ପାକିସ୍ତାନ: ଇମ୍ରାନ ସରକାର ଭାରତରୁ କପା ଓ ଚିନି ଆମଦାନୀ କରିବାର ନିଷ୍ପତ୍ତିକୁ ପ୍ରତ୍ୟାହାର କଲେ

ଇମ୍ରାନ ଖାନ ସରକାରଙ୍କ (Imran Khan Government) କ୍ୟାବିନେଟ ଭାରତରୁ କପା (Cotton) ଆମଦାନୀ କରିବାର ନିଷ୍ପତିକୁ ପ୍ରତ୍ୟାହାର କରିଛି । କୁହାଯାଉଛି ଯେ ଘରୋଇ ସ୍ତରରେ ବିରୋଧ ଯୋଗୁଁ ଇମ୍ରାନ ଖାନ ସରକାର ଆମଦାନୀ ନିଷ୍ପତ୍ତିରେ ପରିବର୍ତ୍ତନ କରିଛନ୍ତି ।

ପାକିସ୍ତାନ: ଇମ୍ରାନ ସରକାର ଭାରତରୁ କପା ଓ ଚିନି ଆମଦାନୀ କରିବାର ନିଷ୍ପତ୍ତିକୁ ପ୍ରତ୍ୟାହାର କଲେ
ଇମ୍ରାନ ସରକାର ଭାରତରୁ କପା ଓ ଚିନି ଆମଦାନୀ କରିବାର ନିଷ୍ପତ୍ତିକୁ ପ୍ରତ୍ୟାହାର କଲେ
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ଇସଲାମାବାଦ: ପାକିସ୍ତାନ (Pakistan) ଭାରତ ସହ ବାଣିଜ୍ୟକୁ ନେଇ ଏକ ବଡ ନିଷ୍ପତ୍ତି ନେଇଥିଲା । ସେଥିପାଇଁ ଘରୋଇ ସ୍ତରରେ ବିରୋଧ ହୋଇଥିଲା ଓ ବର୍ତ୍ତମାନ ଇମ୍ରାନ ସରକାର ଭାରତରୁ କପା ଓ ଚିନି ଆମଦାନୀ କରିବାକୁ ନିଷ୍ପତ୍ତିରେ ପରିବର୍ତ୍ତନ କରିଛନ୍ତି । ପାକିସ୍ତାନୀ ଗଣମାଧ୍ୟମର ରିପୋର୍ଟ ଅନୁଯାୟୀ ଭାରତରୁ ପାକିସ୍ତାନକୁ କପା ଓ ଚିନି ଆମଦାନୀ କରିବାର ନିଷ୍ପତ୍ତିକୁ କ୍ୟାବିନେଟ ଅର୍ଥନୈତିକ ସମନ୍ୱୟ କମିଟିରେ ପ୍ରତ୍ୟାଖ୍ୟାନ କରାଯାଇଛି । ଟେକ୍ସଟାଇଲ ଇଣ୍ଡଷ୍ଟ୍ରି ଭାରତରୁ କପା ଆଣିବାକୁ ଦାବି କରୁଥିବାବେଳେ ମୌଳିକବାଦୀମାନେ କାଶ୍ମୀର ପରିବର୍ତ୍ତନ ନକରି ଭାରତ ଆଗରେ ମଥାନତ କରିଥିବା କହି ସମାଲୋଚନା କରିଥିଲେ ।

ବାସ୍ତବରେ ଗୁରୁବାର ଦିନ ପାକିସ୍ତାନୀ କ୍ୟାବିନେଟରେ ଭାରତରୁ କପା ଆମଦାନୀ ନିଷ୍ପତ୍ତିକୁ ପ୍ରତ୍ୟାହାର କରିବାକୁ ନିଷ୍ପତ୍ତି ନିଆଯାଇଛି । ଏହାପୂର୍ବରୁ ପାକିସ୍ତାନର କ୍ୟାବିନେଟ ଅର୍ଥନୈତିକ ସମନ୍ୱୟ କମିଟି ବୁଧବାର ଭାରତ ସହ ବାଣିଜ୍ୟ ଆରମ୍ଭ କରିବାକୁ ଅନୁମୋଦନ ଦେଇଥିଲା । ସେହି ସମୟରେ କମିଟି କହିଥିଲା ଯେ ପାକିସ୍ତାନ ୩୦ ଜୁନ୍ ୨୦୨୧ ରୁ ଭାରତରୁ କପା ଆମଦାନୀ କରିବ । ଭାରତରୁ ଘରୋଇ କ୍ଷେତ୍ରକୁ ଚିନି ଆମଦାନୀକୁ ମଧ୍ୟ ପାକିସ୍ତାନ ସରକାର ଅନୁମୋଦନ କରିଛନ୍ତି । ୨୦୧୬ ମସିହାରେ ପାକିସ୍ତାନ ଭାରତରୁ କପା ଓ ଅନ୍ୟାନ୍ୟ କୃଷିଜାତ ଦ୍ରବ୍ୟ ଆମଦାନୀ ବନ୍ଦ କରି ଦେଇଥିଲା । ସୂଚନାନୁସାରେ ପାକିସ୍ତାନରେ ବୟନ ଶିଳ୍ପକୁ ଚିନି ମୂଲ୍ୟ ବୃଦ୍ଧି ଓ ଆର୍ଥିକ ସଙ୍କଟରୁ ରକ୍ଷା କରିବା ପାଇଁ ଇମ୍ରାନ ସରକାର ଭାରତ ସହ ବାଣିଜ୍ୟ ଆରମ୍ଭ କରିବାକୁ ଅନୁମୋଦନ ଦେଇଥିଲେ । ଦୁଇ ଦେଶ ମଧ୍ୟରେ ତିକ୍ତ ସମ୍ପର୍କ ମଧ୍ୟରେ ଏହା ଭାରତ ସହ ସମ୍ପର୍କକୁ ସୁଦୃଢ କରିବା ଦିଗରେ ପାକିସ୍ତାନର ପ୍ରଥମ ପ୍ରମୁଖ ପ୍ରୟାସ ଭାବରେ ଦେଖାଯାଇଥିଲା ।

କପା ଅଭାବରୁ ପାକିସ୍ତାନ ସଂଘର୍ଷ କରୁଛି
କପା ଅଭାବରୁ ପାକିସ୍ତାନୀ ବୟନ ଶିଳ୍ପ ଏକ ବଡ଼ ସଙ୍କଟ ଦେଇ ଗତି କରୁଛି । କଞ୍ଚାମାଲର ଅଭାବକୁ ଦୂର କରିବା ପାଇଁ ପାକିସ୍ତାନର ବୟନ ମନ୍ତ୍ରଣାଳୟ ଭାରତରୁ କପା ଆମଦାନୀ ଉପରେ ଲାଗିଥିବା ପ୍ରତିବନ୍ଧକକୁ ହଟାଇବାକୁ ପରାମର୍ଶ ଦେଇଥିଲା । ଏହି ଚାପରେ ଇମ୍ରାନ ଖାନ ସରକାର ପ୍ରଥମେ କପା ଆମଦାନୀକୁ ଅନୁମୋଦନ କରିଥିଲେ କିନ୍ତୁ ଯେତେବେଳେ ରାଜନୈତିକ ଦଳ ସେମାନଙ୍କୁ ଏହା ପାଇଁ ଘେରିଥିଲେ ସେତେବେଳେ ସେ ଏହାକୁ ପ୍ରତ୍ୟାଖ୍ୟାନ କରିଦେଇଥିଲେ ।
Published by: Jagdish Barik
First published: April 1, 2021, 5:55 PM IST