ ଗାଁ ଭାବେ ଗ୍ରହଣ କରିଛନ୍ତି । ଆଉ ଗାଁରେ ମଙ୍ଗଳ କେୱଟ ନିଜ ପୂରା ପରିବାର ସହ ରହନ୍ତି । କଷ୍ଟରେ ଉପାର୍ଜନ କରି ନିଜ ପରିବାର ପୋଷଣ କରନ୍ତି ।

ମଙ୍ଗଳ କେୱଟ ଜଣେ ଗଙ୍ଗା ଭକ୍ତ । ନିଜ ରୋଜଗାରର ଏକ ବଡ଼ ଅଂଶ ସେ ଗଙ୍ଗା ନଦୀର ପୂଜାପାଠ ସହ ଦାନ ପାଇଁ ଖର୍ଚ୍ଚ କରିଥାନ୍ତି । କେବଳ ସେତିକି ନୁହେଁ, ମଙ୍ଗଳ ସ୍ବଚ୍ଛ ଭାରତ ଅଭିଯାନରେ ସକ୍ରିୟ ଭାବେ ଭାଗ ନେଇ ଆସୁଛନ୍ତି । ମୋଦି ବିଜେପିର ସଦସ୍ୟତା ଅଭିଯାନ ଅବସରରେ କେବଟଙ୍କୁ ଦଳର ସଦସ୍ୟ ଭାବେ ନାମାଙ୍କିତ କରିଥିଲେ ।
First published: February 16, 2020, 6:36 PM IST