J&K: କ'ଣ ପୁଞ୍ଚରେ ଆତଙ୍କବାଦୀ ସହ ଭାରତୀୟ ସୁରକ୍ଷା ବାହିନୀ ସହିତ ଲଢୁଛି ପାକିସ୍ତାନୀ କମାଣ୍ତୋ?

ଅକ୍ଟୋବର ୧୦ ତାରିଖ ରାତିରେ ପୁଞ୍ଚ ଜିଲ୍ଲାର ଡେରା ୱାଲି ଗାଲି ଅଞ୍ଚଳରେ ଏହି ଆତଙ୍କବାଦୀଙ୍କ ସହ ପ୍ରଥମ ମୁକାବିଲାରେ ଜେଓସି ସମେତ ପାଞ୍ଚ ଜଣ ସୈନିକ ସହିଦ ହୋଇଥିଲେ।

ପୁଞ୍ଚରେ ଆତଙ୍କବାଦୀ ସହ ଭାରତୀୟ ସୁରକ୍ଷା ବାହିନୀ ସହିତ  ଲଢୁଛି ପାକିସ୍ତାନୀ କମାଣ୍ତୋ

ପୁଞ୍ଚରେ ଆତଙ୍କବାଦୀ ସହ ଭାରତୀୟ ସୁରକ୍ଷା ବାହିନୀ ସହିତ ଲଢୁଛି ପାକିସ୍ତାନୀ କମାଣ୍ତୋ

  • Share this:
News18 Odia Digital

ଶ୍ରୀନଗର: ପ୍ରାୟ ଆଠ ଦିନ ଧରି ଜାମ୍ମୁ କାଶ୍ମୀରର ପୁଞ୍ଚ ଜିଲ୍ଲାର ଜଙ୍ଗଲରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ଚାଲିଛି। ଏନଡିଟିଭି ରିପୋର୍ଟ ଅନୁଯାୟୀ, ଏହି ପ୍ରସଙ୍ଗରେ ସେନା ଓ ପୋଲିସର ସୂତ୍ରରୁ ଜଣାପଡ଼ିଛି ଯେ ଆତଙ୍କବାଦୀମାନେ ଯେଉଁ ତୀବ୍ରତା ସହ ଲଢୁଛନ୍ତି, ସେମାନଙ୍କୁ ପାକିସ୍ତାନର କମାଣ୍ଡୋମାନେ ତାଲିମ ଦେଇଥିବା ଜଣାପଡ଼ିଛି।

ଦୁଇ ସୈନିକଙ୍କ ସହିଦ ହେବା ସହିତ ପୁଞ୍ଚର ସୁରାନକୋଟ ଜଙ୍ଗଲରେ ସୋମବାର ଠାରୁ ଆରମ୍ଭ ହୋଇଥିବା ଅପରେସନରେ ଏ ପର୍ଯ୍ୟନ୍ତ ନଅ ଜଣ ସୈନିକ ସହିଦ ହୋଇଛନ୍ତି। ପରେ ଏହି ଅଭିଯାନ ପୁଞ୍ଚର ମେଂଢର ଓ ରାଜୌରୀର ଥାନାମାଣ୍ଡିରେ ବ୍ୟାପିଥିଲା । କୌଣସି ଆତଙ୍କବାଦୀଙ୍କୁ ହତ୍ୟା କରାଯାଇଛି କି ନାହିଁ ତାହା ମଧ୍ୟ ସ୍ପଷ୍ଟ ହୋଇନାହିଁ, କାରଣ ଏ ପର୍ଯ୍ୟନ୍ତ କୌଣସି ମୃତ ଦେହ ମିଳିନାହିଁ। ବ୍ୟାପକ ସର୍ଚ୍ଚ ଅପରେସନ୍, ଭାରୀ କର୍ଡନ୍ ଓ ପ୍ରବଳ ଗୁଳି ବିନିମୟ ସତ୍ତ୍ହେ ଘନ ଜଙ୍ଗଲର ୮ ରୁ ୯ କିଲୋମିଟର ଲମ୍ବା ଅଞ୍ଚଳରେ ଏହି ଏନକାଉଣ୍ଟର ଚାଲିଛି ।

