ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»UP ଏନକାଉଣ୍ଟରର ଦିନକ ଆଗରୁ ଦାଖଲ ପିଟିସନରେ ଅନୁମାନ ହୋଇଥିଲା ଯେ ଦୁବେକୁ ମାରିଦେବ ପୋଲିସ୍‌

UP ଏନକାଉଣ୍ଟରର ଦିନକ ଆଗରୁ ଦାଖଲ ପିଟିସନରେ ଅନୁମାନ ହୋଇଥିଲା ଯେ ଦୁବେକୁ ମାରିଦେବ ପୋଲିସ୍‌

PIL in SC predicted Vikas Dubey encounter death | ଗ୍ୟାଙ୍ଗଷ୍ଟର୍‌ ବିକାଶ ଦୁବେର ହେଫାଜତ ପାଇବା ପରେ ତାକୁ ଏହି ମାମଲାର ଅନ୍ୟ ଚାରି ଅଭିଯୁକ୍ତଙ୍କ ପରି ଉତ୍ତର ପ୍ରଦେଶ ପୋଲିସ୍ ହତ୍ୟା କରିବାର ବହୁତ ସମ୍ଭାବନା ଅଛି ବୋଲି କହି ସୁପ୍ରିମ କୋର୍ଟରେ ଏକ PIL ଦାୟର ହୋଇଥିଲା । ଅନୁମାନ ସତ ହେଲା ।

UP ଏନକାଉଣ୍ଟରର ଦିନକ ଆଗରୁ ଦାଖଲ ପିଟିସନରେ ଅନୁମାନ ହୋଇଥିଲା ଯେ ଦୁବେକୁ ମାରିଦେବ ପୋଲିସ୍‌
ସୁପ୍ରିମ୍ କୋର୍ଟ; (ଡାହାଣ) ବିକାଶ ଦୁବେ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ସୁପ୍ରିମ କୋର୍ଟରେ ଗତ କାଲି ଦାଖଲ ହୋଇଥିବା ଏକ ପିଟିସନରେ ଯେଉଁ କଥା ଅନୁମାନ କରାଯାଇଥିଲା ଠିକ୍‌ ସେୟା ହିଁ ଘଟିଗଲା ଆଜି ସକାଳେ । ମଧ୍ୟ ପ୍ରଦେଶ ଉଜ୍ଜୈନରୁ ଗିରଫ ହୋଇଥିବା ଉତ୍ତର ପ୍ରଦେଶର ଗ୍ୟାଙ୍ଗଷ୍ଟର ବିକାଶ ଦୁବେକୁ ‘‘ଫେକ୍‌ ଏନକାଉଣ୍ଟର’’ କରି ମାରିଦେବାର ସମ୍ଭାବନା ଯଥେଷ୍ଟ ରହିଛି ବୋଲି ନିଜ ଆବେଦନରେ କହିଥିଲେ ଆଇନଜୀବୀ ଘନଶ୍ୟାମ ଉପାଧ୍ୟାୟ ।

‘‘ବିକାଶ ଦୁବେର ହେଫାଜତ ମିଳିଯିବା ପରେ ତାକୁ ଏହି ମାମଲାର ଅନ୍ୟ ଅଭିଯୁକ୍ତଙ୍କ ପରି ଉତ୍ତର ପ୍ରଦେଶ ପୋଲିସ୍‌ ଦ୍ୱାରା ହତ୍ୟା କରାଯିବାର ବହୁତ ସମ୍ଭାବନା ଅଛି,’’ ଗୁରୁବାର ସନ୍ଧ୍ୟାରେ ଦାଖଲ ହୋଇଥିବା ଏହି ପିଟିସନରେ ଉଲ୍ଲେଖ କରାଯାଇଥିଲା । (Vikas Dubey encounter)

ଉପାଧ୍ୟାୟ ଏହି ପିଟିସନରେ କହିଥିଲେ ଯେ ଏହି ଏନକାଉଣ୍ଟରକୁ ଠିକ୍‌ ସେହି କାହାଣୀର ରୂପ ଦିଆଯାଇପାରେ ଯେମିତି ଜୁଲାଇ ୨ର ଘଟଣା ପରେ ତା’ର ଅନ୍ୟ ଚାରି ଜଣ ସହଯୋଗୀଙ୍କୁ ମାରିବା ପରେ ଦିଆଯାଇଥିଲା ।

ଦୁବେଙ୍କ ପ୍ରତି ତାଙ୍କର କୌଣସି ସହାନୁଭୂତି ନାହିଁ ବୋଲି ସ୍ପଷ୍ଟ କରି ମୁମ୍ବାଇର ଏହି ଓକିଲ ନିଜ ପିଟିସନରେ କହିଥିଲେ ଯେ ଅଫଜଲ ଗୁରୁ ଓ ଅଜମଲ କସାବ ଭଳି ଅପରାଧୀଙ୍କ ମାମଲାରେ ନିରପେକ୍ଷ ଶୁଣାଣି ହୋଇଥିବା ବେଳେ ‘‘ନିଜକୁ ଆଇନ୍‌ ବୋଲି ଭାବୁଥିବା ଉତ୍ତର ପ୍ରଦେଶ ପୋଲିସ ଦୁବେକୁ ହତ୍ୟା କରିପାରେ ।’’

ଏନକାଉଣ୍ଟର ପୂର୍ବରୁ ହୋଇଥିବା ଦୁର୍ଘଟଣା ସ୍ଥଳର ଦୃଶ୍ୟ; (ଡାହାଣ) ପୋଲିସ ବିକାଶକୁ ଗିରଫ କରି ଆଣୁଥିବା ସମୟର ଦୃଶ୍ୟ


ବାସ୍ତବରେ ୟୁପି ପୋଲିସ୍‌ ପାଇଁ ଗ୍ୟାଙ୍ଗଷ୍ଟାର ବିକାଶ ଦୁବେ ‘‘ଭସ୍ମାସୁର’’ ପ୍ରମାଣିତ ହୋଇଛି ବୋଲି ବି ଉପାଧ୍ୟାୟ ନିଜ ଜନ ସ୍ୱାର୍ଥ ମାମଲା (PIL) ଆବେଦନରେ କହିଥିଲେ ।

ଦୁବେ ବିରୋଧରେ ୬୦ଟି ଆପରାଧିକ ମାମଲା ଥିଲା ସତ୍ତ୍ୱେ ସେ ଜାମିନରେ ବାହରିବାରେ ସଫଳ ହୋଇଥିଲା କାରଣ ପୋଲିସ୍‌ ଅଧିକାରୀମାନେ ନିଜ କର୍ତ୍ତବ୍ୟ ସୁଚାରୁ ରୂପେ ତୁଲାଇ ନ ଥିଲେ ଓ ସମସ୍ତେ ଦୁର୍ନୀତିରେ ବୁଡ଼ି ରହିଥିଲେ ବୋଲି ଅଭିଯୋଗ କରିଛନ୍ତି ମୁମ୍ବାଇର ଏହି ଓକିଲ ।

ପୋଲିସ୍‌ ଦ୍ୱାରା ଦୁବେର ସହଯୋଗୀମାନଙ୍କ ହତ୍ୟା ଓ ସରକାରଙ୍କ ଦ୍ୱାରା ତା’ ଘର ତଥା ବ୍ୟାବସାୟିକ ସମ୍ପତ୍ତି ଭଙ୍ଗାଯିବା ଘଟଣା ସମେତ ଦୁବେର ପୋଲିସ୍‌କର୍ମୀ ଓ ରାଜନେତାଙ୍କ ସହ ଥିବା ସମ୍ପର୍କର କୋର୍ଟ ତତ୍ତ୍ୱାବଧାନରେ ସିବିଆଇ ଦ୍ୱାରା ପୁଙ୍ଖାନୁପୁଙ୍ଖ ତଦନ୍ତ କରିବାକୁ ଦାବି କରିଥିଲେ ଉପାଧ୍ୟାୟ ।

ଏହା ବି ପଢ଼ନ୍ତୁ: ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁ: ମଥାରେ ଶକ୍ତ ଆଘାତ ଲାଗିଥିଲା; ହତ୍ୟା ମାମଲା ରୁଜୁ କଲା ପୋଲିସ

ଉତ୍ତର ପ୍ରଦେଶ ପୋଲିସ ଦ୍ୱାରା ହୋଇଥିବା ବେଆଇନ୍‌ ଓ ନ୍ୟାୟ-ବହିର୍ଭୁତ ହତ୍ୟାଗୁଡ଼ିକୁ ରୋକିବା ପାଇଁ ସୁପ୍ରିମ କୋର୍ଟ କାର୍ଯ୍ୟାନୁଷ୍ଠାନ ନେବା ଉଚିତ୍‌ ବୋଲି ବି ଉକ୍ତ ପିଟିସନରେ ଦାବି ହୋଇଥିଲା ।
Published by: Anand Shankar Thankur Das
First published: July 10, 2020, 4:47 PM IST