ସୁପ୍ରିମକୋର୍ଟଠାରେ ଆୟୋଜିତ ସମ୍ବିଧାନ ଦିବସ କାର୍ଯ୍ୟକ୍ରମରେ ଯୋଗଦେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ଆଜି ପୂର୍ବାହ୍ନରେ ସୁପ୍ରିମକୋର୍ଟଠାରେ ଆୟୋଜିତ ସମ୍ବିଧାନ ଦିବସ ପାଳନ ସମାରୋହରେ ଯୋଗ ଦେଇଛନ୍ତି ।

ସୁପ୍ରିମକୋର୍ଟଠାରେ ଆୟୋଜିତ ସମ୍ବିଧାନ ଦିବସ କାର୍ଯ୍ୟକ୍ରମରେ ଯୋଗଦେଲେ ପ୍ରଧାନମନ୍ତ୍ରୀ

ସୁପ୍ରିମକୋର୍ଟଠାରେ ଆୟୋଜିତ ସମ୍ବିଧାନ ଦିବସ କାର୍ଯ୍ୟକ୍ରମରେ ଯୋଗଦେଲେ ପ୍ରଧାନମନ୍ତ୍ରୀ

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ; ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ଆଜି ପୂର୍ବାହ୍ନରେ ସୁପ୍ରିମକୋର୍ଟଠାରେ ଆୟୋଜିତ ସମ୍ବିଧାନ ଦିବସ ପାଳନ ସମାରୋହରେ ଯୋଗ ଦେଇଛନ୍ତି । ୨୦୧୫ ମସିହାଠାରୁ ଏହି ଦିନଟିକୁ ସମ୍ବିଧାନ ଦିବସରୂପେ ପାଳନ କରାଯାଇ ଆସୁଛି । ୧୯୪୯ ମସିହା ନଭେମ୍ବର ୨୬ ତାରିଖରେ ସମ୍ବିଧାନ ପ୍ରଣୟନ ସଭାରେ ଭାରତର ସମ୍ବିଧାନ ଗୃହିତ ହୋଇଥିଲା ।

ଏହି କାର୍ଯ୍ୟକ୍ରମ ଅବସରରେ ପ୍ରଧାନମନ୍ତ୍ରୀ ଶ୍ରୀ ମୋଦି ଇ-କୋର୍ଟ କାର୍ଯ୍ୟକ୍ରମ ଅଧୀନରେ ଅନେକ ଗୁଡ଼ିଏ ନୂତନ ଉପକ୍ରମର ଶୁଭାରମ୍ଭ କରିଛନ୍ତି । ଏହି ପ୍ରକଳ୍ପ ବିବାଦୀୟ ପକ୍ଷ, ଆଇନଜୀବୀ ଏବଂ ବିଚାର ବିଭାଗକୁ ବିଚାରାଳୟର ଆଇସିଟି ସକ୍ଷମ ସେବା ଯୋଗାଇ ଦେବା ନିମନ୍ତେ ଉଦ୍ଦିଷ୍ଟ ।

ପ୍ରଧାନମନ୍ତ୍ରୀଙ୍କ ଦ୍ୱାରା ଯେଉଁ ସବୁ ସେବାର ଶୁଭାରମ୍ଭ କରାଯାଇଛି ସେଥିମଧ୍ୟରେ ଭର୍ଚୁଆଲ୍ ନ୍ୟାୟିକ ଘଡ଼ି, ଜଷ୍ଟ ଆଇଏସ ମୋବାଇଲ୍ ଆପ୍ ୨-୦, ଡିଜିଟାଲ କୋର୍ଟ ଏବଂ ଏସ୩ୱସ୍ ୱେବ୍‌ସାଇଟ୍ ଆଦି ଅନ୍ତର୍ଭୁକ୍ତ ।

ଭର୍ଚୁଆଲ୍‌ କୋର୍ଟ ଘଡ଼ି ଏପରି ଏକ ଉପକ୍ରମ ଯାହା ବିଚାରାଳୟ ଗୁଡ଼ିକ ସ୍ତରରେ ନ୍ୟାୟ ପ୍ରଦାନ ବ୍ୟବସ୍ଥା ସମ୍ପର୍କୀତ ବିଭିନ୍ନ ପ୍ରକାର ଗୁରୁତ୍ୱପୂର୍ଣ୍ଣ ପରିସଂଖ୍ୟାନ ବିସ୍ତୃତ ଭାବେ ପ୍ରଦାନ କରିଥାଏ । ସେଥିରେ କେତେ ସଂଖ୍ୟକ ମାମଲା ବିଚାରାଧୀନ ରହିଛି, କେତେ ସଂଖ୍ୟକ ମାମଲାର ଫଇସଲା ହୋଇଛି ଏବଂ କେତେ ସଂଖ୍ୟକ ମାମଲା ପ୍ରତିଦିନ/ ସପ୍ତାହ/ ମାସ ଭିତ୍ତିରେ ବିଚାରାଳୟସ୍ତରରେ ଫଇସଲା ପାଇଁ ପଡ଼ି ରହିଛି ତାହାର ବିସ୍ତୃତ ସୂଚନା ଦେଇଥାଏ ।

