ମାଲବାହୀ ଟ୍ରେନ ଓ ଯାତ୍ରୀ ଟ୍ରେନ ପରସ୍ପର ମଧ୍ୟରେ ଧକ୍କା; ୫୦ରୁ ଅଧିକ ଆହତ, ୧୩ ଗୁରୁତର

News 18 Odia Digital

ମହାରାଷ୍ଟ୍ର: ମହାରାଷ୍ଟ୍ରର ଗୋଣ୍ଡିଆରେ ରାତି ୨.୩୦ ମିନିଟରେ ଯାତ୍ରୀ ଟ୍ରେନ ଓ ମାଲବାହୀ ଟ୍ରେନ ଧକ୍କା ଦୁର୍ଘଟଣାରେ ଅତିକମରେ ୫୦ରୁ ଅଧିକ ଯାତ୍ରୀ ଆହତ ହୋଇଥିବା ବେଳେ ୧୩ ଜଣଙ୍କ ଅବସ୍ଥା ଗୁରୁତର ରହିଛି। ଫଳରେ ଯାତ୍ରୀ ଟ୍ରେନର ୩ଟି ବଗି ଧକ୍କା ଖାଇ ଲାଇନଚ୍ୟୁତ ହୋଇଥିଲା।

ସୂଚନା ଅନୁଯାୟୀ, ଭଗତ କୋଠୀ ରାୟପୁରର ରାଜସ୍ଥାନର ଯୋଧପୁରକୁ ଯାଉଥିବା ବେଳେ ଭୁଲ୍‌ ସିଗନାଲ ଯୋଗୁଁ ପରସ୍ପର ମଧ୍ୟରେ ଧକ୍କା ହୋଇଥିଲା। ଏହି ଦୁର୍ଘଟଣାରେ ତିନିଟି ଡବା ଲାଇନଚ୍ୟୁତ ହୋଇଥିଲା। ଆହତଙ୍କୁ ଚିକିତ୍ସା ପାଇଁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।

ଭାରତୀୟ ରେଳ ଅନୁଯାୟୀ, ସକାଳ ୪.୩୦ରେ ରେଳ କାର୍ଯ୍ୟ ସମାପ୍ତ ହେବା ପରେ ପ୍ରଭାବିତ ଟ୍ରେନ୍ ସକାଳ ୫.୩୦ରେ ଛାଡି ସକାଳ ୫.୪୪ରେ ଗୋଣ୍ଡିଆରେ ପହଞ୍ଚିଥିଲା। ଏହି ସମୟରେ, ସକାଳ ୫.୪୫ ରେ ଉପର ଓ ତଳ ଟ୍ରାଫିକ୍ ପୁନରୁଦ୍ଧାର କରାଯାଇଥିଲା।