Video: ଆଫଗାନ ଶରଣାର୍ଥୀଙ୍କୁ ଦେଖି ଡରିଲା ପାକିସ୍ତାନ; ସିଲ୍ କଲା ବର୍ଡର, ଭିଡ଼ରେ ମଲେ ୪ ଜଣ

News18 Odia Digital

ଇସଲାମବାଦ: ଆଫଗାନିସ୍ତାନରୁ ଆସୁଥିବା ଶରଣାର୍ଥୀଙ୍କ ସଂଖ୍ୟାକୁ ଦୃଷ୍ଟିରେ ରଖି ପାକିସ୍ତାନ ଏହାର ସମସ୍ତ ସୀମା ବନ୍ଦ କରିଦେଇଛି । ଏହି କାରଣରୁ ସୀମାର ଉଭୟ ପାର୍ଶ୍ୱରେ ବହୁ ସଂଖ୍ୟକ ଲୋକ ଫସି ରହିଛନ୍ତି । କୁହାଯାଉଛି ଯେ ସେମାନଙ୍କ ମଧ୍ୟରେ ମହିଳା ଓ ଶିଶୁଙ୍କ ସଂଖ୍ୟା ଅଧିକ ରହିଛି । ସୀମାନ୍ତରେ ଭିଡ଼ ହେତୁ ଅତି କମରେ ଚାରି ଜଣଙ୍କର ମୃତ୍ୟୁ ହୋଇଥିବା ଆଫଗାନିସ୍ତାନ ଗଣମାଧ୍ୟମ ଦାବି କରିଛି ।

କୁହାଯାଉଛି ଯେ ପାକିସ୍ତାନ ଅସ୍ଥାୟୀ ଭାବେ ଚମନ ସୀମା କ୍ରସିଂ ବନ୍ଦ କଲାବେଳେ ଏହି ଏହି ଭିଡ଼ ଦେଖିବାକୁ ମିଳିଥିଲା । ଏହି ସୀମା କ୍ରସିଂ ଆଫଗାନିସ୍ତାନର କନ୍ଦାର ପ୍ରଦେଶର ସ୍ପିନ୍ ବୋଲ୍ଡକକୁ ପାକିସ୍ତାନର ଚମନ ସହର ସହିତ ସଂଯୋଗ କରେ । ଏହାର ଏକ ଭିଡିଓ ବର୍ତ୍ତମାନ ଖୁବ୍ ଭାଇରାଲ ହେଉଛି। ଭିଡିଓରେ ଏହା ଦେଖିବାକୁ ମିଳେ ଯେ ବହୁ ସଂଖ୍ୟାରେ ଲୋକ ପାକିସ୍ତାନରେ ପ୍ରବେଶ କରିବାକୁ ଚାହୁଁଛନ୍ତି ।

ଏହି ଭିଡିଓକୁ ପାକିସ୍ତାନୀ ସାମ୍ବାଦିକ ମୁସଲିମ ଶିରଜାଦ ସେୟାର କରିଛନ୍ତି । ସେ କହିଛନ୍ତି, ‘‘ଏହି ଚିତ୍ର ଦେଶରେ ଆସିବାକୁ ଥିବା ଅସୁବିଧାର । ପାକିସ୍ତାନ-ଆଫଗାନିସ୍ତାନ ସୀମା ବନ୍ଦ ରହିଛି । ଭିଡ଼ ଯୋଗୁଁ ଚାରି ଜଣଙ୍କର ମୃତ୍ୟୁ ହୋଇଛି । ବର୍ତ୍ତମାନ ହଜାର ହଜାର ମହିଳା ଓ ଶିଶୁ ସୀମା ନିକଟରେ ଶୋଇଛନ୍ତି ।’’

The image of the misery of a nation; Pakistan-Afghanistan border through #Spinboldak o #Kandahar is closed. Due to crowd 4 people killed. Thousands of people including women and children are sleeping near the borderline right now. pic.twitter.com/I4ZCAMDOPJ

— Muslim Shirzad (@MuslimShirzad) September 2, 2021

ପାକିସ୍ତାନ ମଧ୍ୟ ଚମନ ସୀମା ବନ୍ଦ କରିଦେଇଛି

ଏହା ପୂର୍ବରୁ ପାକିସ୍ତାନର ଆଭ୍ୟନ୍ତରୀଣ ମନ୍ତ୍ରୀ ଶେଖ ରସିଦ ଅହମ୍ମଦ ସୂଚାଇ ଦେଇଥିଲେ ଯେ ଚମନ ବର୍ଡର କ୍ରସିଂ କିଛି ଦିନ ପାଇଁ ବନ୍ଦ ହୋଇପାରିବ। ସେ ଏହା ପଛରେ ସୁରକ୍ଷା କାରଣ ଦର୍ଶାଇଥିଲେ । ତେବେ ସୀମା କେତେ ଦିନ ବନ୍ଦ ରହିବ ତାହା ମନ୍ତ୍ରୀ କହି ନଥିଲେ ।

ଆମେରିକାର ନ୍ୟୁଜ୍ ୱେବସାଇଟ୍ ସିଏନ୍ଏନ୍ ପାକିସ୍ତାନର ଫେଡେରାଲ୍ ଇନଭେଷ୍ଟିଗେସନ୍ ଏଜେନ୍ସିର ଜଣେ ଅଧିକାରୀଙ୍କ ଉଦ୍ଧେଶ୍ୟରେ କହିଛି ଯେ ବୁଧବାର ଦିନ ପାକିସ୍ତାନ ପ୍ରାୟ ୫,୦୦୦ ଆଫଗାନିସ୍ତାନ ଲୋକଙ୍କୁ ସ୍ପିନ୍ ବୋଲ୍ଡକ୍ କ୍ରସିଂରେ ପ୍ରବେଶ କରିବାକୁ ଦେଇ ନାହିଁ।

ପାକିସ୍ତାନରେ ୩ ମିଲିୟନ ଆଫଗାନିସ୍ତାନ ଶରଣାର୍ଥୀ

୧୯୭୯ ମସିହାରେ ଆଫଗାନିସ୍ତାନ ଉପରେ ୟୁଏସଆର ଆକ୍ରମଣ ପରେ ପାଖାପାଖି ତିନି ନିୟୁତ ଆଫଗାନିସ୍ତାନ ଶରଣାର୍ଥୀ ପାକିସ୍ତାନରେ ରହୁଥିଲେ । ପାକିସ୍ତାନୀ ଅଧିକାରୀମାନେ ଆଶଙ୍କା ବ୍ୟକ୍ତ କରିଛନ୍ତି ଯେ ଯଦି ସୀମା ନିୟମକୁ ରିହାତି ଦିଆଯାଏ, ତେବେ ପ୍ରାୟ ଏକ ଲକ୍ଷ ଅଧିକ ଆଫଗାନିସ୍ତାନ ଦେଶରେ ପ୍ରବେଶ କରିବେ ।

ବର୍ତ୍ତମାନ ଆଫଗାନିସ୍ତାନ ସହିତ ୨,୫୦୦ କିଲୋମିଟର ଲମ୍ବା ପାକିସ୍ତାନର ୯୦ ପ୍ରତିଶତରୁ ଅଧିକ ବାଡ଼ରେ ବନ୍ଧା ହୋଇଛି। ବୈଧ ଭ୍ରମଣ ଡକ୍ୟୁମେଣ୍ଟ ଥିବା ବ୍ୟକ୍ତିଙ୍କ ପାଇଁ କେବଳ ଏକ ଡଜନ କ୍ରସିଂ ପଏଣ୍ଟ ପ୍ରବେଶ କରିବାକୁ ଅନୁମତି ଦିଆଯାଉଛି ।