ଗତ ୧୦ ତାରିଖ ରାତିରେ ପୁଞ୍ଚର ଡେରା ୱାଲି ଗାଲି ଅଞ୍ଚଳରେ ଏହି ଆତଙ୍କବାଦୀଙ୍କ ସହ ପ୍ରଥମ ମୁକାବିଲାରେ ଜେସିଓ ସମେତ ପାଞ୍ଚ ଜଣ ସହିଦ ସହିଦ ହୋଇଥିଲେ। ଏହା ପରେ ଗୁରୁବାର ଦିନ ଆତଙ୍କବାଦୀଙ୍କୁ ଖୋଜୁଥିବା ଏକ ସେନା ଦଳ ନର ଖାସ୍ ଜଙ୍ଗଲରେ ଆକ୍ରମଣ କରିଥିଲେ। ଏଥିରେ ଦୁଇ ସୈନିକ ସହିଦ ହୋଇଥିଲେ ଓ ଜେସିଓ ସମେତ ଅନ୍ୟ ଦୁଇଜଣ ନିଖୋଜ ହୋଇଯାଇଥିଲେ। ଦୁଇ ଦିନ ତଳେ କଡ଼ା ଅପରେସନ୍ ପରେ ସେମାନଙ୍କ ମୃତ ଦେହ ଉଦ୍ଧାର କରାଯାଇଥିଲା।

ସୂତ୍ରରୁ ପ୍ରକାଶ ଏହି ଆଶଙ୍କା

ସେନା ତଥା ସ୍ଥାନୀୟ ପୋଲିସର ସୂତ୍ରରୁ ଜଣାପଡ଼ିଛି ଯେ ଆତଙ୍କବାଦୀମାନେ ଆଠ ଦିନ ଧରି ସଂଗ୍ରାମ କରି ହଜାର ହଜାର ସୁରକ୍ଷା ବାହିନୀଠାରୁ ରକ୍ଷା ପାଇ ଲଢୁଛନ୍ତି । ଏଥିରୁ ଜଣାପଡୁଛି ଯେ ସେମାନେ ପାକିସ୍ତାନୀ ସେନାର ଏଲିଟ କମାଣ୍ଡୋଙ୍କ ଦ୍ୱାରା ତାଲିମ ପ୍ରାପ୍ତ କରିଛନ୍ତି। ଆତଙ୍କବାଦୀଙ୍କ ଗୋଷ୍ଠୀରେ ପାକିସ୍ତାନୀ କମାଣ୍ଡୋ ମଧ୍ୟ ଯୋଗ ଦେଇପାରନ୍ତି, କିନ୍ତୁ ସେମାନଙ୍କୁ ହତ୍ୟା କରାଯିବା ପରେ ଆମେ ନିଶ୍ଚିତ ଜାଣିବୁ ବୋଲି ଜଣେ ଅଧିକାରୀ ନାମ ଗୋପନ ରଖିବା ସର୍ତ୍ତରେ କହିଛନ୍ତି।

ସୁରକ୍ଷା ବାହିନୀକୁ ସତର୍କତା ଅବଲମ୍ବନ କରିବାକୁ କୁହାଯାଇଛି। ଏହା ସହିତ, ନିର୍ଦ୍ଦେଶ ଦିଆଯାଇଛି ଯେ ଅପରେସନ୍ ସରି ଗଲେ ମଧ୍ୟ ଏହା ନିଶ୍ଚିତ ହେବା ଉଚିତ୍ ଯେ ସେଠାରେ ଆଉ କୌଣସି କ୍ଷୟକ୍ଷତି ହୋଇନାହିଁ । ସୂତ୍ରରୁ ପ୍ରକାଶ ଯେ ଆତଙ୍କବାଦୀମାନଙ୍କୁ ଗୋଟିଏ ଅଞ୍ଚଳରେ ଘେରି ନିଆଯାଇଛି । ପେରା କମାଣ୍ଡୋ ଓ ସେନାର ହେଲିକପ୍ଟର ସାହାଯ୍ୟରେ ସୁରକ୍ଷା ବାହିନୀ ଆଶା କରୁଛନ୍ତି ଯେ ଏହି ମୁକାବିଲା ଯଥାଶୀଘ୍ର ଶେଷ ହେବ।
Published by:Lipina Das
First published: