ପ୍ଲାଟଫର୍ମ ଟିକେଟ ହେଲା ମହଙ୍ଗା; ଏବେ ୩୦ ନୁହେଁ ମିଳିବ ୫୦ଟଙ୍କାରେ

ଏବେ ପୁଣି ଥରେ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରାଯାଇଛି। ଏହି ଷ୍ଟେସନଗୁଡିକରେ ପ୍ଲାଟଫର୍ମ ଟିକେଟ୍ ୫୦ ଟଙ୍କାରେ ଉପଲବ୍ଧ ହେବ।

ପ୍ଲାଟଫର୍ମ ଟିକେଟ ହେଲା ମହଙ୍ଗା

ପ୍ଲାଟଫର୍ମ ଟିକେଟ ହେଲା ମହଙ୍ଗା

  • News18 Odia
  • Last Updated :
  • Other, India
  • Share this:
News18 Odia Digital

ଏବେ ପୁଣି ଥରେ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରାଯାଇଛି। ୧୪ ଟି ରେଳ ଷ୍ଟେସନରେ ପ୍ଲାଟଫର୍ମ ଟିକେଟ୍ ବର୍ତ୍ତମାନ ୩୦ ଟଙ୍କାରୁ ବଢି ୫୦ ଟଙ୍କା ହୋଇଛି। ଏହି ଷ୍ଟେସନଗୁଡିକରେ ପ୍ଲାଟଫର୍ମ ଟିକେଟ୍ ୫୦ ଟଙ୍କାରେ ଉପଲବ୍ଧ ହେବ। ବର୍ଦ୍ଧିତ ହାର ଅକ୍ଟୋବର ୨୬ ରୁ ନଭେମ୍ବର ୬ ପର୍ଯ୍ୟନ୍ତ କାର୍ଯ୍ୟକାରୀ ହେବ।

ଲକ୍ଷ୍ନୋ ଓ ବାରାଣାସୀ ସମେତ ୧୪ ରେଳ ଷ୍ଟେସନ ପାଇଁ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରାଯାଇଛି। ଏହାପୂର୍ବରୁ ଅକ୍ଟୋବର ୨ ରେ ରେଳବାଇ ପ୍ଲାଟଫର୍ମ ଟିକେଟର ମୂଲ୍ୟ ୧୦ ରୁ ୩୦ ଟଙ୍କାକୁ ବୃଦ୍ଧି କରିଥିଲା ​​ଓ ବର୍ତ୍ତମାନ ଏହାକୁ ସିଧାସଳଖ ୩୦ ରୁ ୫୦ ଟଙ୍କାକୁ ବୃଦ୍ଧି କରାଯାଇଛି।

ଏହି ଷ୍ଟେସନରେ ମିଳିବ ୫୦ ଟଙ୍କାର ପ୍ଲାଟଫର୍ମ ଟିକେଟ

ଲକ୍ଷ୍ନୋ

ବାରଣାସୀ

ବାରବାଙ୍କି

ଅଯୋଧ୍ୟା କ୍ୟାଣ୍ଟ

ଅଯୋଧ୍ୟା

ଆକବରପୁର

ଯୋନପୁର

ସୁଲତାନପୁର

ରାୟବରେଲି

ଭଦୋହି

ପ୍ରତାପଗଡ଼

ଉନ୍ନାଓ

ଲକ୍ଷ୍ନୋ ଚାରବାଗ ରେଳ ଷ୍ଟେସନ ବିଷୟରେ କହିବାକୁ ଗଲେ, ଦୀପାବଳି ପରେ ଫେରୁଥିବା ଯାତ୍ରୀଙ୍କ ଭିଡ଼ ଜମିଛି।  ଅନେକ ଲୋକ ପ୍ଲାଟଫର୍ମକୁ ପରିବାର ସଦସ୍ୟଙ୍କୁ ଛାଡିବାକୁ ଆସିଥାନ୍ତି, ଯେଉଁଥିପାଇଁ ଷ୍ଟେସନରେ ବହୁତ ଭିଡ଼ ଜମିଥାଏ। ଷ୍ଟେସନରେ ଭିଡ଼ ବୃଦ୍ଧି ହେତୁ ବିଶୃଙ୍ଖଳା ଦେଖାଦେଇଛି। ଏହି ଭିଡ଼ରେ ରୋକଦେବା ପାଇଁ ରେଳବାଇ ପୁଣି ଥରେ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରିବାକୁ ନିଷ୍ପତ୍ତି ନେଇଛି। କୁହାଯାଇଛି ଯେ ଏହି ବୃଦ୍ଧି ହାର ସ୍ଥାୟୀ ନୁହେଁ।

ଉତ୍ସବ ଋତୁରେ ରେଳବାଇ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରିବା ଏହା ପ୍ରଥମ ଘଟଣା ନୁହେଁ। ଏହା ପୂର୍ବରୁ ମଧ୍ୟ ଅନେକ ଥର ପ୍ଲାଟଫର୍ମ ଟିକେଟ୍ ମୂଲ୍ୟ ସାମୟିକ ଭାବେ ବୃଦ୍ଧି କରାଯାଇଛି। ରେଳ ଅଧିକାରୀଙ୍କ ଅନୁଯାୟୀ, ଅନାବଶ୍ୟକ ଭିଡ଼କୁ ନିୟନ୍ତ୍ରଣ କରିବା ପାଇଁ ଏହା କରାଯାଇଛି। ପୂର୍ବରୁ, କରୋନା ଅବଧି ସମୟରେ ମଧ୍ୟ ପ୍ଲାଟଫର୍ମ ଟିକେଟ୍ ମୂଲ୍ୟ ବୃଦ୍ଧି କରାଯାଇଥିଲା।
Published by:Soumya Das
First published: