UNGAରେ PM ମୋଦି ନାଁ ନ ନେଇ ପାକିସ୍ତାନ ଓ ଚୀନକୁ ଜବରଦସ୍ତ ସମାଲୋଚନା କଲେ - VIDEO
PM Narendra Modi attacks China Pakistan in UNGA speech | ଆଫଗାନିସ୍ତାନର ଜନତାକୁ, ବିଶେଷତଃ ସେଠାକାର ମହିଳା, ଶିଶୁ ଓ ସଂଖ୍ୟାଲଘୁଙ୍କୁ, ସମସ୍ତେ ସାହାଯ୍ୟ କରିବା ଦରକାର ବୋଲି ମୋଦି କହିଛନ୍ତି । ଆତଙ୍କବାଦକୁ ରାଜନୈତିକ ଉପକରଣ ଭାବରେ ବ୍ୟବହାର କରୁଥିବା ଦେଶମାନଙ୍କୁ ସେ କଡ଼ା ସମାଲୋଚନା କରିଛନ୍ତି ।
ମିଳିତ ଜାତିସଙ୍ଘର ସାଧାରଣ ସଭାକୁ ସମ୍ବୋଧିତ କରୁଛନ୍ତି ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ।
- News18 Odia
- Last Updated: September 25, 2021, 8:08 PM IST
- Share this:
ନ୍ୟୁ ୟର୍କ୍: ମିଳିତ ଜାତିସଙ୍ଘର ସାଧାରଣ ସଭାକୁ (UNGA) ସମ୍ବୋଧିତ କରି ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି (Narendra Modi) ପାକିସ୍ତାନ ଓ ଚୀନର ନାମ ନ ନେଇ ସେମାନଙ୍କ ପ୍ରତି ଭାରତର କଡ଼ା ଆଭିମୁଖ୍ୟ ପ୍ରକାଶ କରିଛନ୍ତି । ପାକିସ୍ତାନର (Pakistan) ନାମ ନ ନେଇ ପ୍ରଧାନ ମନ୍ତ୍ରୀ ମୋଦି କହିଛନ୍ତି ଯେ ଯେଉଁ ଦେଶ ଆତଙ୍କବାଦକୁ ଏକ ରାଜନୈତିକ ଅସ୍ତ୍ର ଭାବରେ ବ୍ୟବହାର କରୁଛି, ତାକୁ ବୁଝିଯିବା ଉଚିତ ଯେ ଆତଙ୍କବାଦ ତା’ ପାଇଁ ବି ସମାନ ବିପଦ (PM Modi at UNGA)।
କେବଳ ଏତିକି ନୁହେଁ, ସମୁଦ୍ର ସୁରକ୍ଷା ଓ ବିସ୍ତାରବାଦ ବିଷୟରେ ପ୍ରଧାନ ମନ୍ତ୍ରୀ ମୋଦି କହିଛନ୍ତି ଯେ ସମୁଦ୍ର ହେଉଛି ସବୁ ଦେଶଙ୍କ ପାଇଁ ଏକ ସାଧାରଣ ଐତିହ୍ୟ ଓ ସଂସାଧନ, ଆଉ ସମସ୍ତେ ମିଶି ସମୁଦ୍ରକୁ ରକ୍ଷା କରିବା ଆବଶ୍ୟକ । ମିଳିତ ଜାତିସଙ୍ଘର ସାଧାରଣ ସଭାର ୭୬ତମ ଅଧିବେଶନକୁ ସମ୍ବୋଧିତ କରି ପ୍ରଧାନ ମନ୍ତ୍ରୀ ମୋଦି କହିଛନ୍ତି, ‘‘ଆଫଗାନିସ୍ତାନର ମାଟି ଯେମିତି ଆତଙ୍କବାଦର ବିସ୍ତାର ପାଇଁ ବ୍ୟବହୃତ ନ ହେବ ଓ ସେଠାରେ କୌଣସି ଆତଙ୍କବାଦୀ ଘଟଣା ନ ହେବ ତାହା ସୁନିଶ୍ଚିତ କରାଯିବା ଜରୁରୀ । ଆମକୁ ମଧ୍ୟ ସତର୍କ ରହିବାକୁ ପଡି଼ବ ଯେ ସେଠାରେ ଥିବା ସୂକ୍ଷ୍ମ ପରିସ୍ଥିତିକୁ କୌଣସି ଦେଶ ନିଜ ସ୍ୱାର୍ଥର ଉପକରଣ ଭାବରେ ବ୍ୟବହାର ନ କରୁ ।’’
ଏହା ବି ପଢ଼ନ୍ତୁ | ଡଙ୍ଗା ବୁଡ଼ି ଓ ସାମ୍ବାଦିକ ମୃତ୍ୟୁ ଘଟଣାର ତଦନ୍ତ ଆରମ୍ଭ ହେଲା; ‘ହାତୀକୁ ଘଉଡ଼ାଇବା ଅନାବଶ୍ୟକ ଥିଲା’
ଏହା ବି ପଢ଼ନ୍ତୁ | ମିଳିଲା ନିଖୋଜ ଓଡ୍ରାଫ ଯବାନଙ୍କ ମୃତ ଦେହ; ମହାନଦୀରେ ଫସିଥିବା ହାତୀର ଏ ଯାଏଁ ପତ୍ତା ମିଳୁନି
ଏଇଠି ଦେଖନ୍ତୁ ମୋଦିଙ୍କ ଭାଷଣ:
ଏହା ବି ପଢ଼ନ୍ତୁ | UPSC ସିଭିଲ ସର୍ଭିସେଜ୍ ଫଳ ବାହାରିଲା; ଟପ୍ପର କହିଲେ: ‘ମୋତେ ଲାଗୁଥିଲା ମୁଁ ଭୁଲ୍ ଲିଷ୍ଟ ଦେଖୁଛି!
Key Takeaways from PM Modi's speech at UNGA.#PMModiAtUNGA #ModiInAmerica
G Parthasarthy, former diplomat with his views.
Join the broadcast with @AnchorAnandN. pic.twitter.com/F0y4mRCMp4
— News18 (@CNNnews18) September 25, 2021
ପ୍ରଧାନମନ୍ତ୍ରୀ ମୋଦି ଇଶାରା ଇଶାରାରେ ଚୀନ୍ ଉପରେ ବି ଦୃଢ଼ ଭାବରେ ଆକ୍ରମଣାତ୍ମକ ସମାଲୋଚନା କରିଛନ୍ତି । ସମୁଦ୍ର ଦେଇ ହେଉଥିବା ବାଣିଜ୍ୟ ବିଷୟରେ ପ୍ରଧାନ ମନ୍ତ୍ରୀ କହିଛନ୍ତି, ‘‘ସମୁଦ୍ର ହେଉଛି ଆମ ସମସ୍ତଙ୍କର ଏକ ସାଧାରଣ ଐତିହ୍ୟ । ସେଥି ପାଇଁ ଆମକୁ ଯତ୍ନ ନେବାକୁ ପଡି଼ବ ଯେ ଆମେ ସମୁଦ୍ରର ସମ୍ବଳ ବ୍ୟବହାର କରିବା, ତା’ର ଅପବ୍ୟବହାର କରିବା ନାହିଁ । ସମୁଦ୍ର ହେଉଛି ଆନ୍ତର୍ଜାତୀୟ ବାଣିଜ୍ୟର ଲାଇଫ୍ ଲାଇନ୍ । ଏହାକୁ ବିସ୍ତାରବାଦୀ ଯୁଦ୍ଧରୁ ଦୂରରେ ରଖିବାକୁ ପଡି଼ବ । ଆନ୍ତର୍ଜାତୀୟ ନିୟମ ଅନୁଯାୟୀ ଏହାକୁ ରକ୍ଷା କରିବା ପାଇଁ ଆନ୍ତର୍ଜାତୀୟ ସମ୍ପ୍ରଦାୟକୁ ସ୍ୱର ଉତ୍ତୋଳନ କରିବାକୁ ପଡି଼ବ ।’’
