ପାର୍ଥ ଚାଟାର୍ଜୀ ସମ୍ପୂର୍ଣ୍ଣ ସୁସ୍ଥ; AIIMS ଭୁବନେଶ୍ୱର ଡାକ୍ତରୀ ରିପୋର୍ଟରେ ଉଲ୍ଲେଖ

News 18 Odia Digital

ଭୁବନେଶ୍ୱର; ଓଡ଼ିଶାର ଭୁବନେଶ୍ଵର ସ୍ଥିତ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥା କହିଛି ଯେ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସ୍ୱାସ୍ଥ୍ୟ ସମସ୍ୟା ରହିଛି, କିନ୍ତୁ ଡାକ୍ତରଖାନାରେ ଭର୍ତ୍ତି ହେବା ଆବଶ୍ୟକ ନାହିଁ । AIIMS କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଶୁତୋଷ ବିଶ୍ୱାସ ଗଣମାଧ୍ୟମକୁ କହିଛନ୍ତି, "ଆମେ "ଚାଟାର୍ଜୀ"ଙ୍କ ସ୍ୱାସ୍ଥ୍ୟ ଭଲଭାବେ ଯାଞ୍ଚ କରିଛୁ । ତାଙ୍କର କିଛି ପୁରୁଣା ରୋଗ ଅଛି, କିନ୍ତୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯିବା ଆବଶ୍ୟକ ନାହିଁ ।" ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ଵାରା ସ୍କୁଲରେ ଚାକିରି ସମ୍ବନ୍ଧୀୟ ଅଭିଯୋଗରେ ଗିରଫ ହୋଇଥିବା ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ ସୋମବାର ଦିନ କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ 'ଏୟାର ଆମ୍ବୁଲାନ୍ସ' ଦ୍ୱାରା ଭୁବନେଶ୍ୱରକୁ ଅଣାଯାଇଥିଲା । AIIMS ଭୁବନେଶ୍ୱର ଡାକ୍ତରୀ ରିପୋର୍ଟ ପ୍ରକାଶ ପରେ ଇଡି କୋର୍ଟଙ୍କୁ ୧୪ ଦିନ ପାଇଁ ହେପାଜତ ମାଗିଛି ।

ସୋମବାର ସକାଳେ 'ଏୟାର ଆମ୍ବୁଲାନ୍ସ'ରେ ଚାଟାର୍ଜୀଙ୍କୁ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS)  ଭୁବନେଶ୍ୱରକୁ ନେବାକୁ କୋର୍ଟ ନିର୍ଦ୍ଦେଶ ଦେଇଥିଲେ । ଏହି ସ୍କାମ ସମ୍ପର୍କରେ ଜାଣିବା ପରେ ଇଡି ଅନୁସନ୍ଧାନ କରିବା ବେଳେ ଚାଟାର୍ଜୀଙ୍କୁ ଗିରଫ କରାଯାଇଥିଲା । ଏହି ଦୁର୍ନୀତି ସମୟରେ ଚାଟାର୍ଜୀ ଶିକ୍ଷାମନ୍ତ୍ରୀ ଥିଲେ । ବର୍ତ୍ତମାନ ସେ ରାଜ୍ୟର ଶିଳ୍ପ ଓ ସଂସଦୀୟ ବ୍ୟାପାର ମନ୍ତ୍ରୀ ଅଛନ୍ତି । ରାଜ୍ୟ ଶିଳ୍ପ ଏବଂ ସଂସଦୀୟ ବ୍ୟାପାର ମନ୍ତ୍ରୀ ଚାଟାର୍ଜୀଙ୍କୁ ସୋମବାର ପର୍ଯ୍ୟନ୍ତ କୋଲକାତାର ଏକ କୋର୍ଟ ଦ୍ୱାରା ଇଡି ହେପାଜତକୁ ପଠାଯାଇଛି ।