ନୂଆ ବର୍ଷରେ ପାର୍ଟି କରିବାର ଯୋଜନା ଅଛି କି? ଏହି ଗାଇଡଲାଇନ୍ ପଢିବା ଜରୁରୀ

News 18 Odia Digital

New Year Party Planning; ରାଜଧାନୀ ଦିଲ୍ଲୀରେ ନୂଆ ବର୍ଷ ପାଳନ ପାଇଁ ପ୍ରସ୍ତୁତି ଚାଲିଛି । ବିଭିନ୍ନ ସ୍ଥାନରେ ହଲ୍ ବୁକ୍ କରାଯାଇଛି ଏବଂ ବଡ ପାର୍ଟିର ଆୟୋଜନ ହେବାକୁ ଯାଉଛି । ବର୍ତ୍ତମାନ ଯଦି ଲୋକମାନେ ଗ୍ରୁପ ପାଇଁ ସମ୍ପୂର୍ଣ୍ଣ ପ୍ରସ୍ତୁତି କରିସାରିଛନ୍ତି, ସେପଟେ ପୋଲିସ୍ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଗୋଟିଏ ପଟେ ପୋଲିସ ଲୋକଙ୍କୁ ସୁରକ୍ଷା ଯୋଗାଇବା ପାଇଁ କାର୍ଯ୍ୟ କରିବ ଏବଂ ଅନ୍ୟ ପଟେ କିଛି ପ୍ରତିବନ୍ଧକ ମଧ୍ୟ ଲଗାଯିବ । ବେପାରୁଆ ଭାବେ ଗାଡି ଚଳାଉଥିବା ଲୋକଙ୍କ ଉପରେ କଟକଣା ଲଗାଇବା ପାଇଁ ସମ୍ପୂର୍ଣ୍ଣ ପ୍ରସ୍ତୁତି କରାଯାଇଛି।

ଦିଲ୍ଲୀ ପୋଲିସ ଗ୍ରାଉଣ୍ଡରେ କିପରି ପ୍ରସ୍ତୁତି କରିଛି ?

ଦିଲ୍ଲୀ ପୋଲିସର ସ୍ୱତନ୍ତ୍ର ସିପି ଦୀପେନ୍ଦ୍ର ପାଠକ କହିଛନ୍ତି, ଏଥର ନୂଆ ବର୍ଷ ଅବସରରେ ଦିଲ୍ଲୀ ପୋଲିସ ପ୍ରତି ସ୍ଥାନରେ ନିୟୋଜିତ ହେବେ । କରୋନା କାରଣରୁ ଗତ ଦୁଇ ବର୍ଷ ଧରି ପାର୍ଟି ଅନୁଷ୍ଠିତ ହୋଇନଥିଲା, କିନ୍ତୁ ବର୍ତ୍ତମାନ ଏକ ସୁରକ୍ଷିତ କାର୍ଯ୍ୟକ୍ରମ ପାଇଁ ସମ୍ପୂର୍ଣ୍ଣ ପ୍ରସ୍ତୁତି ଚାଲିଛି । କୁହାଯାଉଛି ଯେ ଦିଲ୍ଲୀରେ ସୁରକ୍ଷା ପାଇଁ ୧୬,୫୦୦ ରୁ ଅଧିକ ପୋଲିସ ନିୟୋଜିତ ହେବେ । ୧୦୦ ଟ୍ରାଫିକ୍ ପୋଲିସ୍, ୨୦ ଟି କମ୍ପାନୀ ଫୋର୍ସ ବିଭିନ୍ନ କ୍ଷେତ୍ରରେ ସକ୍ରିୟ ଭାବରେ ଉପସ୍ଥିତ ରହିବେ । ପ୍ରତିବର୍ଷ ଯେହେତୁ ମହିଳାଙ୍କ ସୁରକ୍ଷା ଏକ ବଡ ପ୍ରସଙ୍ଗ ହୋଇ ରହିଛି, ଏଥର ଦିଲ୍ଲୀ ପୋଲିସ ମଧ୍ୟ ଏହି ଦିଗ ପ୍ରତି ବିଶେଷ ଧ୍ୟାନ ଦେଇଛି ।

ସୂଚନା ଦିଆଯାଇଛ ଦିଲ୍ଲୀ ପୋଲିସ ଏଥର ବିଭିନ୍ନ ଅଞ୍ଚଳରେ ଲେଡି ପୋଲିସ ନିୟୋଜିତ କରିବାକୁ ଯାଉଛି । ପ୍ରାୟ ଅଢେଇ ହଜାର ମହିଳା ପୋଲିସ୍ ନିୟୋଜିତ ହେବେ । ଏହା ବ୍ୟତୀତ ଅପରାହ୍ନ ୪ ଟାରୁ ୩୧ ଡିସେମ୍ବର ସକାଳ ପର୍ଯ୍ୟନ୍ତ ପୋଲିସ ସେଠାରେ ଉପସ୍ଥିତ ରହିବେ । ଟ୍ରାଫିକ ଏବଂ ସ୍ଥାନୀୟ ପୋଲିସ ମଧ୍ୟ ଏଥି ପ୍ରତି ଧ୍ୟାନ ଦେବେ ଏବଂ ନିୟମ ଭାଙ୍ଗୁଥିବା ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହି ଲୋକମାନଙ୍କ ପାଇଁ ୩୦୦ ରୁ ଅଧିକ ଗିରଫ ଟିମ୍ ରହିବେ ଯେଉଁମାନେ ଆବଶ୍ୟକ ହେଲେ ଗିରଫ କରିପାରିବେ । ଯଦିଓ ବର୍ତ୍ତମାନ ଦିଲ୍ଲୀର ଅନେକ ଅଞ୍ଚଳରେ ପୋଲିସ ସତର୍କ ରହିବ, କିନ୍ତୁ ନୂଆଦିଲ୍ଲୀ, କନ୍ନାଟ୍ ପ୍ଲେସ୍, କେନ୍ଦ୍ରୀୟ ଦିଲ୍ଲୀ, ଉତ୍ତର ଦିଲ୍ଲୀ ଉପରେ ସର୍ବାଧିକ ଧ୍ୟାନ ଦିଆଯାଉଛି। କନ୍ନାଟ୍ ପ୍ଲେସରେ ରାତି ୮ଟା ପରେ ଯାନବାହନ ଚଳାଚଳ ବନ୍ଦ ରହିବ, କେବଳ ଲେବଲ୍ ଥିବା ଯାନଗୁଡିକ ପ୍ରବେଶ କରିପାରିବେ ।