ବିଚାରାଳୟ ଗୁଡ଼ିକ କାର୍ଯ୍ୟଦକ୍ଷତା ଦୃଷ୍ଟିରୁ କିପରି ଭାବେ ଉତ୍ତରଦାୟୀ ଏବଂ ସ୍ୱଚ୍ଛ ଭାବେ ସେମାନଙ୍କର କାର୍ଯ୍ୟ କରୁଛନ୍ତି ଏବଂ ବିଭିନ୍ନ ବିଚାରାଳୟରେ ମାମଲାଗୁଡ଼ିକ ଫଇସଲା ହେବା ନିମନ୍ତେ କେଉଁ ପର୍ଯ୍ୟାୟରେ ରହିଛି ତାହାର ବିସ୍ତୃତ ସୂଚନା ଜନସାଧାରଣଙ୍କୁ ସୂଚାଇଥାଏ । ଜିଲ୍ଲା ନ୍ୟାୟାଳୟର ଯେକୌଣସି ବିଚାରାଳୟର ଜନସାଧାରଣ ଭର୍ଚୁଆଲ୍ ନ୍ୟାୟ ଘଡ଼ି ୱେବ୍‌ସାଇଟ୍‌କୁ ଯାଇ ଜନସାଧାରଣ ଏହି ସବୁ ସୂଚନା ପ୍ରାପ୍ତ ହୋଇପାରିବେ ।

ଜଷ୍ଟଆଇଏସ ମୋବାଇଲ୍ ଆପ୍ ୨.୦ ଏଭଳି ଏକ ସୂଚନା ସାଧନ ଯାହା ନ୍ୟାୟିକ ଅଧିକାରୀମାନଙ୍କ ନିମନ୍ତେ ଉପଲବ୍ଧ ଏବଂ ତାହା ମାଧ୍ୟମରେ ସଫଳତାର ସହିତ ସେମାନେ ବିଚାରାଳୟ ଏବଂ ମାମଲାର ପରିଚାଳନା କରିପାରିବେ । କେବଳ ନିଜ ବିଚାରାଳୟର ନୁହେଁ ବରଂ ବ୍ୟକ୍ତିଗତ ଭାବେ ସମସ୍ତ ବିଚାରପତି ଯେଉଁମାନେ କି ସେମାନଙ୍କ ଅଧୀନରେ ଥିବେ ସେମାନଙ୍କ କୋର୍ଟରେ ବିଚାର ପାଇଁ ପଡ଼ି ରହିଥିବା ମାମଲା ଏବଂ ସେସବୁର ଫଇସଲା ସମ୍ପର୍କୀତ ସୂଚନା ସହଜରେ ପାଇପାରିବେ । ଏହି ଆପ୍‌ ହାଇକୋର୍ଟ ଏବଂ ସୁପ୍ରିମକୋର୍ଟର ବିଚାରପତିମାନଙ୍କ ପାଇଁ ଉପଲବ୍ଧ ଯେଉଁମାନେ ବର୍ତ୍ତମାନ ସେମାନଙ୍କ କାର୍ଯ୍ୟ ପରିସର ଅଧୀନରେ ଥିବା ସମସ୍ତ ରାଜ୍ୟ ଏବଂ ଜିଲ୍ଲା ନ୍ୟାୟାଳୟ ମାନଙ୍କରେ ବକେୟା ମାମଲାକୁ ଅନୁଧ୍ୟାନ କରିପାରିବେ।

ଡିଜିଟାଲ କୋର୍ଟ ଆଉ ଏକ ପ୍ରୟାସ ଯାହା କୋର୍ଟର ରେକର୍ଡକୁ ଡିଜିଟାଇଜ୍‌ ରୂପରେ ବିଚାରପତି ମାନଙ୍କ ପାଇଁ ଉପଲବ୍ଧ କରାଇଥାଏ ଏବଂ ଏହା କାଗଜ ହୀନ କୋର୍ଟ ବ୍ୟବସ୍ଥାକୁ ରୂପାନ୍ତରଣର ଏକ ପର୍ଯ୍ୟାୟ ।
Published by:Soubhagya Mishra
First published: