ପ୍ରଧାନମନ୍ତ୍ରୀଙ୍କ ସୁରକ୍ଷାରେ ବଡ଼ ତ୍ରୁଟି! ଫୁଲ ସହ ମୋବାଇଲ ଫିଙ୍ଗିଲେ ମହିଳା

News18 Odia Digital

PM Modi Security Breach: କର୍ଣ୍ଣାଟକ(Karnataka Election)ର ମହୀଶୂରରେ ପୁଣିଥରେ ପିଏମ ମୋଦି(Pm modi)ଙ୍କ ସୁରକ୍ଷାକୁ ନେଇ ଏକ ବଡ଼ ଧରଣର ସାମ୍ନାକୁ ଆସିଛି।  ପ୍ରଧାନମନ୍ତ୍ରୀଙ୍କ ରୋଡ୍ ସୋ ଚାଲିଥିବା ବେଳେ ଜଣେ ମହିଳା ତାଙ୍କ କାର୍ ଆଡକୁ ମୋବାଇଲ୍ ଫିଙ୍ଗିଥିଲେ। ପୋଲିସ ତୁରନ୍ତ ମହିଳାଙ୍କୁ ପଚରାଉଚରା ଆରମ୍ଭ କରିଥିଲା।

ପଚରାଉଚରା ବେଳେ ମହିଳା ଜଣକ କହିଥିଲେ ଯେ ସେ ଜଣେ ବିଜେପି କର୍ମୀ ଓ ଏହା ଭୁଲରେ ଘଟିଛି। ମହିଳା ଜଣକ କହିଥିଲେ ଯେ ସେ ପ୍ରଧାନମନ୍ତ୍ରୀଙ୍କ ଆଡକୁ ଫୁଲ ଫୋପାଡିଥିଲେ କିନ୍ତୁ ସେ ଧ୍ୟାନ ଦେଇନଥିଲେ ଓ ଭୁଲରେ ମୋବାଇଲ୍ ମଧ୍ୟ ଫୁଲ ସହିତ ଫିଙ୍ଗି ହୋଇ ଯାଇଥିଲା।

ଅତିରିକ୍ତ ମହାନିର୍ଦ୍ଦେଶକ ପୋଲିସ (ଏଡିଜିପି) ଆଲୋକ କୁମାର କହିଛନ୍ତି ଯେ ଏହି ଫୋନଟି ଭାରତୀୟ ଜନତା ପାର୍ଟିର ଜଣେ କର୍ମଚାରୀଙ୍କର ଓ ପିଏମ ମୋଦି ସ୍ୱତନ୍ତ୍ର ସୁରକ୍ଷା ଗୋଷ୍ଠୀ (ଏସପିଜି) ସୁରକ୍ଷା ଅଧୀନରେ ଅଛନ୍ତି।

ସେ କହିଛନ୍ତି "ଯେଉଁ ମହିଳା ପ୍ରଧାନମନ୍ତ୍ରୀଙ୍କ ଗାଡିରେ ଫୋନ ଫିଙ୍ଗିଥିଲେ, ତାଙ୍କର କୌଣସି ଉଦ୍ଦେଶ୍ୟ ନଥିଲା ଓ ଉତ୍ସାହରେ ଏହା କରିଦେଇଥିଲେ। ପ୍ରଧାନମନ୍ତ୍ରୀ ଏସପିଜି ସୁରକ୍ଷା ଅଧୀନରେ ଥିଲେ। ଏହି ଫୋନଟି ଜଣେ ବିଜେପି କର୍ମୀଙ୍କର ଅଟେ। ଆମେ ଏହା ଅନୁସନ୍ଧାନ କରିଛୁ ଓ ଏସପିଜି ସେହି ଦିନଠାରୁ ଫୋନ୍ ତାଙ୍କୁ ହସ୍ତାନ୍ତର କରାଯାଇଛି। "

ରବିବାର ପ୍ରଧାନମନ୍ତ୍ରୀ ମୋଦି କର୍ଣ୍ଣାଟକ ନିର୍ବାଚନ ପାଇଁ ମହୀଶୂରରେ ଏକ ରୋଡ୍ ସୋ କରୁଥିଲେ। ଏହି ସମୟରେ କେଆର ସର୍କଲ ନିକଟରେ ତାଙ୍କ କାର ଆଡକୁ ମୋବାଇଲ ଫୋପାଡିବାର ଘଟଣା ଘଟିଥିଲା। ତେବେ ଏହି ଫୋନ୍ କାରର ବୋନେଟ୍ ସହିତ ବାଜି ତଳେ ପଡିଯାଇଥିଲା। ପ୍ରଧାନମନ୍ତ୍ରୀଙ୍କ ସୁରକ୍ଷାରେ ନିୟୋଜିତ ଏସପିଜି କର୍ମଚାରୀମାନେ ଫୋନକୁ ଦେଖି ମହିଳାଙ୍କ ଆଡକୁ ନିର୍ଦ୍ଦେଶ ଦେଇଥିଲେ।

RR VS MI: ଶତକୀୟ ଇନିଂସ ସତ୍ତ୍ୱେ ରାଜସ୍ଥାନର ପରାଜୟ, ଜିତିଲା ମୁମ୍ବାଇ ଇଣ୍ଡିଆନ୍ସ

ଏଡିଜି ଆଲୋକ କୁମାର କହିଛନ୍ତି ଯେ ପିଏମ ନରେନ୍ଦ୍ର ମୋଦିଙ୍କ ରୋଡ୍ ସୋ ସମୟରେ ଫୋନ୍ ଫୋପାଡିଥିବା ମହିଳାଙ୍କ ବିବୃତ୍ତି ରେକର୍ଡ ପାଇଁକୁ ଡକାଯାଇଛି।

ପ୍ରଧାନମନ୍ତ୍ରୀ କର୍ଣ୍ଣାଟକରେ ନିର୍ବାଚନ ପ୍ରଚାରର ଶେଷ ପର୍ଯ୍ୟାୟରେ ବିଜେପି ପାଇଁ ପ୍ରଚାର କରିବାକୁ ଭୂମିରେ ଅଛନ୍ତି, ଯେଉଁଥିରେ ସେ ଅନେକ ନିର୍ବାଚନ ରାଲି ଏବଂ ରୋଡ୍ ସୋ ଆୟୋଜନ କରୁଛନ୍ତି।  ଆସନ୍ତା ୧୦ ତାରିଖରେ କର୍ଣ୍ଣାଟକରେ ବିଧାନସଭା ନିର୍ବାଚନ ପାଇଁ ମତଦାନ ହେବ। ଭୋଟ୍ ଗଣନା ମେ ୧୩ ରେ କରାଯିବ।